Тәжірибелік жұмыс №1 Материалдардың қасиеттерін анықтау әдістері
Тәжірибелік жұмыс № 9. Кесу режимінің элементтерін анықтау
жүктеу/скачать 1.72 Mb.
|
- Бұл бет үшін навигация:
- Тәжірибелік жұмыс № 10. Металдарды доғалық және газды дәнекерлеу
| Тәжірибелік жұмыс № 9. Кесу режимінің элементтерін анықтау
Жұмыстың мақсаты: «Жону кезіндегі кесу режимінің элементтері» тақырыбы бойынша тапсырмаларды анықтау Қысқаша теориялық мәліметтер Кесу тереңдігі t (мм) - өңделген бетке перпендикуляр бағытта өлшенген бір өту үшін кесілген қабаттың шамасы. Кесу тереңдігі әрқашан құралдың қозғалыс бағытына перпендикуляр болады. Сыртқы бұралу кезінде бұл дайындаманың диаметрі мен өңделген беттің диаметрі арасындағы айырмашылық. мұндағы: D – дайындаманың диаметрі, мм; d – өңделген беттің диаметрі, мм. Кесу жылдамдығы V (м / мин) - кесуші жүз немесе дайындама нүктесінің негізгі қозғалыс бағытында белгілі уақыт бірлігінде орын ауыстыру шамасы. мұнда, n – айналу жиілігі, айн/мин. Қысқаша теориялық мәліметтер Минуттық беріліс Sм (мм/ айн) - кескіш жиектің кескіш бағытында 1 минутта орын ауыстыру шамасы. Sм = So* n мұнда: So – дайындаманың бір айналымындағы берілісі, мм/ айн. Тетіктерді өңдеудің негізгі уақыты Tо (мин) – жүмысшының тікелей қатысуынсыз жоңқа алу үрдісі өтетін уақыт. Tо = L / (S*n) Тапсырма 1 Диаметрі D дайындаманы токарлық станокта екі ауысыммен жону кезіндегі кесу тереңдігін t анықтаңыз. Алдын ала өңдеуден кейін дайындама D1 — ге, ал соңғы өңдеуде D2-ге дейін жонылады.
Тәжірибелік жұмыс № 10. Металдарды доғалық және газды дәнекерлеу Пісіру тәсілдерінің ішіндегі ең көп тарағандары және маңыздылары: электр доғасымен және газбен пісіру. Электр доғасымен пісіру - балқытып пісірудің бір түрі. Пісірудің бұл түрінде жылу көзі ретінде электр доғасы қолданылады. Электр доғасы дегеніміз - иондалған газдық ортадағы қуатты электр разряды. Электр доғасының жануы кезінде көп жылу және сәуле бөлініп шығады. Қалыпты жағдайда электрод пен бұйым арасындағы саңылауда ауа болғандықтан, электр тогы өтпейді. Ауа газдарында зарядталған иондар мен электрондар пайда болғанда ғана, электр тогы жүреді. Сондықтан электрод пен бұйымның арасындағы арақашықтықта тоқ жүріп, электр доғасы жануы үшін, ол аралықтағы ауаны иондау керек. Ол үшін электродты бір мезетке бұйыммен түйістіреді. Бұл жағдайда қысқа тұйықтаудың нәтижесінде электрод пен бұйымның түйіскен жері тез қызып балқиды. Бұл шыққан жылудың нәтижесінде металл және электрод сылағының иондалған булары пайда болады. Олар электродты бұйымнан ажыратқанда, электрод пен бұйым арасындағы арақашықтықты толтырады. Электр өрісі әсерінен қозғалған электрондар, булар мен газдардың бейтарап молекулаларымен әсерлесуі нәтижесінде оң және теріс зарядталған иондар мен электрондар пайда болады. Ал оның нәтижесінде доға мен бұйымның арасындағы арақашықтық тоқ өткізе бастайды. Бұл кезде электр доғасы жанады. Доға разряды кезінде оның ортасындағы температура 6000-7000°С-ке жетеді, ал катод және анод бетіндегі температура 2400 және 2600°С болады. Электр доғасының коректену көзі ретінде тұракты немесе айнымалы тоқ қолданылады. Электр доғасымен пісіру: 1 – пісірілетін тетік, 2 – пісіру жігі, 3 – қожды қабат, 4 – газды қорғау, 5 - электрод, 6 – электродтың қаптамасы, 7 – пісіру ваннасы жүктеу/скачать 1.72 Mb. Достарыңызбен бөлісу:
|