№9. Инфекция. Анықтамасы. Инфекция пайда болуына қолайлы жағдайлары. «Патогенділік» және «вируленттілік» түсініктеріне анықтама беріңіз. Инфекция формалары. Жіктелуі. Инфекция – қоршаған ортаның тиісті жағдайында қабылдаушы микроорганизммен оған, көбейген патогенді немесе шартты-патогенді микроорганизмнің өзара әсері.
Инфекцияның пайда болуы, дамуы 3 топ факторлармен анықталады: 1) патогенді микробтың болуы; 2) сезімтал макроорганизмнің болуы; 3) қоршаған ортаның жағдайлары.
Инфекция көздері: ауру адам немесе жануар, бактериятасымалдаушылар.
Адамдардың, жануарлардың немесе өсімдіктердің макроорганизмі үшін инфекциялық процесс қоздырғыштары патогенділік дәрежесіне қарай 3 топқа: патогенді, сапрофитті
және шартты-патогенді. Патогенділер – бұл адамдардың, жануарлар мен өсімдіктердің жұқпалы ауруларының қоздырғыштары. Сапрофиттер (патогенсіздер) – бұл
өсімдіктердің және жануарлардың өлі тіндерімен немесе олардың тіршілік ету кезіндегі өнімдерімен қоректенетін микробтар. Шартты-патогенділер – бұл макроорганизмнің
резистенттілігі күрт төмендеп, көп мөлшерде макроорганизмнің ішкі ортасына түскенде ауру туғызушылық әсер ететін микробтар.
Инфекция шығу тегі бойынша: экзогенді және эндогенді. Экзогенді инфекция – микроб сырттан келіп жұққанда пайда болады. Эндогенді инфекция – макроорганизмнің
өзінде болған микробтар және қалыпт ы микрофлораның шартты-патогенді өкілдері қоздыратын инфекция.
Патогенділік – микроорганизмдердің ауру шақыру қабілеті. Патогенділік бактериялардың биологиялық көрсеткіші ретінде олардың 3 қасиетімен көрсетіледі: инфекциондық,
инвазивтілік, токсигенділік.Инфекциондық – қоздырғыштардың организмге еніп, ауру шақыру қабілетін, сондай-ақ микробтардың патогенді қасиеттерін сақтап қалу
қабілеті. Инвазивтілік – қоздырғыштардың организмнің қорғаныш механизмдерін өтіп, көбейіп, жасушаларына еніп, онда көбею қабілеті. Токсигенділік -
микроорганизмдердің токсиндер түзіп, бөлу қасиеті.
Вируленттілік – микробтардың патогендік дәрежесін сипаттау үшін қолданылады.
