Батыстағы демографиялық өзгерістер

XVIII ғасырдан бастап Батыс елдерінде бірнеше революциялық өзгеріс болды. Біріншіден, өлім азайды, ал туу деңгейі жоғары болды. Нәтижесінде, халық саны тез өсті. Содан кейін туу көрсеткіші қайта азайды. Туу және өлім көрсеткіштері шамалас болған кезде олар бір-бірімен теңесті, ал халық саны 14.1-сызбада көрсетілгендей турақталды. Халық санын зерттейтін ғылымды демография деп атағандықтан туу мен өлім деңгейінің жоғарыдан төменге қарай өзгеруін «демографиялық ауысу» деп атайды. Бұл өзгеріс өмір сүру ұзақтығының улғаюына алып келеді. Мұндай ауысу әр елде әртүрлі уақытта болғанымен Еуропа мен АҚШ-та едәуір ұқсас жүрді деуге болады. Кейіннен туу көрсеткіші одан әрі төмендеп, кейбір елдерде халық саны азайып кетті.