Синъёсыз Анялэн кынемын. Небыт автобус пуконэ умой интыяськыса, автобус мынэмъя сое каллен гинэ лэйкатэ. Наушникен музыка кылзонъяз пумтэм малпанъёс бергало йыраз: Мар мон верало ӵужанаелы, кыӵе меда со али



жүктеу 99.7 Kb.
Дата16.07.2016
өлшемі99.7 Kb.
Тылпери.
Синъёсыз Анялэн кынемын. Небыт автобус пуконэ умой интыяськыса, автобус мынэмъя сое каллен гинэ лэйкатэ. Наушникен музыка кылзонъяз пумтэм малпанъёс бергало йыраз: «Мар мон верало ӵужанаелы, кыӵе меда со али? Макем кемалась мон сое ӧй адӟылы ни. Анай – атаеным городын улыса, ӵужанаелэн гуртаз ветлыны но дыр ӧвӧл».

Шуак автобус дугдӥз. Аня йырыныз азьпаласьтыз пуконэ мырӟиськиз. «Мар луиз? Вуим ни шат?» Вань адямиос султылӥзы. Автобусын ужась шуиз: «Номыр кышкытэз ӧвӧл. Маиз ке сӧсырмиз, лэся. Автобусысь потоно луоды. Мон сое ӝогак лэсьто. Шокалэ гужем омырен».

Аня но калыклэсь бере ӧз кыльы. Автобусысь потӥз но котырак эскериськыса лул тыраз шокчиз. Макем умой! Котыр вож чебер нюлэс. Кыӵе тылобурдоос кырӟало! Автобуссы тӥяськемысь ӧз но ӝожомы со.

Автобуссын ужасьлэн верамезлы со уката но шумпотӥз:«Пыдын мыноно луоз. Автобусмес лэсьтыны ӧз луы. Татӥ нюлэсэтӥ мон шонер сюрес тодӥсько. Гуртозь трос ӧз кыльы нӥ. Ойдолэ, сумкаостэс кутэ».

Ваньзы водитель сьӧры мынӥзы. Нюлэскы пырыса Аня уката но палёмиз: котыр вож-вож куакъёс, писпуос, тылобурдоос чирдо пӧртэм гуръёсын, пыд улын быг-быг ӝуй, котыр вуэм эмезь зын нырез ик бычатэ. Нылашлэн нюлэскы пырамез, эмезь октэмез ноку ӧй вал. Аня котыр утчаське, мылкыд пачыла, шумпотэ. Кыӵе татын умой! Котыр учкылонназ, адямиослэсь кылемзэ ӧз но вала…

Учке но азьпалаз нокин ӧвӧл. Кышкан каръяськиз сюлмаз. Кеськы вал но, ымыз кӧсаса куараез ӧз поты. Ассэ буйгатыса сямен малпаз: «Соос азьпала кошкизы. Тани сюрес адӟиське. Али суто».

Нош адямиос сюресэтӥ шонер мынытэк, урдэсаз кожиллям. Аня огназ кылиз. Нылаш сюрес вылтӥ чупрес мынэ: «Кытын бен соос? Мон соосты кемалась сутыны кулэ вал ини. Ӧй ке шедьты, мар каром?» Малпаськонназ Аня ӧз но адӟы сюрес дурысь бадӟым изэз. «Азьлань мынод, кулон вылад вуод» гожтэмын вылаз. Аня мынэ но мынэ. Ӝоген пеймыт луоз, нош Аня эшъёссэ ӧз шедьты на. « Берен-а берытском, азьлань-а мыном? - ас понназ малпаське Аня. - «Азьлань мынӥ ке, кытчы ке но вуо, дыр». Нош аслаз пыдъёсыз жадизы, уг но куасаллясько ни. Нылаш лӥял вылэ шутэтскыны пуксиз.

Шуак азьпалысьтыз тыл адскиз. Шумпотыса тэтчемзэ ик ӧз вала нылаш: «Ура! Мон вуи. Ӵужанайме адӟо ни».

Улвайёсты палэнъяса азьлань вамышъя, тыл доры дыртэ. Шӧдтэк шорысь син азяз аспӧртэмлыко гурт адскиз: быдэс ӝуась тылъёсын но вуэн котыртэмын. Кыдёкын адӟиське турын-куаръёсын, ӝужыт сяськаосын чеберъям ӟезьы. Аня куалекъясь киосыныз телефонзэ поттӥз: « Мар дунне та? Кытчы мон вуи? Мынам Ipad но уг куты. Мар каром?» Пыдъёсыз сое пичи гуртэ нуыны кутскизы. Аня кышкатскеменыз улвайёс борды ӝабырскыны выриз. Киоссэ вир потымон гинэ кормаз. Ӝужыт ӟезьыетӥ пырыкуз, ымныраз ыркыт тӧл пельтэмез шӧдӥз. Син шораз паймымон суред: пичи гинэ куаръёслэсь, улвайёслэсь эскимосъёслэн иглу кадь коркаос, гурт шорын замок кадь ӝужыт чебер корка сылэ. Со коркалэн липетэз чилясь сиос кадь шунды шорын, нош тӧл пельтэмъя крезьгур кылӥське. Анялэн йырсиосыз пежырак! луизы. Ваньмыз татын выжыкылын кадь чебер но, кышкыт но огдыре. Синэз но басьтыны уд вормы: ваньмыз чиля, чирдэ, синэз шумпоттэ.

Котыраз вуэм адямиос Аня шоры паймыса но, шумпотыса но учкизы. Аня куалектӥз: «Мар соосын? Мар карозы монэн?» Адямиос пал кыл но поттылытэк, паймымон ныллы сюрес сётӥзы. Нылашлэн пыдъёсыз куалекъяны кутскизы, пиньёсыз лангыр каро. Шуак олокытысь кузь тушо тӧдьы дӥсен пересь потӥз:

- Кин тон, нылаш? Кызьы татчы вуид?

Аня шоры пыр-пыр учкыса вераз:

-Вамышты сьӧрам, дорам вераськом.

Аня номыр вератэк пересь сьӧры вамыштӥз. Соос пичи гинэ коркае пыризы. Тӧдьы тушо пересь Аня пала берытскиз. Номыр но куаретытэк учкиз нылашлэн синъёсаз, Аня ачиз но валатэк мадьыны кутскиз:

- Нимы - Аня. Дас ньыль арес, улӥсько городын, ӵужанае доры кунояны бертӥсько вал но, автобусмы тӥяськиз. Эшъёсылэсь йыромыса сике кыли.

Аня аслэсьтыз куаразэ кылыса, сазьтӥськиз. Сивуосыз бам кузяз васько…

Пересь каллен вераны кутскиз:

- Эн кышка. Мон – вӧсясь. Ӵужанайдэ ми ум тодӥське. Та гурт «Перикар» нимаське. Та гурт сярысь адямиос уг тодо, огшоры адями татчы пырыны уг быгаты. Татын уло пиналъёс, кудъёсызлэн вань туж тунсыко кужымзы. Татчы огшоры пиналъёс пырыны уг быгато.

Аня дэймиз кылыса та кылъёсты. Уйвӧтын кадь солы потэ ваньмыз.

- Кызьы? Мон огшоры адями ӧвӧл, шат? Кин со - вӧсясь?Кызьы мон татчы пырыны быгатӥ? Тӥ пӧяськиськоды монэ.

- Вӧсясь – со адями, кудиз Быдӟым Книгаез эскере, тунсыко кужымен пиналъёсты адӟыса татчы дышетскыны вае. Кулэ визьнод басьтыса, со пиналъёс быдэс дунне вӧлмо. Вумуртлэн, Тӧлперилэн но Музъем-анайлэн пиналъёссылэн вань кужымзы: ву, музъем но тӧл. Нош тынад кужымед мукет.

Анялэн ымыз ик усьтӥськиз: «Мынам кужыме вань?! Кызьы со?! Малы?! Мынам анае но, атае но адямиос ук».

«Учком али ма карыны тон быгатӥськод» шуыса вӧсясь тушсэ чиньыосыныз сыназ.

Тыл ӝуатыны шуыса пересь сюсьтыл поттӥз. Киосыныз сое кенӝытыны выриз но, ӧз быгаты. Аня пала берытскиз: «Ойдо, тон». Паймем Аня кышкаса пересь доры вамыштӥз. Ваче ки чабиз но, чиньы йылъёсыз ӝуатскизы яркыт тылын. Кышкаменыз интыысьтыз тэтчыса, киосыныз чабыса корка кузя ветлэ, нош чиньыосаз тыл яркытгес но яркытгес ӝуа. Кышкыт но, чебер но. Со тыл чиньыоссэ но уг суты.

Вӧсясь серектӥз. Нылашлэн кышканэз бырыса, дӥсьтытэк пальпотӥз. Малпамтэ шорысь нылаш киосыныз выж шоры возьматӥз. Выж соку ик ӝуатскиз. Восясь пыдъесыныз сое лёгаз но шуиз:

- Мар турттӥськод? Коркаме сутэмед потэ, шат?

Анялэн сюлэм тэтча, мылкыд лопыръяське. Ваньмыз выжыкыл дуннеын кадь потэ солы: йыромемез но, аспӧртэмлыко гурт но, пересь вӧсясь но, тылын ӝуась чиньыосыз но. Городын мадиз ке, нокин уз оскы. «Таид, шузимем, оло, шуозы»

- Вау! Тӥ адӟиды-а? Мон тыл лэсьтӥ!

- Мон адӟи. Тон йӧспӧртэм нылаш – Тылпери. Табере тон школаямы дышетскод, татын улод.

- Малы? Нош анае-атае? Мар соосын луоз?

-Эн кышка, ваньмыз умой луоз…

- Кызьы?


- Озьы луыны кулэ.

Викышъясь Аня доры лыктыса пересь сое небыт, шуныт киосын лӥятӥз.

- Я, нырдэ эн кыска, тон татын ваньмызлы дышод, бӧрысь гуртад бертод. Али тыныд коркаын инты шедьтозы. Номырлэсь но, нокинлэсь но эн кышка.

- Я, - каллен вераз Аня.

Олокытысь кельыт йырсиё, сьӧд синмо пи вуиз но шуиз:

- Лык сьӧрам. Мынам нимы Гриша. Мон Нюлэсмуртлэн пиез. Нош тон?

- Мон - Лукина Анна Алексеевна. Городысь нылаш.

- О-о-о, дышетӥсь кадь вераськиськод ук. Я, лык ини, кӧлыны выдоно, ӵуказе вазь султоно луоз.

Аня сьӧраз вамыштӥз. Кӧня ке мыныса, пичи корка доры дугдӥзы:

- Тани тынад коркаед. Тынад ӵош улоно эшед туж кескич, зол сямо но туж лякыт сюлэмо Лиза нылаш.

Аня корка пыриз но паймиз: корка педлон гинэ пичи, нош пушказ оломабыдӟа вылэм. Корка шорын ик сылэ ӝужыт, чебер, лызмыт- сьӧд чилясь йырсиё, сирень синмо нылаш. Куспазы томатскемзы бере, Аня сумкаоссэ шкаф борды гинэ пуктӥз но, валес вылэ выдыса соку ик умме усиз.

Ӵукна Аня шумпотыса сайказ, тылобурдоослэсь чирдэмзэс кылыса. Ассэ ӵужанаез дорын палпаз вал…Нош синъёссэ усьтыса бӧрдэмез ик потӥз, кытынзэ адӟыса, толон нуналэз тодаз вайыса. Куараез кылыса, со куалектӥз.

- Ӟечбур. Умой-а кӧлӥд? Ойдо султы, дышетсконэ ум вуэ.

- Ӟечбур. Нош тон кин? Малы мыным дышестконо?

- Мон Лиза. Вумуртлэн нылыз луисько. Та гуртын вань кужмо пиналъёсты дышето, мон но, Гриша но со пиналъёс пӧлын. Табере тани тон но.

Аня абдраса учке Лиза шоры. Оскыса но оскытэк со валаны турттэ Лизалэсь верам кылъёссэ.

- Нош кызьы Вумуртлэн нылыз вуныл ӧвӧл?

- Мон вуныл ик вань. Вуэ пырисько ке, мынам пыдъёсы интые чорыг быж будэ. Ну, тон серем, нош тон кинлэн нылыз?

- Мон анаелэн-атаелэн, огшоры адямиослэн, нылзы. Но мон тыл поттыны быгатӥсько.

- Осконтэм! Кызьы?! Нокинлэн сыӵе кужымез ӧй вал на!

- Тани, учкы, - данъяськыса вераз Аня, киосыныз чабыса.

- Вау! Кызьы ми тонэныд улом Ву ноТыл? Ух!

- Ойдо мыном ни дышетскыны. Мынам гуртэныды матэгес тодматскеме потэ.

- Лык ни, бен.

Аня но Лиза школае вамыштӥзы. Аня паймыса котыр учке: макем татын ваньмыз чебер, но пичи! Тани соос школае вуизы: огшоры корка, кадь. Нош пушказ со кык полы бадӟымгес но тунсыкогес. Аня ас понназ малпаз: « Ма татын средневековой замокын дышетско». Ваньмыз чиля, ворекъя, синэз мальдытэ, чебереныз паймытэ. Нылаш, трос пиналъёс пӧлысь, Гришаез адӟиз, нош со бордын пичи гинэ сьӧд-сьӧд йырсиё, курень синмо, мусо нылаш сылэ. Соосты адӟыса Гриша киыныз шонтӥз. «Тани Полина, Музъем- мумылэн нылыз», - тодматӥз нылъёсты со.

«Мон - Аня» - дӥсьтытэк вераз нылаш. Гриша нылъёс бордын вамышъяса веранзэ азьланьтӥз: «Аня дорамы дышетскоз. Нош бордамы дышетско, кудъёслэн кужымзы ӧвӧл возьматскемын на. Соос туж трос. Нош ми, быгатӥсьёсыз, ичи кузя.

Ньыльназы соос кабинетэ дышетскыны мынӥзы. Аня паймиз, нылпиос дышетско книгатэк. Дышетӥсь соослы кужымзыя книга люке, кужыменызы ужаны дышетэ. Аня бакомиз Лизалэсь кужымзэ адӟыса. Нылаш киоссэ чабытэк, соосты ӵош карыса гинэ, кияз вулэсь шар кылдытӥз. Нош Гришалэсь вань пӧйшуръёс кылзӥсько. Ачиз Гриша но котькыӵе пӧйшур луыны быгатэ. Полиналэн кияз котькыӵе турын-куар будыны быгатэ, музъемлэсь изъёс кылдытыны быгатэ.

Анялэсь но куризы кужымзэ возьматыны. Нылаш дӥсьтытэк киосыныз чабиз но, чиньы йылъёсыз ӝуатскизы. Йыр вылаз киоссэ ӝутыса бадӟым шар кылдӥз. Ваньза паймизы. Та дырозь нокин ӧз быгатылы тыл кылдытыны.

Бордазы олокытысь вӧсясь потӥз: «ӟечбуресь, пиналъёс! Ма тӥ лэсь… О-о-о», - Анялэсь шарзэ адӟыса вераз пересь вӧсясь. – «Тон, нылаш татын тылэн эн шуды. Мон тыныд нимысьтыз дышетскыны инты сёто». - шуиз пересь но киыныз шотыса чиптэм-чаптэм ышиз. Аня дэймыса юаз эшъёсызлэсь:

- Тӥ но-а озьы быгатӥськоды?

- Ум, озьы кужмо адямиос гинэ быгато кошкыны, - валэктӥз Полина, - ми кадьёсыз пыдын ветло.

- Лиза, али гинэ тодам лыктӥз, возьматод-а мыным быждэ? Туж учкем потэ. Кыӵе со тынад?

- Эн но куры, мон вуэ пырыса гинэ кузь быжы потэ, синъёсы сьӧд-сьӧдэсь луо. Сыӵе дыръя мон кышкыт тусо луисько… Со дыре ик атае дорам вуэ. Соин, мон шуре пырасько туж кулэ дыръя гинэ.

- Осто быри, шайтан кадь луӥськод, шат? - юаз Аня.

- Шайтан кылэз татын вераны уг яра, вылад уродзэ кыскемлэсь. Тон но со кылэз эн поттылы, - ӝот-ӝот валэктӥз Гриша.

Аня куаляк луыса интыысьтыз тэтчиз, азьпалаз сьӧд-горд синмо, сьӧд йырсиё, кузь пыдо адями потэмысь. Со пыр-пыр учкиз Аня шоры. Кырыжесь пиньёссэ поттыса, сюлэмез кортнась куараен серетӥз. Пиналъёс курдаса мышлань чигназы.

- «Ӝогак корка пыре ваньды», - шуиз вӧсясь, олокытысь мышказы потыса. – «Мынам таин вераськонэ вань».

Пиналъёс бызьыыса корка пыризы, ӧс доры султыса, кылзӥськыны кутскизы.

- Ма тыныд кулэ, Элимар? Мае татчы вунэтӥд? Адӟиськод ук, пиналъёсты кышкаськод.

- О-о-о, мон адӟисько тон туж уд шумпотӥськы вуж эшъёсын пумиськонлы.

- Мон татысь уг адӟиськы вуж эшъёсме, - кинэ ке утчаса выллем эскериськиз вӧсясь.

«Алигес дорады вуиз мусо адями нылаш» - веранзэ азьланьтиз витьымтэ куно. - «Шайтанэн милемлы сое сётӥд ке, нокинлы номыр уз луы».

- Тон, озьыен, Шайтанэн, одиг кылысь улиськод? Малы со тыныд кулэ?! – Элимар шоры учкыса юаз вӧсясь. Сьӧд уй кадь синъёслэн пыдэсазы вӧсясь вань юанъёсызлы валэктон шедьтыса, кӧсэктӥз.

- Вот малы тыныд кулэ Аня, - кышкаса вераз вӧсясь – Малы тон озьы? Кельты нылашез. Со тонэ номыр ӧз лэсьты. Мон тыныд сое уг сёты, эн дӥсьты.

- Кин вераз мон юало шуыса? – кескич вераз лыктэм мурт.

- Нош кин тыныд вераз, мон сое тыныд сёто? – шуыса вӧсясь киыныз шонтӥз, пиналъёслэсь корказэс адскисьтэм кариз.

- Кызьы? Тынад кужымед ӧй вал ук?! – паймиз Элимар.

Кучыран выллем ожалскиз со вӧсясь вылэ. Вожомем сильтӧллы пӧрмыса нюръяськизы пересьёс….Пиналъёс кышкатскизы вӧсясьлэсь ӟазырес куаразэ кылыса. Музъем зуркамон гудыртӥз. Пиналъёс шокамысь ик дугдӥзы. Кӧня ке чус луэм бере, кылӥськиз Элимарлэн сипыртэмез:

- Табере мон огнам уг лыкты. Адӟод кыӵе Ми золэсь.

Пиналъёс бызьыса вӧсясь доры мынӥзы.

- Мар тӥледын?! – ваньзы ӵош юазы.

- Юрттэ-ай, мыным султыны, - каллен ӝуштӥз пересь.

- Гриша, Полина, Лиза тӥ мынэ. Мынам Аняен вераськонэ вань.

Ваньзы кошкем бере пересь Аняез китӥз кутӥз но, соос омыре вамыштӥзы. Пумен вылӥе тубемзыя инбамлы паймиз Аня: нап чагыр пыдэстэм инбамын шунды но, толэзь но, кизилиос но – ваньзы огдыре ӵош яркыт пишто. Мамык пилемлэсь пӧрмем диван вылын нылашлэсь киоссэ шуныт киосаз кутыса, вӧсясь мадьыны кутскиз: «Шайтан тонэ утча. Солы Инмарез вормон понна тунсыко кужым кулэ. Тон со тунсыко кужымез тани та киосад возиськод. Тынад кужымед – Тыл. Со Шайтанлы медаз юртты шуыса, тыныд лыдӟоно Быдӟым Книгаысь одӥг люкетсэ. Ваньмыз 14 люкет. Со книгаез шедьтод кызлэн выжыысьтыз Быдӟым Крезь улысь. Гуртмес утён вылысь, мукет куинь кужымъёсын огазеяськыса утён пуктоно. Тынад туж юн сюлэмыд. Тон вормод, нылы. Эн кышка. Оскы аслыд но эшъёсыдлы. Соку гинэ ваньмыз умой луоз. Мон уг быгаты ваньдэсты утьыны, мынам огнамлэн кужыме зол ӧвӧл. Нылы, валаськод-а, мон огшоры адями вал, собере вӧсясь луи, соин мынам кужыме зол ӧвӧл. Куд-огъёсыз вордӥсько вӧсясьлэн кужыменыз, нош мынам юнмаса гинэ вӧсясьлэн кужымез потӥз. Соин вань кужым тӥляд киосады.

Малпамтэ шорысь чилектӥз. Аняен Пересь диван вылысьтызы усёно кадь луӥзы. Кизэс кутыса, соос ӝогак вамыштӥзы омыре. Музъеме матэктыса синъёссылы ӧз оске: кыз гудыриен ӵашъемын, Быдзым Крезь шори пилемын, Быдӟым Книгаез Элимар кияз кутыса лыдӟыны выре.

- Ох?! – лулӟиз пересь.

- Ма милем лэсьтоно? – кышкатскем куараен юазы вӧсясьлэсь доразы вуэм пиналъёс.

- Ньыльнады ваче ки кутскыса вань кужымдэс поттэ но вылӥе лэзе.

Пиналъёс озьы ик лэсьтизы но, номыр ӧз луы. Эшшо но юнгес киоссэс кырмыса вань кужымзэс киязы поттӥзы. Шуак киосысьтызы туж чебер чиляса гозыос потӥзы, ӝуась юбо луыса инме ӝутӥськизы… Малпамтэ шорысь сьӧд пилемъёс инмез ӵоксазы, синтэм-пельтэм тӧлаське, пумтэм чилекъя, гудыръя, ведра дурын зоре… Кыӵе шурдыт!

Кесяськем куараос ваньзэсты сазёмытӥз. Элимар, Быдӟым Книгаез сэрпалтыса, вӧсясен нюръяське. Шайтан, перилы пӧрмыса, вӧсясез инме ӝутыны турттэ. Аня сое адӟыса чирак кеськиз но, вӧсясьлэсь кылъёссэ тодаз вайиз «Ми котькызьы Шайтанэз вормыны кулэ». Нылаш Быдӟым Книга доры бызьыса мынӥз. Со куалекъясь киосын кулэ страницаез шедьтӥз. Син шораз «Лэзе монэ» кырӟанлэн кылъёсыз потӥзы:

«Лэзе монэ, лэзе монэ,

Лэзе монэ, эн кутэ.

Эркын ветлӥсь валъёс сямен,

Эркын ветлэме потэ…».


Дырекъясь куараен нылаш сое лыдӟыны кутскиз. Вылысьтыз вылаз лыдӟе сое зор улын тяп-тяп котмем нылаш. Куараез пумен юнгес но юнгес потыны кутскиз. Вань котырысь дунне ышиз кадь. Кылиз Аня но Быдӟым Книга…

Малпаъёсыз но кырӟаныэз пумозязы ӧз вуэ, кызьы Элимар киысьтыз книгаез сэрпалтыса омыре ышиз. Аня со сьӧры.

- Номыре ӧд вунэты-а, Аня? – ӟазырес куара кылӥз мышказ. Аня куалектӥз: «Со татын». Берытскиз но адӟе: Элимар но бордаз сьӧд бадӟым вужер…

Аня чилектэм кадь тодаз вайыны турттэ кылбурлэсь берпум чуръёссэ. Вань визьмыз йыраз сураськем, кожалод, номыр тодаз уг лыкты. Элимар дораз матэктэмъя Анялы шоканы омыр окмемысь дугдиз. «Пумы вуиз», - малпаз ас понназ поромыса усьыкуз Аня… Шуак чилектэм кадь тодаз лыктӥзы кылъёс. Йырсазьзэ ыштӥсь муртлэн ымдуръёсыз ӟазырес куараен шыпыртӥзы:

«…Со но сюлэмез чиге.»

Аня музъем вылэ усиз... Синъёссэ усьтыкуз ӵукна вал ини. Шунды шуныт сиосыныз солэсь ымнырзэ ненегъя, ыркыт тол йырсиосыныз шудэ. Валес бордаз вӧсясь но эшъёсыз пуко. Эшъёсыз мадизы: ваньмыз умой быриз. Шайтан табере Инмарез ноку уз вормы. Со Элимарен ӵош сэрпалтэмын пыдло музъем пушкы. Соос отысь ноку потыны уз быгатэ. Быдӟым Книгаез нуимы Бадӟым Куалае, вӧсясь доры.

Аня капчи мылкыдын малпаз «Кыӵе умой, куке вань зэмос эшъёс». Со каллен гинэ султӥз но педло потӥз.

Синъёссэ кыньыса, шундылы киоссэ вӧлъяса котырскиз. Синъёсэ усьтӥз но паймиз: со сылэ ӵужаназлэн гурт дораз.



Уйвӧт ӧй вал-а бен та ?!...







©dereksiz.org 2016
әкімшілігінің қараңыз

    Басты бет