Монолог сөзге тән кейбір психологиялық ерекшеліктер:
1. Монолог алдын-ала даярлықты тілейді. Белгілі жоспар құрылып, сөйлеуші өз сөзін басшылыққа алып, ой-пікірін жүйелі баяндауға тырысады.
2. Монологтің мағыналы жағы мен оның тыңдаушысын баурап алатын тартымдылығы жағына қатаң талаптар қойылады.
3. Монолог сөз адамға әсер ететін сөздің мәнерлілігін (сөзді нақышына келтіріп айту) көбірек қажет етеді.
4. Монологті құрайтын сөйлемдер грамматикалық талаптардан ауытқымайды.
Ассоциограмма әдісі (диаграммалық байланыстар) – графикалық түсініктер мен құрылымдық [зерделік карта, ойлар картасы (ағыл. Mind map) немесе ассоциативтік крата] түрлерге енгізілген білімдерді оңай қабылдауға көмектесетін оқыту тәсілін пайдалантын кешенді әдіс. Ассоциограмма әдісі білімдерді иерархиялық және көрнекті түрлерде құру үшін және де кешенді байланыстарды көз алдында елестету үшін әрқашанда керек
Тренинг (train – оқыту, тәрбиелеу) – білім, білік, дағды және әлеуметтік мақсаттарды дамытуға бағытталған белсенді оқу әдісі. Егер жаңа ақпарат алуды ғана көздемей, мақсат алынған білімдерді тәжірибеде қолдану болған жағдайда тренинг айтарлықтай жиі өткізіледі. Тренингтер - қысқа мерзім ішінде практикалық қолданыста қажетті әрі тиімді біліктер мен дағдыларды игеруге бағытталған оқу сабақтары. Тренингтердің мақсаты – үйренудің ең тиімді жолдарын игеру. Мұнда үйренушілер өз әрекеттерін қалайша тиімді түрде ұйымдастырып, жұмыста оң нәтижеге қалайша жету керектігі мәселесімен айналысады.
Достарыңызбен бөлісу: |
