Білімді бекіту, бағалау: Оқушылардың жауаптарына қарай білімдері бағаланады.
Үйге тапсырма: З.Шашкиннің шығармашылығын оқып келуге беремін
Күні: 4.02.16ж Пәні: қазақ әдебиеті Сыныбы: 11
Сабақтың тақырыбы: Зейін Шашкин «Доктор Дарханов» романы
Сабақтың мақсаты:
а)жазушының өмірінен мәлімет бере отырып, «Доктор Дарханов» романының қысқаша мазмұнымен таныстыру
ә) логикалық ойлау қабілеттерін, өмірге деген көзқарастарын дамыту. Шығармашылық белсенділіктерін шыңдау, көркем мәтінмен жұмыс істеу дағдыларын дамыту.
б) туған жердің табиғатын сүйе білетін, оған құрметпен қарай алатын көзқарасқа тәрбиелеу.
Сабақтың түрі: дәстүрлі сабақ
Сабақтың әдісі: сұрақ-жауап, түсіндіру т.б.
Сабақтың көрнекілігі: кітаптар
Пәнаралық байланыс: тарих
Сабақтың барысы:
І. Ұйымдастыру кезеңі:
Оқушылармен амандасу, түгелдеу, оқу құралдарын тексеру. Сыныптың тазалығына көңіл бөлу. Оқушылардың зейінін сабаққа аудару.
ІІ. Үй тапсырмасын пысықтау.
Үйге берілген З.Шашкиннің шығармаларын, өмірбаянын сұраймын. Оқушыларға бірнеше сұрақтар қоямын.
ІІІ. Жаңа сабақты түсіндіру.
З.Шашкин қазақ прозасында замандас тұлғасын сомдауға алғашқылардың бірі болып ден қояды.Қаламгер замана әкелген оң игіліктер оп-оңай орныға қоймағанын, адамдар арасындағы арзан, алдамшы мінез-құлықтардың ауыр зардаптары бой көтере бастағандығын алаң көңіл қалыпта ашыла түсіп отырады.
«Доктор Дарханов» романында шиеленісе түскен жағдайлар аясындағы Нияз Дархановтың азаматтық қалыптасу жолы баяндалады.
Жазушы Сталин қайтыс болғаннан кейінгі көктемнің жайма –шуақ күніне мақсатты түрде зер салады. Кешегі қолайсыз, сұрғылт, суық күндер өткен. Адамдар сәнді киініп, серуен құрып, дұрыс тамақтанып, өмір сыйынан сыбаға алып, марқайып, тіршілік рахатын сезінуге дағдылана бастаған.
Өкпе кінаратын емдеудің жаңа тәсілін қолдану жолында доктор Дарханов қилы-қилы тіршілік кикілжіңдерін бастан өткереді. Күндеушілер қайда болса да табылады.
«Теміртау» романында Қайырға тұрмысқа шығуға ыңғай танытқан Дәмеш «Доктор Дарханов» романында шынайы сезім үшін ұмтылады.
Нияз Дарханов білікті маман, біреуге нақақ жала жаппайды. Өзін де қорғай алады, күйрек емес.
Нияз бен Сағила тарихы қысқа болғанымен, кейіпкерлердің былайғы тағдырына таңба тастап кеткен тарих. Жеңілтек, ұя бұзар әйелдің бейнесі нанымды ашылған.
Адамдар ортасы қашан да арпалыс. Нияз қандай жағдайда да бар болмысымен танылып, тұлғалана түседі.Бақастық, менбілемдік, іштарлық бірге жүретін тіршілік ағыстарында, бір күдік, бір үміт шарпыған өмірдің өткелдерінің биігінде қалу – адамшылық парыз.
Достарыңызбен бөлісу: |
