Тошкент давлат педагогика университети ҳузуридаги фан доктори илмий даражасини берувчи бир марталик илмий кенгаш
инновацион фаолиятида таълим менежери ижтимоий-психологик
жүктеу/скачать 0.64 Mb. Pdf көрінісі
|
| инновацион фаолиятида таълим менежери ижтимоий-психологик
тайёргарлигининг воситалари» деб номланган. Унда олий таълим муассасалари инновацион фаолияти учун таълим менежерини тайёрлаш дастурининг асослари тавсифи келтирилган бўлиб, қуйидаги тамойиллар ўз аксини топган: инсонпарварлик тамойили – менежерларнинг жисмоний ва маънавий саломатлиги, ҳаёт мазмуни, шахсий эркинлиги, ахлоқи, бахтлилик даражаси, уйғун ривожланиши, креативлик ва ижодкорлигини қўллаб-қувватлаш ҳамда қайта тиклашга имконият яратади; демократлаштириш тамойили – таълим олувчиларда бошқарувнинг асосий вазифаларини ҳал этишда мустақилликни ривожлантириш, ҳамкорлик ва шерикчиликнинг турли шаклларини такомиллаштириш, инновацион фаолият иштирокчилари орасида ишончни таркиб топтиришга кўмаклашади; илмийлик тамойили – психология ва педагогика йўналишидаги илмий тадқиқотларни амалга ошириш, таълимнинг шакл, мазмун ва усулларини илмий асослашга ёрдам беради; узвийлик, узлуксизлик ва интеграция тамойили – чуқурлашиб боришга йўналтирилган таълимнинг бир бутунлигини таъминлашга ёрдам беради, инновацион жараённи, унинг узвийлиги ва яхлитлигини ойдинлаштиради, шахснинг ҳаёт давомида билим ва кўникмаларни эгаллашига кўмаклашади; индивидуаллашув тамойили – таълим менежерларини тайёрлашда уларнинг ўзини-ўзи англаш, ўзини-ўзи бошқариш, ўзини-ўзи назорат қилиш, ўзини-ўзи йўналтиришини таъминлашга ёрдам беради; таълим менежерини инновацион фаолиятга тайёрлашни юксалтирувчи, йўналтирувчи тамойил – инновацион таълим макони шароитида бошқарувга тайёрлигига нисбатан жамият эҳтиёжларининг мос келишини таъминлайди.
20 Таълим менежерларини тайёрлаш амалиётида у инновацион менежмент бўйича кичик маърузалардан фойдаланиш, ахборот-коммуникацион технологияларни қўллаш ва ҳ.к. кўринишида амалга оширилади; инновационлик тамойили – таълим менежерларини тайёрлашнинг шундай кўринишини ифодалайдики, унда тайёргарликнинг мавжуд шакллари билан чегараланиб қолмай, доимо ўзгариб борувчи эҳтиёжларни инобатга олган ҳолда касбий маҳоратнинг ривожланиш босқичлари узвийлиги ва бутунлигини мазмуний ҳамда ташкилий жиҳатдан таъминлаш, шунингдек, кичик лекциялар, тренинглар, мақсадга мувофиқ ўйинлардан фойдаланиш назарда тутилади; интерактивлик тамойили – инновацион фаолиятга таълим
менежерларини тайёрлашнинг муҳим шарти сифатида таълимнинг янги технологияларини излашда, намуна бўйича ҳаракатланишдан инновацион кенгликда ўзаро ҳаракатларни амалга ошириш тегишли кўникмаларини ҳосил қилишда намоён бўлади; тайёргарликнинг мазмун ва шаклини вариациялаш тамойили - таълим менежерларини тайёрлашда шахсга ёндашув йўл-йўриқ (установка)ларини нисбатан тўлиқ амалга оширади, мустақил ҳамда англаган ҳолда мақсадлар, қадриятларни белгилаб олишни назарда тутади. Бунда таълим менежерларини тайёрлаш бўйича ишлаб чиқилган дастур ўзида қуйидаги асосий функцияларни мужассам этади: мотивацион – инновацион фаолиятга нисбатан эҳтиёжларни, қизиқишни шакллантириш; компенсатор – инновацион фаолиятни амалга ошириш учун таълим менежерида зарур бўлган малакаларни таркиб топтириш; коррекцияловчи – тегишли технологияларни тақдим этиш; прогностик – менежернинг инновацион фаолиятни идрок қилишга тайёргарлиги; диагностик – ижтимоий-психологик хусусиятларнинг муҳимлиги асосида менежернинг инновацион фаолиятга тайёргарлик даражасини аниқлашни кўзда тутади; рағбатлантирувчи – тайёргарликнинг ижобий натижаларини қўллаб- қувватлаш; ахборотлашган – инновацион фаолиятнинг самарали тажрибаси ҳақида менежерга тезкор маълумот бериш; консультатив – менежерга инновацион фаолиятнинг конкрет муаммоларини ечишга илмий-методик ёрдам бериш. Шу билан бирга таълим менежерларини тайёрлаш замонавий моддий- техник база, керакли бинолар (ўқув хоналари, кабинетларни ва ҳ.к.)га эгалик, таълим олувчилар ва ўқитувчилар иш жойларининг қўшимча техник воситалар ва жиҳозлар билан таъминланишини тақозо қилади. Ишлаб чиқилган дастур инновацион фаолият шароитида самарадор таълим менежерининг муҳим хусусиятлари доирасида белгилаб олинган 21 сифатларни комплекс тарзда мақсадга мувофиқ таркиб топтириш (фаоллаштириш, яхшилаш)га йўналтирилган. Шунингдек, дастур уч асосий функционал таркибий қисмни эътиборга олган ҳолда яратилган: тадқиқотчилик билим ва кўникмаларини ривожлантиришни ўз ичига олиб, муаммоларни ечиш йўлини аниқлашга йўналтирилган, диагностикага оид функция. Таълим олувчилар инновацион фаолиятнинг диагностик усул ва услублари, шунингдек, таълим менежерининг аҳамиятли ижтимоий- психологик хусусиятлари билан танишадилар ва уларни шакллантириш ҳамда ривожлантириш стратегиясини ишлаб чиқадилар; ахборот-билиш функционал компоненти муаммонинг қўйилиши ва таълим менежери касбий салоҳияти ҳамда шахси ривожини таъминлашга йўналтирилган бўлиб, инновацион фаолиятга нисбатан мотивацияни шакллантириш ва билишга нисбатан қизиқишни таркиб топтириш асосий мақсад сифатида белгиланган; коррекцион-ривожлантирувчи функционал компонент таълим
менежеридаги муҳим ижтимоий-психологик сифатларни ривожлантириш, олий таълим муассасаси шароитида таълим менежери инновацион фаолиятини амалга оширишни таъминлайди. Мазмунига кўра, ишлаб чиқилган дастур уч асосий қисм ва унга мос машғулотлардан иборат бўлиб, сўровлар, тренинглар, кичик маърузалар ва ҳ.к. тадбирларни амалга оширишни назарда тутади. Дастурни яратишдан мақсад олий таълим муассасаси таълим менежерини инновацион фаолиятга ижтимоий-психологик жиҳатдан тайёрлашдир. Мақсаддан келиб чиқиб, дастурда қуйидаги вазифаларни амалга ошириш кўзда тутилган: фаолият натижалари асосида инновацион фаолиятнинг туб моҳияти ва аҳамиятини англаб етиш; инновацион фаолиятга тегишли мотивацияни шакллантириш; таълим олувчиларда одамлар ва ғоялар билан ишлаш кўникмаларини ривожлантириш; таълим олувчиларда ташкилий масалаларни ечишга ижодий ёндашиш кўникмаларини ривожлантириш; инновацион фаолиятни ташкиллаштириш юзасидан таълим олувчиларни тегишли психологик билимлар билан қуроллантириш; таълим олувчиларнинг ўз-ўзини англаши, ўз ўрнини топиши, ўзини намоён қилишига ёрдам кўрсатиш; ҳар бир таълим олувчига тайёргарлик жараёнида ўзини реализация қилиш имконини бериш. Ишлаб чиқилган дастурнинг биринчи қисми – таништирувчи қисм. Мазкур қисм доирасида таълим менежерларининг ижтимоий-психологик хусусиятларини ўрганиш, шунингдек, ушбу диссертация иши негизида яратилган методикалар асосида улар томонидан олиб борилаётган инновацион фаолият самарадорлигини баҳолаш назарда тутилади. 22 Дастурнинг иккинчи қисми асосий ҳисобланиб, дастурнинг бош мақсадига босқичма-босқич эришиш учун ўн уч машғулотни амалга оширишни тақозо этади.
Дастурнинг учинчи қисми якунловчи бўлиб, унда олий таълим муассасаси таълим менежерини инновацион фаолиятга тайёрлаш дастурининг самарадорлиги юзасидан хулосалар келтирилади. Шундан сўнг, таълим менежерининг ижтимоий-психологик хусусиятлари тадқиқот давомида ишлаб чиқилган усуллар ёрдамида қайта таҳлил қилинади ва ўтказилган тадбирларнинг натижавийлиги баҳоланади. жүктеу/скачать 0.64 Mb. Достарыңызбен бөлісу:
|