Уәлиханов ауданының әкімі С. Ш. Тұралиновтың



жүктеу 277.61 Kb.
Дата22.02.2016
өлшемі277.61 Kb.

Уәлиханов ауданының әкімі С.Ш.Тұралиновтың

«2011 жыл ішінде Уәлиханов ауданының әлеуметтік-экономикалық дамуының қорытындылары туралы»

есебі

Құрметті уәлихановтықтар!


Тағы да бір жыл тарих бетіне жазылды. 2011 жыл біз үшін жаңа жетістіктер жылы болып, баршамызға өрге басуымызға шабыт берді.

Өткен жыл үлкен саяси оқиғалармен ерекшеленді. Біздің үлкен жетістігіміз – Қазақстан Республикасы Президентінің кезектен тыс сайлауда жеңіске жетуі.

VII қысқы Азия ойындары, IV Астаналық экономикалық форум, маусым айында өткен ШОС-тың мерейлі саммиті, Ислам форумы және де Ислам конференциясы ұйымы министрлерінің 38-ші Кеңесі біздің еліміз үшін айғақты да елеулі оқиғалар ретінде өшпес ізін қалдырды.

Ішкі саясаттың ең маңызды оқиғасы Республика Тәуелсіздігінің 20-жылдығына байланысты өткізілген іс-шаралар болды.

Тәуелсіздік жылдар ішінде біз ішкі және сыртқы саясат пен экономикада, әлеуметтік салада қомақты нәтижелерге жете алдық.

Ең бастысы – қазақстандықтарға лайықты өмір сүруге құқық беру. Бүгінгі күннің өзінде жалпы ішкі өнім 11 мың АҚШ долларынан артық болды, бұның өзі бірқатар еуропалық елдер көрсеткіштерінен асып отыр.

Нәтиже ретінде бүгінгі күні біздің еліміз әлемнің ең қуатты елдерінің 50-не еніп, тез дамып келе жатқан бірінші үш қатарлы әлем экономикаларына кірді.

Барлық қомақты табыстарымыз Қазақстан Республикасының Тұңғыш Президенті тұлғасымен тікелей байланысты.

Қазақстанның көпұлтты халқы 2011 жылдың 3 сәуірінде кезекті президенттік сайлауында елімізді алға жетелеуді, Қазақстанның әрі қарай дамуы мен гүлденуін соған тапсырды.

2012 жылғы 15 қаңтарында қазақстандықтар Президентімізідің саясатын қолдай келе, «Нұр Отан» партиясына 80 пайыздан астам дауыстарын берді. Халқымыз тұрақтылық, қоғамдағы бірлік мен түсіністік, Елбасының нақты істері мен партияның бағдарламаларын бірауыздан қолдады.

Бүгінгі күні алдымыздағы ең басты міндетіміз – жетістіктерімізді нық ұстап, экономиканың барлық салаларын әрі қарай дамыту.

Қалыптасқан дәстүр бойынша Қазақстан Республикасы Президенті Н.Ә.Назарбаевтың тапсырмасын орындау аясында әдеттегідей атқарылған жұмыс туралы баяндай, тұрғындармен есептік кездесуден бастап отырмын.

Ағымдағы жылдың есептік кездесулері еліміздің Президенті Н.Ә.Назарбаевтың Қазақстан халқына арнаған кезекті Жолдауымен тұспа-тұс келді.

27 қаңтардағы мемлекетіміз Елбасының «Әлеуметтік-экономикалық жаңғырту - Қазақстан дамуының басты бағыты» Жолдауы басқа Жолдаулардан ерекшеленіп отыр.

Жолдауда қазақстандық дамуының жаңа белестері айқындалды. Еліміздің алдында экономиканы нығайту және халқымыздың әл-ауқатын арттыру үшін жаңа міндеттер тұр.

Олардың орындалуы - жергілікті атқарушы органдар мен қоғамның үйлесімді жұмысына байланысты. Бізге ауқымды жұмыс істеу қажет, ең бірінші ауыл мен селодан бастау қажет.

Әлеуметтік-экономикалық дамудың негізгі көрсеткіштері бойынша 2011 жыл біздің аудан үшін жемісті болды.

Мемлекеттік органдар қызметінің негізгі бағыттары Уәлиханов ауданының 2011-2015 жылдарда елді мекен аумағын дамыту Бағдарламасымен үйлестірілген.

Аудан әкімдігінің 2011 жылдың 9 ақпандағы №40 қаулысымен ауыл және селолық округі әкімдерінің атына түскен ұсыныс пен ескертулерді орындау жөнінде арнайы іс-шаралар жоспары бекітілді. Одан 46 сұрақ бақылауға алынып, жүзеге асырылды. Аудандық газеттерде барлық деңгейдегі әкімдердің кездесуінде түскен сұрақтарды іске асыру бойынша 30 материал жарық көрді. 39 мәселе бойынша жекелеген түрде жауап берілді.



Аграрлық сектордың дамуы
Агроөнеркәсіп кешені - ауданымыздың экономикасының маңызды саласы. Оның үдемелі дамуы экспортты жаңарту мен халықты жұмыспен қамтуға негізгі басымдылықтарының бірі болып табылады.

Біздің ауданымызда ауылшаруашылық бағытта 963823 гектарлы жер болса, оның ішінде 298722 гектар жыртылған, яғни жалпы көлемнен 31%, жайылым 539804 немесе 56 пайыз, тыңайған жерлер көлемі 71372 гектар жалпы көлемнен 7 пайыз.

Аудан аумағында 30 ЖШС, 150 шаруашылық және фермерлік қожалықтар, бір элеватор, бір астық қабылдау кәсіпорны жұмыс істейді. Онда екі мыңға жуық адам қамтылған.

Жылдарды ала отырып, динамикасына қарасақ, 2009 жылмен салыстырғанда ауылшаруашылық жер көлемі 2010 жылы 105469 гектарға артылды, ал 2011 жылы 128907 гектарға асып тұр. Егістік жер көлемі 43476 гектарға артылды. Аталған жер көлемі жер қорын қайта бөлу мен тыңайған жерлерді игеру есебінен ауыл шаруашылығы айналымына енгізіліп отыр.


Өсімдік шаруашылығы
2011 жылы 242,3 мың гектарлы жер көлемінде 15,0ц. өнімділігімен астықтың жиналуы 342,9 мың тонна болды.

Көктемгі-егістік жұмыстарынан бастап күздік науқанды қоса, ауылшаруашылығы жұмысының барлық түрлері уақытында және сапалы түрде атқарылды.

Себудің химиялық өңдеу жұмыстары 252,6 мың гектарлы көлемде өткізілді, бұл 2010 жылдың деңгейінен 71,5 мың га артық ( 2010 ж. – 181,1 мың га).

Облысымыздың астық қабылдау нысандары мен элеваторына 155,9 мың тонна астық тапсырылды. Одан III кластық бидай 149,2 мың тонна немесе жалпы көлемнің 95,7 %.

Мал азығын дайындау барысында мал шаруашылығымен айналысатын барлық ауылшаруашылық құрылымдар мен ауданымыздың тұрғындары шөп және жем түрімен қамтамасыз етілді. Дайындалған шөптің көлемі 31,000 мың тоннадан асады, сабан 12000 тонна (жоспар бойынша шөп -31000, сабан - 8000 тонна). Жоспардағы 45000 тоннаның орнына жиналған жемдік астықтың көлемі 70000 тонна.

2012 жылдың егініне тұқымның қажетті мөлшері құйылды, яғни 29000 тонна немесе 100%. Тексерілген 18872 тоннадан бүгінгі күнге бірінші сұрыпты тұқым 1200 болса, қазір 5600, екінші - 11,771, бұрын 11520. Бірінші мен екінші сұрыпты тұқым көлемі бүгінге 18767 тонна немесе 99,4%, 2010 жылдың деңгейімен салыстырса, 6047 тоннаға әлде 32% артық болды.

Егістікке барлығы 101,6 мың гектарлы жер көлемі дайындалды, 2010 жылы 84,1 мың гектар болған (одан сүрі жер -15,4 мың га, сүдігер - 86,2 мың га.)

134,7 мың гектарлы жер көлемінде (56%) егістік жұмыстар бүгінгі күнгі жаңа замануи импорттық техника қамтылды. Ауданда осындай жоғары өнімділігімен 68 агрегат жұмыс істейді (2010 жылы 67).

Егін орағы науқанына 330 астық жинауға комбайндар қатысты, одан 68-і жоғары өнімді комбайндар. Осындай астық жинаушы техниканың пайдалануы, егін орағы жұмысының кешенді әдісін қолдану, егін орағының жоғары түрде ұйымдастырылуы аудан диқаншыларына уақытында және де сапалы түрде 2011 жылдың егін орағын аяқтауға мүмкіндік берді.

Ауылшаруашылығы тауар өндірушілері былтырғы 2011 жылы 392 млн.теңгеге жалақы және 38 млн.теңге көлемінде жер үлестері үшін дивиденттерін төледі.

Сонымен бірге 6500 тонна картоп, 660 тонна көкөніс жиналды.

Аудан тұрғындары азық-түлік тағамдарының негізгі түрлерімен толығымен қамтамасыз етілген.

Ауылшаруашылық өнеркәсібіндегі оңтайлы алға басушылық қайта өңдеу саласы өнімінің артылыуының негізгі факторы болды.

«Узбай» шаруа қожалығы Кішкенекөл селосында диірмен орнатты, жұмыс өнімділігі күніне 16 тонна. Ұнды халыққа 1800 теңгеден, ал кебекті килограмы 30 теңгеден сатып отыр.

2012 жылы өсімдік шаруашылығы саласын әртараптандыру, өнімділікті арттыру, жерді ұтымды пайдалану мақсатымен мемлекеттік органдардың басшылары мен ауданымыздың ауылшаруашылығы құрылымдары басшыларына келесі іс-шараларды өткізу қажет:
1. Егістік көлем құрылымын қалпына келтіру, яғни жемдік азық, майлы дақылдар, картоп және көкөніс үшін жер көлемін арттыру.

Осыған орай «Аслан» ШФҚ-мен Бидайық ауылдық округінде Талдысай көлінің жағасында суғарудың импорттық технологиясы мен техникасын пайдалануымен 70 гектарда картоп, 10 гектарда сәбіз өсіру бойынша инновациялық жобаны енгізу арқылы жұмыс жүргізілуде. Су көлемі 2000000 куб.метрден артық. Алынатын құрал-жабдық «Гримми» фирмасы, жабдықтаушы «Агротех» фирмасы. Осы жобаның жалпы құны 157000000 теңге.

2. Қабілетсіз ауылшаруашылық құрылымдарын анықтап, оларды біріктіру арқылы ірілендеру шараларын жүргізу. Осы жылы 26 мың гектар жері 10 шаруашылықпен жұмыс жүргізу көзделіп отыр.

3. Ауылшаруашылығы техникасын жаңарту бойынша жұмысты жалғастыру қажет, әсіресе жеке ШҚ мен ЖШС. Талдау көрсеткендей, ауданда 10 жылдан астам жұмыс істеп келе жатқан 11 ЖШС пен 102 шаруа қожалықтары бар. Осы уақыт ішінде олар бірде-бір техника жоғары өнім шығаратын импорттық техника сатып алған емес.


Мал шаруашылығы
Ауданда мал шаруашылығын тиімді түрде дамыту, ауыл шаруашылық бағыттағы малдың басы мен мал шаруашылығы өнімдерін арттыруға мүмкіндік беретін барлық қажетті ресурстық және табиғи-климаттық жағдай бар.

Ағымдағы жылдың 1 қаңтары бойынша ауданда ірі қара малдың басы 18645 болса, одан жеке аулада 18081 және де ЖШС пен шаруа қожалықтарында 564 бас. Аудан бойынша барлық малдың сәйкестендіруі өткізілді.

Өткен екі жыл салыстырғанда шаруашылықтарда мал басының өсуі 130,2 пайыз болды.

Ел басының берген тапсырмасына сәйкес ірі қара мал етінің экспорттық әлеуетін дамыту бағдарламасының міндеттерін жүзеге асыру мен 2011-2012 жылдарға арналған СҚО мал шаруашылығын дамыту бағдарламасын орындалуын бұл сала бағытталған.

Осының нәтижесінде ауылшаруашылық құрылымдарында мал басының саны 3979 бас болды, бұл 2010 жылмен салыстырғанда 2,7 есе артық.

Облыста жүзеге асырылып жатқан ет тұқымды малды сатып алу жөніндегі бағдарламаға 13 шаруашылық қатысып, нетижесінде 333 ірі қара мал, 83 жылқы және 28 қой сатып алынды.

Бұл мақсатқа 38 млн. несиелік ресурстар игерілді. Технология, ветеринарлық шаралардың барлық кешені қамтамасыз етілетін малдың барлық түрлерін өсіру бойынша ірі базалық шарушылықтарды құру жөнінде тиісті шаралар жүргізілді.

Жобалық қуаты 500 аналық мал басына арналған «Жолдаспай-Агро» шаруа қожалығы 130 мал басына 2012 жылы белгіленген жер учаскесінде ферма құрылысы басталады.



Қой шаруашылығын дамыту бойынша 2560 басы бар 4 ірі фермерлік шаруашылық құрылса, жылқы шаруашылығында 837 мал басы бар 5 ауыл шаруашылық кәсіпорыны құрылды.

Ірі қара малдың сәйкестендірілуі жүргізілді, жоспардың 22629 мал басы толығымен сәйкестендіріліп, бюджетке қайтарылған қаржының көлемі 1млн.775 мың теңге.

Аудан ветеринарлық кадрлармен жабдықталған, 11 селолық округтерде 11 ветеринарлық дәрігер, 9 дәрігер-лицензиат жұмыс істейді.

Ірі қара малды санын өндіру бағдарламасы бойынша 11236 бас сиырды шағылыстыру жоспарлануда, соның ішінде қолдан ұрықтандыру 1533 бас. 17 қолдан ұрықтандыру пункттері жұмыс істеді.

Соңғы жылдар ішінде былтырғы жылы бірінші рет сүт пен жүнді қабылдау ұйымдастырылды.
Мал шаруашылығын дамыту мақсатында 2012 жылы келесі жұмыстарды атқару қажет:

1. Ауданның ауылшаруашылығы құрылымдарындағы мал басын арттыру;

2. Асыл тұқымды малдың үлесін арттыру мақсатында ірі қара мал, қой мен жылқы санын көбейтуге бір-бір тұқымдық ферма ұйымдастыру;

- қолдан ұрықтандыру пункттерінің жұмысын жақсарту;

- басқа облыстардың тұқымдық шаруашылықтарында сатып алынған асыл тұқымды аталық малдың санын арттыру;

3. 4 ауылдық округте екі реттік инфекциядан сауықтыруға бағытталған ветеринарлы-алдын алу жұмыстарын аяқтау;

4. Ветеринарлық-санитарлық тұрғыдағы нысандарың құрылысын жалғастыру және дұрыс пайдалануын қолға алу;

Мал шаруашылығы өнімдерін жәрмеңкелерде өткізілуі үлкен септігін тигізеді. Аудан Астана қаласындағы облысымыздың мәдениет күндеріне қатысып, 3 млн.069 мың теңгеге пайда түсірді.

Петропавл қаласындағы ауылшаруашылық жәрмеңкелерінің алтауына қатыстып, 2 млн.689 мың теңгеге әртүрлі өнім сатылды.

Жыл басынан бері Кішкенекөл селосында 14 млн. 522 мың теңгеге әртүрлі өнімдер сатылып, барлығы 41 жәрмеңке ұйымдастырылды.

Жыл басынан облыстық және аудандық жәрмеңкелерде 20 млн. теңгеге өнімдері сатылды. Барлық жәрмеңкелерде аудан мектеп, шаруашылық пен тұрғындардың жеке аулаларынан өнімнің сатылуын жүзеге асырды.

«Дипломмен- ауылға»
Ауылдық елді мекендерге «Дипломмен-ауылға» бағдарламасы бойынша жұмыс істеуге және тұруға ниет білдірген денсаулық сақтау, білім, мәдениет пен спорт, әлеуметтік қамсыздандыру саласының мамандарына әлеуметтік қолдау шаралары ұсынылып отыр.

Былтырғы жылы 6879,6 мың теңгеге бюджеттік несие 65 маманға төленді. Ал соңғы үш жыл ішінде 124 жас маманға 12387,69 мың теңге берілді. Жоғарыда аталған салалардың 18 маманы 23482,4 мың теңгеге пәтер ала алды.



Инвестициялар, аудан бюджеті
Барлық мәселелердің шешілуі негізінен аудан бюджеті мен оның орындалуынан байланысты.

Ауданның жергілікті атқарушы органдары, салық, қаржылық, экономикалық қызметтерімен бюджеттің кіріс бөлігін толтыру, олардың субвенциялауын азайту және салықтық әкімшіліктеу бойынша жұмыс атқарылды.

Атқарылған жұмыстың тиімділігінің көрсеткіші ретінде 2011 жылдың қорытындылары бойынша ауданның өз кірісінің нақтыланған жоспары 21975,9 мың теңгеге орындауы болды. Ауданның бюджетіне 206027,2 мың теңге есебінде өз кірісіміз жиналды, 2010 жылдың деңгейінен 48,044 млн. теңгеге немесе 30,4 % артық.

Жергілікті бюджеттің 2011 жылдың түсім жоспары 106,7% орындалды, атап айтқанда жоспардың 362414,3 мың теңгесіне 386590,7 мың түсті, артық орындалғаны - 24176,4 мың теңге. Соның ішінде:

облыстық бюджет 101,2% орындалды, яғни жоспардың 178363 мың теңгесіне түскені 180563,5 мың, асыра орындауы – 2200,5 мың;

аудандық бюджет – 111,9% орындалды, одан асыра орындалғаны 21975,9 мың, яғни жоспардың 184051,3 мың теңгеге түскені – 206027,2 мың теңге.

2010 жылмен салыстырғанда жергілікті бюджетке түсімдер 30,2% артылды немесе 89,7 миллион теңгеге, соның ішінде аудан бюджетінің өз кірістері 48,0 млн. теңгеге, ал облыстық бюджетке 41,6 млн.теңгеге артық.

2011 жылдың ішінде жергілікті бюджеттің кіріс бөлігі 53,9 млн. теңгеге нақтыланды, бұл 2010 жылдың нақтыланған қаржының көлемінен 1,8 есе артық (2010 ж. – 30,2 млн.теңге), соның ішінде аудандық бюджет 30,2 млн.теңге, облыстық бюджет - 25,8 млн.теңге.

Сонымен бірге ауылдық округтердің әкімдері салықтық базасын ұлғайту, салықтың жергілікті түрлері бойынша жұмысты жандандыруға белсенді түрде араласу қажет.

Ағымдағы жылы ауданның әлеуметтік-экономикалық дамуына қомақты инвестициялар тартылды.

2011 жылы ауданның негізгі капиталына инвестиция көлемі 1 216,3 млн. теңге болды, яғни 2010 жылға қарағанда 25,8 % артық.

Негізгі капиталға инвестицияның салалық құрылымында ең көп үлес салмағы ауыл шаруашылығына тиюде – 62,6%, 761,9 млн.теңге бағытталды, 2010 жылдың деңгейіне қарағанда 15,9% артылды, өнеркәсіп – 22,4% - 272,8 млн.тенге, сонда 116,3 есе өсті.

Өмірлік іс-әрекет пен ауданның дамуын қамтамасыз етуіне 5,9 миллиард теңге жұмсалды.

Қомақты қаржы, яғни 4,2 млрд. теңге әлде 71,2% мемлекеттік бюджеттен ұсынылды, ауданның бір тұрғынына шаққанда 238,7 мың теңге болды, одан әлеуметтік салаға 2,8 млрд.теңге жіберілді, соның ішінде білім -1 млрд 3 млн.тенге, денсаулық сақтау - 441 млн.тенге, тұрғындарды әлеуметтік қорғауына республикалық бюджеттен зейнетақы мен жәрдемақыларды қоса 994 млн.тенге, мәдениетті дамуына 65 миллион теңге.

Айлық жалақы, зейнет және жәрдемақылар төлемінде мемлекетіміздің әлеуметтік қолдауын ерекше атап өту қажет. Аудан бойынша 2011 жыл ішінде айлық жалақы, зейнет және жәрдемақылар есебінде 3162 млн.тенге төленді, одан 2451 млн.тенге немесе 77,5% бюджеттік қаржы. 710 млн.тенге немесе 22,5% экономиканың нақты секторының кәсіпорындары төледі.

Жыл сайын бюджеттен төленетін төлемақы көлемі артылып отыр, 2011 жылы бюджет саласы қызметкерлерінің жалақысы мен зейнетақы 30 пайызға, ағымдағы жылы әлеуметттк төлемдер 9 пайызға артылды.

Мемлекетіміз экономиканың нақты секторының кәсіпорындарына қомақты көмек көрсетуде, ауыл шаруашылығы тауар өндірушілеріне жеңілдікті салық салумен қатар (салықтың 7 түрі бойынша бюджетке 70% төлемдер азайтылды) субсидиялар төленуде және де төмен пайыздық мөлшерлеме бойынша несиелер ұсынылуда.

2011 жыл ішінде экономиканың нақты секторының кәсіпорындарына қаражаттандыру арқылы 356,4 млн.тенгеге өндірістік шығындар өтелді, одан 254,4 млн. тенге көлеміндегі субсидиялар ауылшаруашылық құрылымдарына төленді, 102 млн.тенге аудан тұрғындары үшін су құнын арзандатуына бағытталды.

Осының нәтижесінде ауыл шаруашылық құрылымдарының 15% материалдық шығындары өтелсе, су тұтынушыларға су құны 90%, яғни 350 теңгеден 40 тенгеге дейін азайтылды.

«Жұмыспен қамту-2020» бағдарламасы бойынша 15 қарызгер 29,3 млн.тенге көлемінде несие алды, шағын кәсіпкерліктің 4 субъектісінде қызмет түрі кеңейетін болады.

Ауданда жаңа объектілер құрылысына республикалық және жергілікті бюджеттен 212,8 млн.теңге берілді.
Шағын және орта бизнестің дамуы
Ауданның әлеуметтік-экономикалық дамуы, көбінесе, кәсіпкерліктің дамуымен қалыптасады.

Ауданда шағын кәсіпкерліктің 545 субъектісі тіркелген, 1141 адам немесе тұрғындардың жалпы санынан 6,5%.


2011 жыл ішінде шағын кәсіпкерліктің 16 объектісі ашылды.

2011 жылда тауар өңдіру өнімі 1057,7 мың. теңгені құрды, 2010 жылдың деңгейінен 2,6 астам (2010 жыл – 379,6 млн.теңге).

2011 жылы 392 жұмыс орыны құрылды, оның ішіндегі 77 орын жеке кәсіпкерлікте, 20 өнеркәсіпте, 31 құрылыс пен 264 ауылшаруашылық секторында.

Орта және шағын кәсіпкерлік субъектілерінен салық пен түсімдер 153,2 млн. теңге түсті, 2010 жылдың деңгейінен 3 есе артық, жалпы салық және түсімдер 21% құрды.

Жалпы атап өтсек, ауданның бизнесі сауда қызметіне бағытталған, ал халыққа қызмет көрсететін нысандар толық деңгейде дами қоймаған. Ауданда сағат және тұрмыстық техника жөндеу шеберханалары, оргтехниканы жөндеу жөнінде шеберлерханалар жоқ. Құрылыс материлдары, тері мен жүн қабылдайтын нысандар өте аз.

Ет, көкөніс, құрылыс материалдарын сату жөнінде арнайы дүкендер санын көбейту керек.


Өнеркәсіп

Өндірістік өнім өндірудің көлемі 2011 жылы 102,5 млн. теңге болды, бұл 12,5% немесе 14,6 млн.тенгеге 2010 жылдың деңгейінен кем (2010 жыл – 117,1 млн.тенге, 2010 жылдың деңгейіне физикалық көлемінің индексы – 58,6 %. Ұн өндірудің 58,3% кемуі өнеркәсіптің физикалық көлемінің индексі азаюына әкеп соқты.

Ауданда тағамдық азық-түлік өндірумен 13 кәсіпорын айналысады, соның ішінде 2 – диірмен, 11 наубайхана.

2011 жылы күніне 16 тонна қуаттылығымен диірмен іске қосылды.

Азық-түлік өнімдерінің көлемі 54,3 млн. тенге болды, 18,1% нан өндіру артылды.

Бидайды үктіруге келісім шарттың жоқтығынан ұнның өндірілуі 58,3% кеміді немесе 7955 тоннаға.

Былтырғы жылдың үшінші тоқсанында «Жақсы Тұз Петропавл» ЖШС тұз өндіруді қолға алды. Өнеркәсіп өнімінің көлемі 27 млн.теңге, 9000 тонна тұз алынды ( 2010 жылы тұз өндірілмеген).

2012 жылы құрылыс тасының Қызылту кен орнында қиыршық тасты өндіру бойынша «Нефрит Кзылту» ЖШС-мен инвестициялық жобаны жүзеге асыру жоспарлануда. Жобаның құны 168 млн.теңгеден астам, зауыттың қуаты жылына 200 мың тонна қиыршық тасты өндіру.

Жаңа 50 жұмыс орны ашылатын болады, жалақы қоры 18 млн.теңге, жалақыдан бюджетке қосымша 2,6 млн.теңге салық түспекші, соның ішінде облыстық бюджетке 1,6 млн.теңге, аудандық бюджетке 1 млн.теңге.

Шағын және орта кәсіпкерлік субъектілерді несиелеу үшін жобаларды дайындау және іске қосу бойынша жұмыс жалғастырылатын болады.

2012 жылы «Ар» ЖШС-мен қуаттылығы 9 мың тонна, құны бір миллион доллардан астам элеватор құрылысы жүргізілетін болады.



Сумен қамту
Тұрғындарды таза ауыз сумен қамту мәселесі маңызды басымдылықтардың бірі. Елімізде 2011-2020 жылдарға арналған түбегейлі жаңа «Ақ бұлақ» бағдарламасы бойынша жұмысы басталды.

Аудан тұрғындарына таза ауыз сумен қамту қызметімен «Мөлдір су» МКК айналысады.

Бүгінгі күні «Мөлдір су» МКК 16 елді мекенге, 35 мемлекеттік мекемеге, аудан кәсіпорындарына таза ауыз суды босату бойынша қызмет көрсетуде.

Бағдарламаны жүзеге асыру барысында суды есептегіш орнату арқылы орталықтандырылған сумен қамту жүйесіне 243 тұрғын үй қосылды.

Уәлиханов ауданының тұрғындарын таза ауыз сумен қамту 89,3 %. 2011 жылы сумен қамту жүйесінің дамуына 33,6 млн.теңге жұмсалды, 324 тұрғыны бар Қаратал ауылында жер асты суларынан локальды ұңғыма пайдалануға берілді. Қауіпсіз таза ауыз сумен қамтамасыз етілген тұрғындар саны 14426 адам немесе халықтың жалпы санынан 89,3%.

Жалпы құны 1260275,2 мың теңгеге сумен қамтуға 4 нысанның жобалау-сметалық құжаттамасы дайындалды, бұлар келесі сутартқыштар: "Молодая Гвардия -Мортық" -373589,3 мың теңге, "Ақтүйесай - Өндіріс - Жұмысшы - Жамбыл" -724658,3 мың, «Есдәулет жер асты сулары кен орны - Ақбұлақ»-99318,2 мың теңге, Қайрат селосында локальды ұңғыма - 62711,4 мың теңге. Жобалау-сметалық құжаттамасының дайындалуына 25,1 млн.теңге жұмсалды, сумен қамту объектілерінің құрылысы аяқталған жағдайында таза ауыз сумен 5 елді мекендерде 1802 адам қамтылатын болады немесе халықтың 90 пайызы.


Тұрғын үй құрылысы
Тұрғын үй құрылысы дамуында тұрғындарды пәтермен қамтамасыз ету бойынша жұмыс жалғасатын болады.

2011 жыл ішінде құрылыс жұмыстарының көлемі алдын-ала статистикалық мәліметі бойынша 120,5 млн.теңгені құрады, бұл 237,7 млн.теңгеге кем (2010 жылы - 358,2 млн.теңге). Құрылыс жұмыстарының физикалық көлемінің индексі 37,6%. Төмендеуі бюджеттік қаржының есебінен құрылыс жұмысының көлемінің азаюынан болды.

2011 жылы тұрғын үй құрылысына бюджеттен 145,6 млн.теңге бөлінген, соның ішінде жалдама-коммуналдық тұрғын үй — 7 млн. теңге, «Жұмыспен қамту-2020» бағдарламасы бойынша тұрғын үй құрылысына — 107,8 млн. теңге, осы бағдарлама аясында инженерлік-коммуникациялық инфрақұрылымды жасауына— 30,8 млн. теңге.

Тұрғын үй тапсыру жоспары 14% орындалды, жоспар бойынша 2060 ш. метр болса, тапсырылғаны - 363 ш.метр. 2010 жылмен салыстырғанда тұрғын үйлерді пайдалануға беру 2 есе кем болды немесе 366 ш.метрге (2010 ж.- 729 ш.метр).

Кішкенекөл селосы С.Мәліков көшесінде құны 4,5 млн.теңгеге көше жүйесі жарықтандырылды. Еліміздің мемлекетттік нышандарының стеласы салынды.

Облыстық халық спорты ойындарының қарсаңында жол, қоршауларды жөндеу, шағын сәулетті композияциялардың құрылысы жүргізілді.

Мырзағұл ауылында халық өз қаржы есебінен Ұлы Отан соғысыа қатысушыларға арналған ескерткіш-стеланы орнатты.

Аудан орталығының мекемелері, дүкен, кеңселер жанында сәулетті де әсем безендірілген шағын архитектуралық композициялар пайда болды.

Тәуелсіздік мерекесі, 2012 жылды қарсы алу қарсаңында көптеген мекеме, кәсіпорын, дүкен, офистердің басшылары өздерінің ғимаратын бүгінгі күннің талабына сай безендіруге күш салды

2012 жылы жалпы көлемі 3783 шаршы метр тұрғын үй пайдалануға беру белгіленуде, жоспарымыз - 2220 ш. метр. «Жұмыспен қамту-2020» бағдарламасы аясында салынып жатқан тұрғын үй және инженерлік-коммуникациялық инфрақұрылым құрылыстары аяқталуда, облыстық бюджет есебінен 28600 мың тенге ескерілуде, жалпы көлемі 1540 шаршы метрлі 22 тұрғын үй пайдалануға берілмек.

Сонымен қатар «Мөлдір су» МКК-мен көлемі 1090 ш.метр 12 пәтерлі тұрғын үй қайта құрылатын болады, жекелеген тұрғын үй құрылысы есебінен 1067 шаршы метрлі 7 тұрғын үй салынады.

Сонымен бірге 2 811 мың теңгеге электр жүйесі құрылысын жүргізу жоспарлануда, соның ішінде: Островский қиылысы, Кішкенекөл с. – 3133 мың теңге, Южный қиылысы– 4178 мың теңге, Ақтүйесай селосында – 3000 мың теңге, Қулыкөл ауылын жарықтандыру-1500,0 мың және Қайрат селосы-1100,0 мың теңге. Көшелерді жарықтандыру құрылысын жүргізуге ЖСҚ дайындауға 800 мың теңге ескерілген.

Кішкенекөл селосында құны 4,5 млн. теңгеге С.Мәліков көшесі жарықтандырылды.



Ауданның көлік-коммуникациялық кешенін дамыту

2011 жылы аудандық бюджеттен инфрақұрылымды дамытуына, жолдарды жөндеу мен ұсталуына 7,8 млн.теңге бөлінген, соның ішінде Кішкенекөл селосының көше-жол жүйесінің ұсталуы мен жөндеуіне 4,8 млн.теңге болса, аудандық маңыздағы жолдардың ұсталуына 3 млн.теңге.

Жылыту маусымына дайындық барысында 3 қазандық жөнделді, 80 әлеуметтік,мәдени, тұрмыстық нысан дайындалды, соның ішінде 26 мектеп, 7 денсаулық сақтау саласының нысаны, 18 басқару органдары.

Ағымдағы жылы мәдениет және білім нысандарына толығымен 100% көмірмен қамтамасыз етілген. Жылыту маусымына 10261 тонна көмір дайындалды.

Экологиялық жағдайды жақсарту мақсатымен санитарлық тазалау, абаттандыру мен елді мекендерді көгалдандыру жағынан ауқымды жұмыстар атқарылды.

Атап өту қажет, үлкен жұмыс аудан орталығында өткізілді. Жеңіс және Оқушылар саябақтары қалпына келтірілді, сонымен бірге орталық алаңның жанындағы да саябақ тазартылды.

Ақтүйесай, Бидайық, Телжан ауылдық округтерінің тұрғындары абаттандыру бойынша атқарған жұмыстарын атап ләзім.

2011 жыл ішінде 541 телефон орнатылды. Ақбұлақ, Қарашілік, Қулыкөл, Молодая Гвардия ауылдарында ескірген және де пайдалануға жатпайтын АТСКа станциялары сандық сымсыз байланысқа (СДМА) көшірілді, бұның өзі абонеттерге байланыстың қосымша қызметін пайдалануға және де жылдамдығы еселеу интернетке қосылуға мүмкіндік беріп отыр.

Ауданның елді мекендерін абаттандыру, санитарлық тазалау, көгалдандыру бойынша жұмыс осы жылы да өз жалғасын табады. Ескі қиратылған ғимараттар мен қондырғылардың қалдығын шығаруға қаржы ескерілген. Әр ауылдық округте тұрғындардың демалуына жағдай жасау мақсатымен жаңа архитектуралық композициялар, орындықтары, ойын алаңдары бар, жарықтандырылған саябақтар мен бақтар салу көзделіп отыр.
Тұрғындарды әлеуметтік қорғау

Экономиканы дамыту бойынша барлық бағдарламалар халқымыздың әл-ауқатын дамытуына бағытталған.

Сондықтан Елбасы әлеуметтік жаңартуға аса көңіл аударылуда. Оның тапсырмасымен осы салада маңызды мемлекеттік бағдарламалар бекітілді, ол біздің ауданда да жүзеге асырылуда.

Бірінші мезетте Президентіміздің Жолдауында айқындалған жұмыспен қамтудың жаңа стратегиясына қатысты.

2011 жылы тұрғындарды жұмыспен қамтуды қамтамасыз ету бойынша бағдарламалық шарамен 1552 жұмыссыз жұмысқа орналастырылды немесе бағдарламалық жоспардың 119 % (жоспар - 1298), соның ішінде «Жұмыспен қамту-2020» бағдарламасы бойынша 220 адам.

447 жаңа жұмыс орнын ашу жоспарланған, жыл ішінде 459 жаңа орын ашылды немесе жоспарлы тапсырма 102% орындалды.

Жыл басынан бері отбасыда бірде-бір жұмыс істейтіні жоқтары қатарынан 104 адам орналастырылды, ал тұрғындардың мақсаттық тобынан 475 адам.

Жергілікті еңбек нарығы мұқтаждығын ескере келе, кәсіптік оқу мен қайта оқуға әртүрлі мамандықтар бойынша 47 жұмыссыз жіберілді. Олардың оқуына жергілікті бюджет қаржысынан 2,6 млн.теңге жұмсалды.

Ауданның 8 ауылдық округінде тұрғындардың мақсаттық тобынан 52 адам жұмысқа орналасып, 46 әлеуметтік жұмыс орны құрылды. Аудан бюджетінде ескерілген 4,9 млн.теңге көлеміндегі қаржы толығымен игерілді.

Ауданның 2 кәсіпорны бизнестің әлеуметтік жауапкершілігі «Парыз» республикалық конкурсына қатысты («Агрофирма Кзылту Нан» ЖШС «Жылдың әлеуметтік жобасы» номинациясы және «Темирбекова Р.М.» ЖК «Әлеуметтік жауапты кәсіпорын» номинациясында). Облыстық «Парыз» байқауында «Ең жақсы әлеуметтік жауапты кәсіпорын» номинациясында «Агрофирма Кзылту Нан» ЖШС-і 1 орынды иеленді.

Өкілетті органда тіркелген жұмыссыздардың саны 2011 жылы 50 адамға қысқарды. 2011 жылдың басына олардың саны 115 болса, жыл аяғында 65 жұмыссыз болды.

Ресми жұмыссыздықтың деңгейі тұрғындардың экономикалық белсенді (11930 адам) тобына 0,4 пайыздық тармаққа кеміді, жыл басындағы 0,9 % жыл аяғына 0,5 % дейін түсті.

Жалпы жұмыссыздықтың саны жыл басындағы 800 адамнан жылдың аяғында 499 адамға азайды. Жалпы жұмыссыздықтың деңгейі тұрғындардың экономикалық белсенді топтарына қарай 6,4%-дан 4,2 % дейін кеміді.

Жыл ішінде «Шағын кәсіпкерлік субъектілерін несиелеу» қоры арқылы 8 отбасы кәсіпкерлік қызметін дамыту үшін жалпы 800,0 мың теңге көлемінде шағын несие ала алды (нан-тоқаш бұйымдарын жасау жөнінде шағын наубайхана ашу, косметикалық тауарларды сату жөніндегі дүкен, шаштараз ашу, киім тігу жөніндегі шағын ателье).

Қолданылып жүрген заңнамаға сәйкес 765 аз қамтамасыз етілген азаматқа (199 отбасы) жалпы көлемі 9,761 млн.теңгеге төлем жүргізілді.

Аудан бойынша аз қамтылған азаматтардың саны 703-тен 273 адамға дейін немесе 430 адамға азайды. Тұрғындардың жалпы санына кедейшіліктің деңгейі 1,5%, бұл 2011 жылдың басындағы көрсеткіштен (3,9%) 2,4 пайыздық тармаққа кем.

Облыстық бюджет қаржысы есебінен 4 және одан артық нәресте туылған отбасыға әлеуметтік көмек төлеміне 35,804 млн.теңге бөлінген, кәмелетке жасы толмаған әр балаға 160 АЕК есебінде.

2010 жылдың 1 қыркүйегі мен 2012 жылдың 1 қаңтары аралығында 47 отбасында 4 және одан да аса бала туылды.

2011 жылы 148 кәмелетке жастары толмаған баласы бар 35 отбасыға жалпы көлемі 35,804 млн.теңгеге көмек тағайындалып, толығымен төленді.



2012 жылы 1032 жұмыссыз азаматтарға жұмысқа орналастыруға көмек көрсетілетін болады, одан тұрақты жұмыс орындарына 778 адамға, яғни жалпы жұмысқа орналастырудан 75,4%.

Тұрғындардың мақсатты топтарына енетін азаматтардан 280 адам жұмысқа орналасады және де бірде-бір жұмыскері жоқ отбасылардан 98 адам.

Жалпы айтқанда аудан бойынша кедейшілік шегінен төмен тұратын азаматтардың санын азайту жоспарлануда – 273 адамнан 223 адамға дейін. Бұл ретте кедейшілік деңгейі 1,5 % -дан 1,3 % кемитін болады.

Облыстық «Ұрпақтар қоры» бағдарламасын жүзеге асыру бойынша жұмыс жалғасады.

Облыстық бюджет есебінен 48 кәмелетке жасы толмаған балаларға әлеуметтік көмекке 12,4 млн.теңге көлемінде қаржы бөлінген.

«Жұмыспен қамту-2020» бағдарламасын жүзеге асыру жергілікті атқарушы органдары жұмысының басымдылық бағытының бірі болып табылады.

Бірінші бағыт – «Өз ісімен шұғылданушы, жұмыссыз және аз қамтамасыз етілген тұрғындарды оқыту және жұмысқа орналасуға көмек көрсету» бойынша облыстың оқу орындарына әртүрлі мамандық бойынша 57 адам жіберілген болатын ( жоспардың 100%), соның ішінде кәсіби дайындыққа 31 адам, 12 - кадрларды қайта дайындау және 14 – біліктілікті арттыруға.

«Селода кәсіпкерлікті дамытуға көмек» екінші бағыты бойынша біздің аудан үшін 23,0 млн.теңге көлемінде қаржы бөлінген, одан кәсіпкерліктің негіздерін үйретуіне 1,0 млн.теңге және несие алушылардың жетіспеген инфрақұрылымын өткізуіне 1,3 млн.теңге.

Кәсіпкерліктің негізін оқыту Бағдарламасын 23 қатысушы аяқтап,тиісті сертификат алды.

Несиелік комитет тарапынан біздің аудан бойынша 29,3 млн.теңгеге жеңілдетілген несие алуға 15 өтінім өз қолдауын тапты, бұның өзі бізге бөлінген қаржының 127,4 %. 2011 жылдың 28 желтоқсанына несие толық көлемде алынды, яғни 29,3 млн. теңге.

Несиелік ресурстарды алуымен Бағдарламаға қатысушы 10 әлеуетті қатысушылар қосалқы шаруашылықтарын кеңейтуге, мал басын сатып алуға мүмкіндік алды.

Бидайық ауылында жұмыс істеп жатқан шағын наубайхана, компьютер мен оргтехниканы жөндеу орны, жұмсақ және корпустық жиһазды жинау, типографиялық қызметтерді кеңейту, Кішкенекөл селосында стоматологиялық қызмет көрсету өз қызметтерін нығайтып, жалғастыратын болады.

Бизнестің дамуымен экономика саласында жаңа 23 жұмыс орны ашылады, соның ішінде мал шаруашылығын дамыту саласы бойынша -14, халыққа қызмет көрсету саласында – 9.



«Жұмыспен қамту-2020» бағдарламасының үшінші бағыты - «Еңбек ресурстарының шұғылдығын арттыру» бойынша қызметтерді жабдықтаушы Петропавл қаласының «Нұрсұлтан - құрылыс» ЖШС Кішкенекөл селосында 22 тұрғын үй құрылысы жүргізілуде.

Ауылдық округтердің әкімдіктерімен (Қулыкөл, Қаратерек) бірлесе отыра, аз қамтамасыз етілген, жұмыссыз азаматтардан төмен экономикалық әлеуетімен елді мекендерден (а.Береке, с.Малкара) оларды көшіру бойынша өтініш жинастырылуда .

Бүгінгі күнге үйлердің құрылысы толық көлемде

жүргізілуде. Болжаммен ағымдағы жылдың сәуір-мамыр айларында нысандарды тапсыру жоспарлануда.

Ағымдағы жылы кәсіптік оқуға 15 адам жіберілетін болады, соның ішінде кәсіби дайындыққа 5, кадрларды қайта дайындауға 8, біліктілікті жоғарылату 2.

Ауданның жұмыс берушілерінде әлеуметтік жұмыс орындарына жұмысқа орналастыру үшін (50 – 50 бағдарламасы) 49,0 мың теңге көлемінде орташа айлық жалақысымен 25 әлеуметтік жұмыс орнын құру жоспарлануда, бюджеттен қарастырылған қаржы көлемі 24,5 мың теңге. Осы бағдарлама бойынша бөлінген қаржының жалпы көлемі 6296,0 мың теңге болып отыр.

Ағымдағы жылы әртүрлі меншік нысанындағы ауданның мекемелері мен кәсіпорындарында жастар тәжірибесі ұйымдастырылады. Жастар тәжірибесімен жоғары және орта арнаулы оқу орындарын тәмамдаған 51 түлек қамтитын болады, бір жас маманның еңбек жалақысы - 27,8 мың. Осы бағдарламаны жүзеге асыруға бағытталған қаржы көлемі - 9478,0 мың теңге.

Бағдарламаның екінші бағыты бойынша қатысушылар саны 40 адам, несиенің максималды көлемі 3,0 млн. теңге, біздің ауданымызға бөлінген несиелер қаржысы - 60,0 млн. теңге.


Білім
Білімнің дамуы оқытудың жоғары деңгейіне жету, материалдық-техникалық базасының нығайтылуына бағытталды.

2011 жылы білім саласының шығыстары аудан бойынша 1 млрд. 200 млн. теңге болды.

Аз қамтамасыз және көпбалалы отбасылардан кіретін 783 оқушы тегін тамақпен қамтылған. Бұл мақсатқа аудандық бюджеттен 2011 жылы 13 млн 346 мың 186 теңге бөлінсе, 2012 жылға 17 млн 312 мың теңге ескерілді.

Білімнің мазмұнын жаңартылуына көп көңіл бөлінді. Жылдан жылға толықтырылып келе жатқан компьютерлік сыныптар 2010-2011 оқу жылында 1 компьютерге 8 оқушыдан келуіне мүмкіндік берді.

Осыдан басқа 2010 жылы республикалық бюджеттен қосымша 29 млн. теңгеге 3 мультимедиялық кабинеттер мен 3 биология кабинеті, жергілікті бюджеттен 3 млн. теңгеге 36 компьютерге қаржы бөлінді. 26 мектеп Интернетке толығымен шығуға мүмкіндікке ие, осы жүйеде жұмыс істеу үшін қаржы бөлу артылып келеді.

Мектептерде оқыту жоспарына сәйкес орта және жоғары сыныптар, бастауыш мектептер үшін электрондық оқулықтар бар. Бұның өзі аудан оқушылары үшін тиімді ақпаратты-білім аясын қалыптастыра отыра, оқу-тәрбие процесінің сапасын артуына мүмкіндік беріп отыр.

Ауданның 6 мектебі үшін жергілікті бюджет есебінен 6 электростанция мен 5 циркулярлы сорғыш сатып алынды.

Өткен жылы Қайрат орта мектебі үшін «Газель» автокөлігі мен білім бөліміне автобус сатып алынды. Бұның барлығы ауданда, облыста өткізілетін барлық шараға шалғай жатқан округтердің балалары қатысуы үшін тиімді болатыны анық.

«Балапан» бағдарламасын жүзеге асыру аясында республикалық бюджет есебінен 4852,0 мың теңге бөлініп, 1 қыркүйектен 110 орын ашылды. Ауданда 2 балабақша және 23 шағын орталық жұмыс істеуде, мектеп жасына дейінгі оқу және тәрбиемен 950 бүлдіршін қамтылған, яғни 7,9 пайыздық тармаққа артылып, 68% құрады (2010 жылы - 60,1%).

2011-2012 оқу жылына мектеп жүйесінде 26 мептеп болса, соның 1 бастауыш, 6 негізгі, 19 орта.

Алғашқы кәсіби дайындықты 1 мемлекеттік кәсіптік лицей жүргізіп жатыр.

ҰБТ қорытыны бойынша орташа балл 83,8, бұл 2010 жылға қарағанда 3,8 тармаққа кем. 3 түлек мектепті «Алтын белгі», 4 түлек арнайы аттестатпен, 32 оқушы 100 және жоғары балдан иеленді.

Күрделі жөндеу жұмыстарына аудан бюджетінен 10767 мың теңге бөлінді, солардың ішінде Қондыбай орта мектебінің шатырының күрделі жөндеуіне 6000 мың теңге, Телжан мектебіне 2471 мың теңге, жылыту қазандығын орнату үшін 2296 мың теңге.

22 мектептің өртке қарсы шараларына облыстық бюджеттен 6259,0 мың теңге (автоматты өртке қарсы дабылды орнату, өрт сөндіргіш құралдарын сатып алу үшін).



2012 жылда білім нысандарын дамыту үшін 53309 мың теңге жобаланып отыр, солардың ішінде:

- Бидайық ОМ 2-ші корпусын қайта құру үшін 25000 мың теңге;

- Кішкенекөл №2 ОМ мен Бидайық ОМ 2 химия кабинетін ашу үшін 8194 мың теңге;

- Кішкенекөл № 2 ОМ бейне-бақылау аппаратурасын орнату үшін 299 мың теңге;

- ауданның 15 мектебіне циклон мен түтін сорғыштарын сатып алу үшін 11,663 мың теңге;

- Қаратерек пен Шағырсай мектептеріне өртке қарсы дабылдарды орнату үшін, өрт сөндіретін құралдарды сатып алу үшін, ағаш жабындылар қызметтеріне 500 мың теңге;

- Республикалық бюджеттен мүгедек балаларға дидактикалық құрал-жабдық, ойыншықтар, әдістемелік әдебиет, кеңсе тауарларын сатып алу үшін 1,800 мың теңге бөлінді;

- Қаратерек ОМ жылу жүйесінің күрделі жөндеуіне бюджеттің бос қалдықтарынан 7653 мың теңге бөлінуі жобаланып отыр.


Денсаулық сақтау саласы

Қазақстан Республикасы Президентінің халыққа арнаған Жолдауында «Халық денсаулығы - Қазақстанның өзінің стратегиялық міндеттерін орындауында басты негізі» деп айтылғандай, денсаулық сақтау жүйесінің дамуы ерекше орында, оның қаржыландырылуына 441 млн. теңге бөлінді.

2010 жылмен салыстырғанда бала туу көрсеткіші 1000 халық санына 4,4% өсті, 16,5-тен 17,2-ге (293-тен 304 жағдайға).

Жалпы өлім-жітім құрылымында кәріліктен қайту - бірінші орында- 41,8%, қан қысымынан екінші орында -25%, 3 орында 15,8% өлім - жарақат пен уланудан.

Жалпы халық саны 120 адамға өсіп отыр. Жаңа туылғандар саны (304) қайтыс болғандардан (184) 120 адамға асады.

2011 жылда ана өлімі тіркелмеген. Сәби өлімі 9,39 тармақ бойынша өсіп, 1000 туылғанға 13,1 құрады (2011 жылда 1 жасқа дейін 4 сәби қайтты, 2010 жылда - 1).

Туберкулезбен ауру жағдайы 6,7% төмендеді, 84,3-тен 78,7-ге, 100 мың адам санына (15 тен 14 жағдай бойынша).

2011 жылы хирургия бөлімінде 22,3 млн. теңгеге күрделі жөндеу жұмыстары жүргізілді.



2012 жылда денсаулық саласы нысандарының күрделі жөндеуіне 48790 мың теңге бөлінеді, солардың ішінде: орталық аудандық аурухананың күрделі жөндеуіне 38772 мың теңге, терапия бөлімшесі, қабылдау бөлімшесі, дәріхана, ас блогы және шатырдың күрделі жөндеуі жүргізіледі, Қулыкөл ауруханасының күрделі жөндеуіне: есік, терезе блоктарын ауыстыру, электротехникалық жұмыстарына – 10018 мың теңге.
Мәдениет
Аудан бойынша мәдениет мекемелері 23 нысаннан тұрады: аудандық Мәдениет үйі, Қулыкөл ауылдық Мәдениет үйі, ауылдық 7 клуб, 14 мемлекеттік кітапхана, соның ішінде орталық аудандық кітапхана, балалар кітапханасы мен 12 ауылдық кітапхана.

Облыстық бюджетінің қаражат есебінен 6773 мың теңгеге аудандық Мәдениет үйінің шатыры күрделі жөндеуден өтті, Мәдениет үйіне су құбыры өткізілді. Ақбұлақ ауылдық клубына жаңа музыкалық аппаратура сатып алынды.

Облыстық бюджет есебінен Мәдениет үйінің төбе шатыры жөнделді, жұмсалған қаржы көлемі 6773 мың теңге.

Мәдениет үйінің материалды-техникалық жағдайы жақсара түсті. 2011 жылда мұнда сахна киімдері, музыкалық, свет аппаратуралары мен тағы да басқа керекті заттар жаңартылды.

Мәдениет үйінің материалдық-техникалық жабдықталуына 2556 мың теңге бағытталды.

2012 жылда аудандық Мәдениет үйінің көгалдандыру, жарықтандыру жұмыстарына 3500 мың. теңге бөлінуі жоспарланып отыр.

Спорт
Халық денсаулығының сақталуы спорттың дамуымен тығыз байланыста.

Ауданда балалар спорттық мектебі белсенді қызмет атқаруда, оқушылары облыстық және республикалық жарыстарда талай рет жүлделі орындарды иеленуде.

Жыл сайын қысқы, жазғы спорт түрлері бойынша спартакиадалар өткізіледі.

Болат Смағұлов «Солтүстік Қазақстан барысы» жарысында қазақша-күрестен бірінші орынды иемденді.

Уәлихановтықтардың өмірінде облыстық «Ақ бидай - 2011» ауылдық ойындарының біздің ауданда өткізілуі айғақты оқиға болғаны анық.

Өзінің Жолдауында Елбасы дене тәрбиесі мен спортпен айналысу үшін спорттық ғимараттардың бәрін де қолжетімді болуы жөнінде сөз қозғады. Ағымдағы жылы балалар мен жасөспірмдердің спорттық дене тәрбиесі клубы ашылатын болады.

ауылдық округтердің әкімдеріне тренажерларды орнату, стадиондар мен спорттық алаңдарды жөндеу, корт құрылысын әрі қарай жалғастыру мәселелеріне назар аудару қажет.

Құқық қорғауды қамтамасыз ету

Еліміздің Президенті Н.Назарбаев 2012 жылғы 27 қаңтардағы өзінің «Әлеуметтік-экономикалық жаңғырту- Қазақстан дамуының басты бағыты» Жолдауында сот және құқық қорғау жүйесінің жаңғыртуына аса назар аударуда.

Аудан бойынша 2011 жылдың 12 айы ішіндегі оперативтік жағдайдың талдауына келе тұра, ауданда криминогендік жағдай тұрақты түрде қалып отырғанын айту керек.

Өткен жыл ішінде салыстыра отырсақ, қылмысты ашу 85,9%, былтыр (98,1%), 12,2 % кеміді.

2011-2013 жылдарға арналған СҚО құқық бұзушылықты алдын-алу аумақтық Бағдарламасын жүзеге асыру бойынша іс-шаралар жоспарына сәйкес полицияның учаскелік инспекторлары, кәмелетке жасы толмағандардың істері жөніндегі инспекторлар және жергілікті атқарушы органдарының өкілдерімен бірлескен түрде маскүнемдіктің, құқық бұзушылықтың және отбасылық-тұрмыстық қақтығыстары негізінде жасалатын қылмыстың алдын-алу бойынша, сонымен қатар жайсыз отбасыларды толығымен анықтау бойынша жұмыс жүргізілуде.

Ішкі істер бөліміне құқық тәртібі, құқық бұзушылықты алдын- алу бойынша әлі де ауқымды жұмыс жасау қажет, әсіресе аудандық орталығында.



Ішкі саяси тұрақтылықты қамтамасыз ету

Патриотизм, мораль мен парасаттылық нормалары, ұлтаралық келісім мен толеранттылық, тәндік және рухани дамуы, заңға мойынұсынушылық Елбасы Н.Назарбаевтың елімізде өткізіп жатқан саясатының маңызды қорытындылары болп табылады.

Аудан әкімдігінің қызметі Тәуелсіздік жылдарындағы жетістіктерді насихаттау негізінде ішкі саяси тұрақтылық, келісім, үкіметтің беделін нығайтуға бағытталып отыр.

Жастар саясатын жүзеге асыру аясында қоғамдық-саяси шаралар, акциялар, фестивальдер өткізілді.

Аудан жастарының «Ауылдың гүлденуі - Қазақстанның гүлденуі» акциясы бойынша жұмысы облыс деңгейінде жақсылар қатарына енді.

Еліміздің Тәуелсіздігінің 20-жылдығын дайындау және мерекелеу аясында өткізілген барлық шаралар өшпес ізін қалдырды.

Бұл жетістіктер – еңбегіміз бен мақсаттылығымыздың жемісі. Осының бәрі де жаңа жетістіктерге жетелейтініне сенімдімін.

Өзінің Жолдауында еліміздің Президенті Н.Назарбаев айтқандай: «Біз барлық күшімізді Отанымыздың игілігі үшін біріктіруге тиіспіз.

Біздің алдымызда үлкен жұмыс күтіп тұр. Барша қазақстандықтарды белгіленген барлық міндеттерге қол жеткізу жөніндегі жұмыстарға аса белсенді қатысуға шақырамын!».

Әрқайсысымыз өзінің жұмысында, қызметінде барынша пайда әкелуі тиіс. Сонда жалпы жеңісіміз баршаға аян болады.

Ауданымыздың географиялық жағынан оңтайлы орналасуы, минералдық және шикізаттық ресурстарының молшылығы, ең бастысы – еңбекті қастерлейтін, өз жерін сүйетін халқы бары, бұның бәрі де болашаққа нық сеніммен қарауға мүмкіндік береді.

***


Ауданымыздың әлеуметтік-экокомикалық жағдайының негізгі қорытындылары баяндалды. Жергілікті атқарушы органдарымен еліміздің Президенті Н.Назарбаевтың Жолдауында, «Қазақстан – 2030» Стратегиясында және де басқа да бағдарламалық құжаттарда айқындалған міндеттерді орындау бойынша жұмыс жалғастырылатын болады.


©dereksiz.org 2016
әкімшілігінің қараңыз

    Басты бет