Сабақтың тақырыбы : Кіріспе сабақ

жүктеу/скачать 0.59 Mb.

бет	4/4
Дата	01.07.2016
өлшемі	0.59 Mb.
	#171035
түрі	Сабақ

1 2 3 4

Білімді бекіту: Өтілген тақырыпқа байланысты бірнеше сұрақтар қоямын. Түсінбеген сұрақтарына жауап беремін.

Білімді бағалау: Оқушылырдың жауаптарына қарай білімдері бағаланады.
Үйге тапсырма: 71-жаттығу.
Күні: Пәні: қазақ тілі Сыныбы: 10

Сабақтың тақырыбы : Диктант

Сабақтың мақсаты :

а) Балалардың есте сақтау қабілетін дамыту,өз ойын еркін жеткізе білуге,сауатты жазуға дағдыландыру.

ә) Мұқият тыңдап, ұқыпты жаза білуге үйрету.

б) Өз ісіне ұқыпты,мейірімді,кешірімшіл болуға тәрбиелеу.

Сабақтың түрі : қайталау

Сабақтың әдісі: баяндау

Сабақтың көрнекілігі : диктанттар жинағы

Сабақтың барысы :

а) Ұйымдастыру кезеңі :

Оқушылармен амандасу,түгелдеу, оқушылардың зейінін аудару.

Тақтаға бүгінгі күнді жазып қоямын.

б) Жаңа сабақты түсіндіру:

Даланы сағыну

Қызуы азайған дала күні қала жақта көлденең сұлап жатқан көксұр белге төніп,аспанның арғы шалғайына өрт жібергендей,батыс көкжиек әлдебір оқыс лап еткен алкүрең шұғыламен арайланады.

Жайлауда ауыл-ауыл боп жағалай қонған, Көктөбенің іргесін көмкере ойдым-ойдым қотандасып тігілген ақбоз үйлер; үйден үйге кіріп қарбаласқан, ауылдан ауылға бара жатқан үлкенді-кішілі әйел- еркектер, қыз-келіншектер; ауыл сыртына алтыбақан орнатып, әлпеншек тепкен, ән салып күй тартқан, мың бұралып би билеген көңілді жастар;одан әрі сонау сарқырама бұлақ бойында, мынау көк айдын қоғалы көл жағасында ат ойнатқан, ит жүгіртіп, құс салған шабандаоз сері жігіттер; бәрінен аулақ ошарылып,бірақ жайлау шетін тегіс басқан, түгел жапқан қара-құрым мал,ауыл адамдарының әніне үн қоса жамыраған жас төл: боздаған бота, маңыраған қозы, кісінеген құлын... Бәрін ертегідей мұнарта кіреукелеген торғын шымылдық тәрізді жұқа қызғылт нұр...

Осынау жан тебірентер жақсы көрініске қыр үстінен қызыға, сүйсіне қараған Мұхтар ойдағы жайлау көркінен көпке дейін көз ала алмады. Көңілі көтеріңкі. Ойы өрбіп, қиялы сергіп алысқа алып қашқандай.

Сондықтан Мұхтар бүгінде қалада жүріп даланы сағынады. Түбінде Мұхтардың мұхтарлығы дәл осы далаға деген сағынышта жататын шығар. «Отан отбасынан басталады» дегендей, Мұхтардың отбасы да осы далада, демек, отаны да осы дала. Тірі кісі жыл өткен сайын ілгерілейді,өседі десек, Мұхтарды ілгерілететін, өсіретін осынау далаға деген сағыныш болса керек. Даласын сағынып өсіп келеді Мұхтар...

Зейнолла Қабдол. (208 сөз).

Мәтінді бір рет оқып беремін ,оқушылар тыныс белгісін қояды.
Үйге тапсырма : Қайталау.

Күні: Пәні: қазақ тілі Сыныбы: 10

Сабақтың тақырыбы : Іскерлік қарым-қатынастағы ауызша сөйлеу тілі Сабақтың мақсаты : Білімділігі: іскерлік қарым-қатынастағы ауызша сөйлеу тілі туралы түсінік беру,теориялық білімдерін практикамен ұштастыру,оқушы білімін есепке алу.

2.Дамытушылық: әдеби жанрлардың түрлерінен мысалдар келтіру арқылы пәнге деген қызығушылығын дамыту,ізденімпаздық қасиетін қалыптастыру,шығармашылыққа баулу,тіл байлығын жетілдру.

3.Тәрбиелік: оқушыларды адамгершілікке,ізеттілікке,әдептіліке,шапшаңдыққа тәрбиелеу,ұлттық салт-дәстүрді қадірлеуге баулу,өз елін,тілін сүюді үйрету. Сабақтың түрі : жаңа сабақты меңгерту.

Сабақтың әдісі : сұрақ-жауап,шығармашылық іздену

Сабақтың көрнекілігі : кеспе қағаздар, тірек сызбалар

Пәнаралық байланыс : әдебиет,тарих

Сабақтың барысы :

а) Ұйымдастыру кезеңі :

Оқушылармен амандасу,түгелдеу,оқу құралдарын тексеру.Сыныптың тазалығына көңіл бөлу.Оқушылардың зейінін сабаққа аудару.

ә) Үй тапсырмасын пысықтау :

Үйге берілген тапсырманы сұраймын . Оқушыларға өткен тапсырма бойынша бірнеше сұрақтар қоямын

б) Жаңа сабақты түсіндіру.

Іскерлік қарым-қатынастағы маңызды тұстың бірі - ауызша ресми іскерлік тілінде әдеп пен мәдениет шеңберінен шықпай сөйлеу білу. Бұның басты шарты өзің баяндағалы отырған немесе кеңеске, келісімге, талқыға салар тақырып жайында кең білімің болуы, әрі осы мәселені алдын-ала ой елегінен өткізіп, зерттеп алғаның жөн. Келесі бір көңілге тоқитын талап өз пікіріңді, ой-түйініңді дайындап ортаға салуға әзірленген жағдайда іс дұрыс шешімін табары сөзсіз.

Іскерлік қарым-қатынастағы ауызша жүргізілетін істердің ерекшелігі - ресмилігі мен қолма-қол шешім шығарып, сол мәжіліс, жиналыс, кеңесте істің нәтиже, қорытынды, түйінін анықтау қажеттігінде. Осымен де шеберлік, білім, білік, әдеп, тәрбие анықталады.

Іскерлік қарым-қатынастағы тіл мәдениетінің ауызша түрі ақпарат алмасу, белгілі бір сала жұмысы бойынша талдау мен талқылау мәселелерін қамтиды. Пікірлесуші, кездесушілердің жеке бас мәселесі, ішкі сезім көңілдегі әңгіме тақырыбынан тыс қалғаны дұрыс.

Ауызша сөйлеу тілі:

- баяндау, есеп беру, хабарлау, талқылау;

- істің жүру, өту барысы туралы ақпарат, мәліметтермен алмасу;

- жұмыстың нәтижелі, оңтайлы, ыңғайлы жолдарын табу;

- мәселеге қатысты таңдап алынған ой-пікір, шешімдерді іріктей білуден тұрады.

Кеңес, жиналыс, мәжілістің міндеті белгіленіп, алдын-ала кіріспе сөз әзірленсе, сондай-ақ, қатысушыларға күн тәртібі мәселесі, өтетін уақыты туралы алдын-ала хабарлап, жиналыс өтетін жерді әзірлеп, қажетті көрнекі, техникалық құралдармен жабдықтап, әр сөйлеуші сөзінің тезисі, баяндама, хабарлама мазмұны, шешімнің жобасы даярланған жағдайда жиналыс, мәжіліс, келісім жоспарланғандай өтері сөзсіз.

Іскерлік қарым-қатынастағы әңгіменің жүйелі болуы үшін:

- тақырыптың нақтылығы;

- ортақ тақырыбы - әңгімелесушілердің тақырыпқа байланысты мәліметтері болуы;

- ортақ мақсат пен міндетті белгілей білу;

- ортаң шешімге келе алуы қажет.

Ауызша әңгімелесу, сөйлесу түрлерін іскерлік қарым-қатынас ыңғайына қарай төмендегідей жіктеуге болады.

1. Пікір, алған әсер, жаңалық туралы ой бөлісу.

2. Түрлі жағдайға, ой, көзқарасқа пікір білдіру.

3. Жиналыс, мәжілісте баяндама жасау, жарыс сөзге шығу.

4. Жаңа іс, мәселеге байланысты келісім жасау.

Жаттығумен жұмыс: 78-жаттығу Кестені толтырыңдар

Білімді бекіту: Өтілген тақырыпқа байланысты бірнеше сұрақтар қоямын. Түсінбеген сұрақтарына жауап беремін.

Бағалау: Үй тапсырмасын орындап келгеніне және жаңа сабаққа ынталы қатысып отырғандарын бағалаймын.

Үйге тапсырма: 80-жаттығу.

Күні: Пәні: қазақ тілі Сыныбы: 10

Сабақтың тақырыбы : Іскерлік қарым- қатынас тілі

Сабақтың мақсаты : Білімділігі: іскерлік қарым-қатынас тілі туралы түсінік беру,теориялық білімдерін практикамен ұштастыру,оқушы білімін есепке алу.

3.Тәрбиелік: оқушыларды адамгершілікке,ізеттілікке,әдептіліке,шапшаңдыққа тәрбиелеу,ұлттық салт-дәстүрді қадірлеуге баулу,өз елін,тілін сүюді үйрету. Сабақтың түрі : жаңа сабақты меңгерту.

Сабақтың әдісі : сұрақ-жауап, дамыта оқыту

Сабақтың көрнекілігі : кітаптар , тірек сызбалар

Пәнаралық байланыс : әдебиет,тарих

Сабақтың барысы :

а) Ұйымдастыру кезеңі :

ә) Үй тапсырмасын пысықтау :

Үйге берілген тапсырманы сұраймын . Оқушыларға өткен тапсырма бойынша бірнеше сұрақтар қоямын

б) Жаңа сабақты түсіндіру.

Іскерлік қарым-қатынас тілі-белгілі бір мекемеде, кәсіпорын өндірісте қолданылатын қызметтік пікірлесу,келіссөз жүргізу,келісім-шарт жасау,құжаттар алмасу,іс қағаздарын жүргізу,ресми кеңес,жиналыс мәжілістер өткізуде қолданатын тіл.

Іскерлік тіл көркем әдебиет тілінен гөрі маманна нақты бір салаға қатысты тіл даярлығын,жүйелі білімді, біліктілікті талап етеді.

Талқыға түсетін мәселе жөнінде жан-жақты хабардар болу,сол салаға қатысты терминдерді орнымен қолдану,сұраққа нақты , жүйелі жауап беру де- іскерлік қарым-қатынастың талаптары.

Жаттығумен жұмыс: 75-жаттығу Төмендегі сөз тіркестері мен сөз орамдарын пайдаланып, М.Әуезовтің «Абай жолы» кітабына анотация жазыңдар
Шығармашылық жұмыс: Өздерің соңғы рет оқыған кітаптарың жайында пікір жазыңдар.
Білімді бекіту: Өтілген тақырыпқа байланысты бірнеше сұрақтар қоямын. Түсінбеген сұрақтарына жауап беремін.
Бағалау: Үй тапсырмасын орындап келгеніне және жаңа сабаққа ынталы қатысып отырғандарын бағалаймын.
Үйге тапсырма: 76-жаттығу.

Күні: Пәні: қазақ тілі Сыныбы: 10

Сабақтың тақырыбы : Іскерлік қарым-қатынастағы жазбаша тіл үлгілері

Сабақтың мақсаты : білімділік – Іскерлік қарым -қатынастағы жазбаша тіл үлгілерін жаза білуге үйрету;

дамытушылық – оқушылардың жеке өнімді қызметтерін дамытушылық тапсырмалар арқылы байқау,логикалық тапсырмалар арқылы жұмыстану, практикалық тапсырмалар арқылы оқушы қызметінің әрекетін арттыру;

тәрбиелік – лексикалық тапсырмалар арқылы оқушының сезіміне әсер ету,жан дүниелерін байыту.

Сабақтың түрі : аралас сабақ

Сабақтың әдісі : сұрақ-жауап,шығармашылық іздену

Сабақтың көрнекілігі : кеспе қағаздар, үлгі парақшалар

Пәнаралық байланыс : әдебиет,тарих

Сабақтың барысы :

а) Ұйымдастыру кезеңі :

ә) Үй тапсырмасын пысықтау :

Үйге берілген тапсырманы сұраймын . Оқушыларға өткен тапсырма бойынша бірнеше сұрақтар қоямын

б) Жаңа сабақты түсіндіру.
Ресми тілде қолданылатын құжаттардың қатарына анықтама, өтініш, түрлі ресми хаттар, бұйрық, мінездеме, өмірбаян, қолхат, сенімхат, хаттама, жарғы, келісім-шарт, жеке іс парағы, қаулы түрлерін алуға болады.

Іс қағаздарының өзіндік тілдік жүйесі, белгі, құрылымы бар. Ал осы жүйе, белгі, құрылымның өзі әр іс қағазында түрлілігіне қарай бірінен бірі бөлектенеді.

Жаттығумен жұмыс: 81-жаттығу Хабарландыру жазыңдар

1. Әдебиет үйірмесінің отырысы;

2. Кітап көрмесі;

3. Журналистермен кездесу;
84-жаттығу. ІІІ тоқсандағы сынып оқушыларының оқу үлгерімі , тәртібі, қоғамдық жұмысқа қатысты туралы мәселе қаралған хаттама жазыңдар.
Шығармашылық жұмыс: Өздеріңнің достарыңа мінездеме жазыңдар.
Білімді бекіту: Өтілген тақырыпқа байланысты бірнеше сұрақтар қоямын. Түсінбеген сұрақтарына жауап беремін.
Бағалау: Үй тапсырмасын орындап келгеніне және жаңа сабаққа ынталы қатысып отырғандарын бағалаймын.
Үйге тапсырма: 10-сыныптағы жүргізген жұмыстарының есебін жазып келу.

Күні: Пәні: қазақ тілі Сыныбы: 10

Сабақтың тақырыбы : Жеке адамға қатысты іс қағаздар

Сабақтың мақсаты : білімділік – Жеке адамға қатысты іс қағазды жаза білуге үйрету;

дамытушылық – оқушылардың жеке өнімді қызметтерін дамытушылық тапсырмалар арқылы байқау,логикалық тапсырмалар арқылы жұмыстану, практикалық тапсырмалар арқылы оқушы қызметінің әрекетін арттыру;

тәрбиелік – лексикалық тапсырмалар арқылы оқушының сезіміне әсер ету,жан дүниелерін байыту.

Сабақтың түрі : аралас сабақ

Сабақтың әдісі : сұрақ-жауап,шығармашылық іздену

Сабақтың көрнекілігі : кеспе қағаздар,суреттер

Пәнаралық байланыс : әдебиет,тарих

Сабақтың барысы :

а) Ұйымдастыру кезеңі :

ә) Үй тапсырмасын пысықтау :

Үйге берілген тапсырманы сұраймын . Оқушыларға өткен тапсырма бойынша бірнеше сұрақтар қоямын

б) Жаңа сабақты түсіндіру.

Жеке адамға қатысты іс қағаздар

Іс қағаздарын қалыптасқан үлгіде сауатты жаза білу талабы - жеке адам өміріне қатысты іс қағаздарының да шарты. Жеке адам өміріне қатысты іс қағаздарының не-гізгілері төменде көрсетілген.

Өмірбаян (аннотациялық парақ)
Өтініш
Жеке іс парағы
Анықтама
Мінездеме

Өтініш — ресми іс қағазы. Оған қойылатын талап нақтылық, дәлдік, ойды, тілекті ашып, анықтап көрсету.

№ 7 жалпы білім беретін

мектептің директоры

Р. Балғымбаеваеа

биология пәнінің мұғалімі

Ж. Асановадан

өтініш

19.02.05. - 25.02.05 аралығында биология пәні апталығының өтуіне дайындық жүргізу үшін №27 кабинетті босатуға рұқсат етуіңізді сұраймын.

17.02.05 қолы

Білімді бекіту: Өтілген тақырыпқа байланысты бірнеше сұрақтар қоямын. Түсінбеген сұрақтарына жауап беремін.

Бағалау: Үй тапсырмасын орындап келгеніне және жаңа сабаққа ынталы қатысып отырғандарын бағалаймын

Үйге тапсырма: қайталау

Күні: Пәні: қазақ тілі Сыныбы: 10

Сабақтың тақырыбы : Диктант

Сабақтың мақсаты :

а) Балалардың есте сақтау қабілетін дамыту,өз ойын еркін жеткізе білуге,сауатты жазуға дағдыландыру.

ә) Мұқият тыңдап, ұқыпты жаза білуге үйрету.

б) Өз ісіне ұқыпты,мейірімді,кешірімшіл болуға тәрбиелеу.

Сабақтың түрі : қайталау

Сабақтың әдісі: баяндау

Сабақтың көрнекілігі : диктанттар жинағы

Сабақтың барысы :

а) Ұйымдастыру кезеңі :

Оқушылармен амандасу,түгелдеу, оқушылардың зейінін аудару.

Тақтаға бүгінгі күнді жазып қоямын.

б) Жаңа сабақты түсіндіру:
Өн бойы тола өлең-жыр

Біз оның бала кезінен қанша бейхабар болсақ,балаң ақын кезінен де сонша керқұлақпыз. Ол бізге алғашқы беттерін алыс жылдардың құтырынған құйындары жыртып, ортасынан ауа кеткен көне кітаптай көрінуші еді. Дәлдеңкірей түссек, ол әлі парақтары сарғыш тартқан жалба-жұлба кітаптың өзінен гөрі, соған жазылған ескі қиссаның тоқпақтай тұлдыр, тобадай жалғыз кейіпкері-ежелгі ерлерге көбірек келіңкірейтін еді. Тау тұйғында оқта-текте бір есетін кезбе желдей үзік-үзік, келте мәліметтердің айтуынша ,бабаларының арасында батыр көп болыпты. Ал өзі әке батасын аттап,жағын сатып күн көрген жалба тонды ақындықты қалады. Аталары ақбас Алатаудың көк майса сай –салаларынан өрбісе,өзі тұлдыр даладағы Жамбыл тауының етегінде жерге түсіпті. Анасы оған Қоқан ханы Құдиярдың құрығынан қашып жүрген ұлы сүргін тұсында тосыннан толғатыпты. Сөз реті қаза кетпесін ,Құдияр оның бабаларына көрсеткен қоқан-лоқысын менің бабаларыма да жасапты. (Кер тағдырлы ата-баба сүрлеуі қалай-қалай ойқастап,көнтерілі уақыттың қай-қай белеңінен тоғысады десеңізші!) Қайталап айтайық, кейуана қарияның сақал-мұрт басқан салғырт жүзіне қарай отырып, тал бесікте уілдеп жатқан жас иіс сәбидің бейнесін көзге елестету қандай қиын болса, дүлдүл ақынның кезі, балауса шағы шамамен мынадай болған шығар деп бал ашу да сондай қиын. Бар білетініміз: ел Екей ақындық жағынан ерекше салымды бопты.

Екейде елу бақсы, сексен ақын,

Сарнайды жын қаққандай кешке жақын,-десе дегендей-ақ, Екейдің әйел-еркегі күні бүгінге дейін оңтайы келгенде өлеңдетіп қоя береді.
Әбдіжәміл Нұрпейісов (203 сөз).

Мәтінді бір рет оқып беремін ,оқушылар тыныс белгісін қояды.
Үйге тапсырма : Қайталау.
Күні: Пәні: қазақ тілі Сыныбы: 10

Сабақтың тақырыбы: Тест тапсырмалары

Сабақтың мақсаты:

а) оқушылардың қазақ тілі пәнінен алған білімдерін тиянақтау;

ә) тәрбиелік мәні бар мысалдар келтіре отырып оқушыларды елін,жерін,Отанын сүюге тәрбиелеу;

б) оқушылардың білімін бақылау арқылы сауатты жазуға дағдыландыру;

Сабақтың түрі: қайталау

Сабақтың әдісі: сұрақ-жауап, т.б

Сабақтың көрнекілігі: тест парақшалары т.б

Пәнаралық байланыс: әдебиет

Сабақтың барысы: а) Ұйымдастыру кезеңі:

Оқушылармен амандасу,түгелдеу, оқу құралдарын тексеру, сыныптың тазалығына көңіл бөлу. Оқушылардың зейінін сабаққа аудару.

б) Жаңа сабақты түсіндіру:

1. Жіњішке сµзді табыњыз.

A) Ењбек. B) Әсемпаз. C) ¤сімтал. D) Балгер. E) Ж±мысшы.

2. Туынды сын есімді табыңыз.

A) Нашар. B) Ақ. C) Аспалы. D) Абырой. E) Аласа.

3. Сан есiмдi табыңыз.

A) Елтаңба. B) Екi мың төрт. C) Кiшкене. D) Ешқашан. E) Бара жатырмыз.

4. Жалпылау есiмдiгiн белгілеңіз.

A) Ешқандай, дәнеме. B) Бiраз, кiмде-кiм. C) Өзi, өзiмiз. D) Бiздер, олар. E) Барлық, күллi.

5. Есімшеніњ ж±рнаѓын анықтањыз.

A) -ѓалы. B) -ып. C) -й. D) -р. E) -а.

6. Тәуелдік жалғаудың 2-жағында, сыпайы түрде тұрған сөзді

табыңыз.

A) Дәптеріңіз. B) Жолдасы. C) Апайың D) Уақыт. E) Ауылданбыз.

7. Күрделі сөзді табыңыз.

A) Ақмола. B) Күркілдек. C) Парасат D) Бақташылық. E) Толқымалы.

8. Әлде сор, әлде бағы әуреледі.

- Шылау мағынасын ажыратыңыз.

A) Талғаулықты. B) Ыңғайластық. C) Шартты. D) Қарсылықты. E) Кезектес.

9. Толық мағыналы ең кемі 2 сөз, бірі екіншісіне бағына байланысатын, қатынас негізінен зат, құбылыс жайында түсінік алушылыққа тән қатарды көрсетіңіз.

A) Дыбыс B) Сөз C) Сөйлем D) Буын E) Сөз тіркесі

10. Бірыңғай, бір сұраққа жауап беретін қатарды аңықтаңыз.

A) Әсерлі,әуез,сұңғақ. B) Қашық,шалғай,алыс. C) Мың,өзі,алды. D) Шапшаң,қараңғы,ойна. E) Үй,көру,бүгін.

11. Төл сөздің автор сөзінен соң орналасып тұрған түрін көрсетіңіз.

A) -"Япырай, мықты екенсіз, ақсақал," - деді Байжан. B) -"Бәрекелді, мына ауыл алтыбақан құрып жатыр екен," - деді Ербол.

C) "Емтихан оңай болмайды", - деді ұстаз. D) Абай: "Ғылым таппай мақтанба," - деген. E) М.Горький былай деген екен: "Кітап - білім бұлағы".

12. Одағай сөз қатысып тұрған сөйлемді табыңыз.

A) Балам, амансың ба? B) Өзі осында келіп пе, сірә? C) Ой, әттеген-ай, айырылып қалдым-ау! D) Меніңше, жаңағы оты көрінген завод.

E) Ұялма, қалқам, бір сайра, біз де алалық үлгіні.

13. Сөйлем соңынан нүктенің қойылу себебі, дұрысын белгілеңіз.

Шаңқай түс.

A) Хабарлай айтылған жалаң сөйлем. B) Хабарлай айтылған атаулы сөйлем. C) Хабарлай айтылған толымды сөйлем. D) Бұйрықты сөйлем.

E) Хабарлай айтылған жайылма сөйлем.

Күні: Пәні: қазақ тілі Сыныбы: 10

Сабақтың тақырыбы: Тест тапсырмалары

Сабақтың мақсаты:

а) оқушылардың қазақ тілі пәнінен алған білімдерін тиянақтау;

ә) тәрбиелік мәні бар мысалдар келтіре отырып оқушыларды елін, жерін, Отанын сүюге тәрбиелеу;

б) оқушылардың білімін бақылау арқылы сауатты жазуға дағдыландыру;

б) Жаңа сабақты түсіндіру:

1. Қай дауысты дыбыс әрі жуан, әрі ашық, әрі еріндік болатынын белгілеңіз.

A) и. B) о. C) ы. D) а. E) у.

2. Тек ашық буыннан қ±рылѓан сµзді кµрсетіңіз.

A) Бақытты. B) Оқулық. C) Атты. D) ¤рнек. E) Балада.

3. “ Сұлу” сөзi қай сөз табы екенін көрсетіңіз.

A) Зат есiм. B) Шылау. C) Сан есiм. D) Етiстiк. E) Сын есiм.

4. Өздік есімдігі қатысқан тіркесті табыңыз.

A) Өз үйі. ) Кешкі мезгіл. C) Аспалы шам. D) Тұсаулы ат. E) Тастақ жер.

5. Кµсемшені табыњыз.

A) Кеткен. B) Кетер. C) Кетпек. D) Кет. E) Кеткелі.

6. Сөздер жұбының біріншісі екіншісінің мағынасына қарама-қайшы сөздер.

A) Историзм. B) Көнерген сөздер. C) Синоним. D) Антоним. E) Омоним.

7. «Туынды сөз» тіл білімінің қай саласына жататынын табыңыз.

A) Фонетика. B) Морфология. C) Синтаксис. D) Пунктуация. E) Лексика.

8. Барыс септігіндегі тұрған сөзді табыңыз.

A) Космосты шарлау. B) Ауылдың маңы. C) Аспанға ұшу. D) Тау беткейі. E) Жүрекпен сезіну.

9. Пысықтауыш қызметінде тұрған сан есімді табыңыз.

A) Сабақ сегіз жарымда басталады. B) Шексіз жазық басталды. C) Оларға екі рет жәрдемақы берілді.

D) Ертең жарыс басталады. E) Бүгін үш үйірменің жұмысы болмайды.

10. Сөздердің қосымша арқылы байланысын көрсетіңіз.

A) Ащы тер. B) Аш көздену. C) Қаныш-ғалым. D) Әз тұту. E) Қызметін істе.

11. Ыңғайлас салалас сөйлемді көрсетіңіз.

A) Досан мектепке кетті. B) Пойыз ырғалып келіп, вокзалға тоқтайды .C) Сиырдың тұқымы да жақсы екен, бабы да келіскен екен.

D) Клубта кейде кино болады, кейде қызықты баяндамалар тыңдалады. E) Досан мектептен келді.

12. Мәтін ішінде кездесетін төл сөздің басы мен аяғында қойылатын тыныс белгісін табыңыз.

A) Сызықша. B) Көп нүкте. C) Қос нүкте. D) Тырнақша. E) Үтір.

13. Жекіру одағайын табыңыз.

A) Еһе. B) Әлде. C) Жә. D) Жуық. E) Соң.

14. Сұрау белгісі қойылмайтын орынды табыңыз.

A) Бұл кім өзі. B) Балалар пойызы осы ғой, ә. C) Мен қазір кітап оқимын, сіз ше. D) Абай Оспанды мерт бола ма деп қорықты.

E) Балтабектің үйін білесіз бе.

жүктеу/скачать 0.59 Mb.

Достарыңызбен бөлісу:

1 2 3 4