Шақыру жасындағы азаматтарды 2011 жылдың сәуір-маусым және қазан- желтоқсан айларында кезекті мерзімді әскери қызметке шақыру туралы



жүктеу 31.04 Kb.
Дата22.02.2016
өлшемі31.04 Kb.
Жаңақорған ауданы әкімдігінің қаулысы

№1027 28 наурыз 2011 жыл


Мемлекеттік тіркеу тізілімдегі №10-7-137. 04.04.2011
Шақыру жасындағы

азаматтарды 2011 жылдың

сәуір-маусым және қазан-

желтоқсан айларында кезекті

мерзімді әскери қызметке

шақыру туралы
Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңының 31 бабына, «Әскери міндеттілік және әскери қызмет туралы» заңының 19, 23-бабтарына және «Белгіленген әскери қызмет мерзімін өткерген мерзімді әскери қызметтегі әскери қызметшілерді запасқа шығару және Қазақстан Республикасының азаматтарын 2011 жылдың сәуір-маусымында және қазан-желтоқсанында кезекті әскери қызметке шақыру туралы» Қазақстан Республикасы Президентінің 2011 жылғы 3 наурыздағы №1163 Жарлығына, Қазақстан Республикасы Үкіметінің 2006 жылғы 30 маусымдағы «Азаматтарды әскери қызметке шақыруды ұйымдастыру және өткізу ережесін бекіту туралы» №623 қаулысына сәйкес, Жаңақорған ауданының әкімдігі ҚАУЛЫ ЕТЕДІ:

1. Аудандағы шақыруды кейінге қалдыруға немесе шақырудан босатуға құқығы жоқ он сегізден жиырма жеті жасқа дейінгі ер азаматтарды, сондай-ақ оқу орындарынан шығарылған, жиырма жеті жасқа толмаған және шақыру бойынша әскери қызметтің белгілеген мерзімін өткермеген азаматтарды «Жаңақорған ауданының қорғаныс істері жөніндегі бөлімі» мемлекеттік мекемесі арқылы (келісімі бойынша) 2011 жылдың сәуір-маусым және қазан-желтоқсан айларында кезекті мерзімді әскери қызметке шақыру жүргізілсін.

2. Азаматтарды мерзімді әскери қызметке шақыруды жүргізу үшін аудандық шақыру комиссиясы құрылсын және оның құрамы №1 қосымашаға сәйкес бекітілсін. Шақыру комиссиясының жұмысын ұйымдастыру және үйлестіру «Жаңақорған ауданының қорғаныс істері жөніндегі бөлімі» мемлекеттік мекемесінен (С.Әлімбетов, келісімі бойынша) сұралсын.

3. Аудандық шақыру комиссиясының құрамынан әскерге шақырушы азаматтарды медициналық куәландырудан өткізетін аудандық медициналық комиссия құрылып, оның құрамы №2 қосымшаға сай бекітілсін. «Жаңақорған аудандық емханасы» мемлекеттік коммуналдық қазыналық кәсіпорынынан (Ж.Абдусаметов, келісімі бойынша) медициналық комиссия құрамына білікті дәрігерлер мен орта буынды медицина қызметкерлерін бөлу, белгіленген тәртіппен әскерге шақыру пункттерін дәрі-дәрмекпен, медициналық құрал-саймандармен және жабдықтармен қамтамасыз ету сұралсын.

4. Азаматтарды әскерге шақыру кестесі №3 қосымшаға сай бекітлсін. Аудандағы барлық кент және ауылдық округ әкімдері өз әкімшілік аумағындағы әскерге шақырушыларды жергілікті әскери басқару органдарына шақырылғаны туралы хабардар етуді және олардың осы кестеге сәйкес шақыру учаскелеріне келуін қамтамасыз етсін.

5. «Жаңақорған аудандық жұмыспен қамту және әлеуметтік бағдарламалары бөлімі» мемлекеттік мекемесі (М.Ауанов), аудандық қорғаныс істері жөніндегі бөлімнің сұранысына сай, азаматтарды мерзімді әскери қызметке шақыруды өткізу кезеңіне ақылы қоғамдық жұмыстарға тартылған азаматтарды бөліді ұйымдастырсын.

6. «Жаңақорған аудандық ішкі істер бөлімі» мемлекеттік мекемесіне


( Б.Абжаппаров, келісімі бойынша) :

1) әскери міндеттілікті орындаудан жалтарған тұлғаларды іздестіруді;

2) шақыру комиссиясының жиын пункітінде қоғамдық тәртіпті қамтамасыз ету және шықырылғандардың жүрі маршруттарында қоғамдық тәртіпті сақтауды қамтамасыз ету ұсынылсын.

7. «Жаңақорған аудандық мәдениет және тілдерді дамыту бөлімі» мемлекеттік мекемесіне (Ә.Сыздықов) әскери қызметке шақырылғандарды салтанатты жағдайда шығарып салу күндерінде әскерге шақырылған жастар алдында концерттер, жиын пункітінде әскери-патриоттық тақырыптардағы көркем суретті және деректі фильмдерді көрсетуді ұйымдастырсын.

8. «Ауданының қорғаныс істері жөніндегі бөлімі» мемлекеттік мекемесіне( С.Әлімбетов, келісімі бойынша) осы қаулыны орындау бойынша атқарылған жұмыстар туралы 2011 жылдың 10 шілдесіне және 2012 жылдың 15 қаңтарына аудан әкіміне ақпарат беру ұсынылсын.

9.Осы қаулының орындалуына бақылау жасау аудан әкімінің орынбасары Б.Ибрагимовке жүктелсін.

10.Аудан әкімдігінің 2010 жылғы 5 сәуірдегі «Азаматтарды 2010 жылдың сәуір-маусым және қазан-желтоқсан айларында мерзімді әскери қызметке шақыру туралы» №666 қаулысының (нормативтік-құқықтық актілерді) мемлекеттік тіркеу тізілімінде 12 сәуір 2010 №10-7-95 номерімен тіркелген, «Жаңақорған тынысы» газетінің 2010 жылғы 17 сәуірдегі №31 санында ресми жарияланған) күші жойылған деп танылсын.

11. Осы қаулы алғаш ресми жарияланғаннан күннен бастап қолданысқа енгізіледі.



Жаңақорған ауданының

әкімі Б.Еламанов


©dereksiz.org 2016
әкімшілігінің қараңыз

    Басты бет