М. Әуезов. «Абай жолы». Алматы, «Жазушы» 2004жыл, Бірінші кітап. 147-бет.
13-тапсырма. Жазушы кімді сипаттап отыр? Кейіпкерлердің аттарын атап шығыңыз.
... ат жақты келген, ұзын сопақ басының құлақтан жоғарғы жері қаз жұмыртқасындай көрінеді. Онсыз да ұзын, үлкен бетіне, ұп-ұзын боп дөңгелей біткен сақалы қосылғанда, басы мен беті бір өңірдей. Сонда ... жалғыз сау көзі, оның көтеріңкі жал-тұмсығының сол иығына шығып алып, қалғымай, сақшыдай бағып, осы өңірді қалт етпей күзетіп тұрған сияқтанады. Қоя берсін, салғырттығы жоқ сергек, қатал күзетші.
Сақал-шашы бір реңдес, қара бурыл, оқта-текте бір қарап қойғаны болмаса, тесіле қарамайды. Көзін төмендете береді. Оның пішіні – көп кездесетін, әңгімесі аз пішін сияқты.
... бұл да оншалық өзгеше емес. Түсі ақ сұр келген, өзі қоңыр сақалды, кесек мұрынды – осы отырғанның бәрінен де сұлу. Бетінде әжімі де аз. Адамды тартатын бір нәрсе – бұның бітікшелеу, кішкене келген көздері.
... қызыл жүзді, жирен сақалды. Д енесі ірі, қапсағай. Көкшіл түсті үлкен көздері - әрі салқын, әрі сыр берместей сабырлы.
М. Әуезов. «Абай жолы», Алматы, «Жазушы» 2004 жыл.Бірінші кітап. 18-19-бет.
Достарыңызбен бөлісу: |
