З. С. Алканова, М. С. Комаева, Г. К. Сарсекова, М. А. Тусупова педагогикалы
жүктеу/скачать 1.84 Mb. Pdf көрінісі
|
| Мұғалімнің ұстанымдары:
- өз-өзіне сенім – бұл өмірдің негізі; - педагогтың əсері саналы стратегиялық мақсатқа бағынуы тиіс; - кəсіби рефлексия, өзін-өзі тану жəне өзін-өзі дамытуға қабілеті; - балалардың өзін-өзі көрсетулерінің алуан түрлілігіне дене жəне сөз реакцияларының вариативтілігімен жауап беру қабілеті; - психологиялық-педагогикалық білімдерді меңгеруі, оқушылардың жеке ерекшеліктерін ескеру; - ақжарқындылық жəне балалармен қарым-қатынас жасаудың табиғи дарыны, жан жүрегімен қызмет етуге дайындылығы. Этикасы: - педагог өзін-өзі тануға, өзін-өзі жеңуге жəне өзін-өзін өзгертуге дайын жəне қабілетті болуы керек; 107 - баланы сөзсіз қабылдау; - баланың тұлғасын жəне өмірлік тəжірибесін құрметтеу; - өзінің іс-əрекетін құпиялыққа негіздеу; - кез келген жағдайда баланы жақтау, қорғау, өйткені баланың үлкендерге қарағанда қателесу құқығы бар; - жылы, шынайы өзара қарым-қатынастың дамуына ықпал ету; - баланың сеніміне мұқият қарау. Балалардың құпияларын сақтай алу; - балалар мен əріптестеріне мейірімді, сабырлы, шынайы бола білу; - ашық көзқараспен қарап, күлімсіреуді, мақтауды, қолдауды, жылы сөздерді, ақыл айтуды пайдалану; - баланың мəселесін шешуде басымдылық балаға берілетінін есте сақтау; - баланың мəселені ұғынып, жағдайдан шығуы үшін, лайықты жолдарды іздеуі үшін жағдайлар жасау; - баланың қайталанбас бірегейлігін мойындау, оның өзекті жəне ықтималды мүмкіншіліктерін ашуға ықпал ету; - сезімдерді көрсету мен тəрбиешінің мінез-құлқында шынайылықты, ашықтықты, адалдықты сақтау; - тыңдау жəне мəн беру, көру жəне бақылау қабілеті, бағаламай, сынамай, тек өзінің көзқарасы тұрғысынан (мұғалімнің емес) түсіне алу; - зиянын тигізбеу. Болмайды: - қайсыбір ағымға немесе бағытқа жататын белгілері бар ала-құла, ашық-шашық киімдерді киюге болмайды. Киім елеусіз, жылы түстен болуы тиіс; - сөйлесу кезінде көзіңізге қара көзəйнек кимеңіз – көздер қарым- қатынас жасауда маңызды рөл атқарады; - танысуды жылдамдатпаңыз, алғашқы кездесуде бала туралы барынша көп біліп алуға тырыспаңыз. Бірден көптеген сұрақтар қоймаңыз – алдымен өзіңіз туралы, өзіңіздің жұмысыңыз туралы əңгімелеңіз; - жасөспірімге аяушылық сезіміңізді көрсетпеңіз, бұл кемсітушілік болып көрініп, сіз бен баланың арасын алшақтатуы мүмкін; - өтірік айтпаңыз, алдамаңыз, шынайы емес мəліметтерді ешқашан хабарламаңыз. Өтірік ерте ме, кеш пе, бəрібір ашылып қалады, бұл сіздің беделіңізге нұқсан келтіріп, баламен жəне оның достарымен ара- қатынасыңызға кері əсерін тигізеді; - ешқандай «саяси ойындарды» жүргізбеңіз: біреуге қарсы ешкіммен бірікпеңіз, əрқашан бейтарап болуға тырысыңыз; - ешкімді ешқашан кінəламаңыз жəне сөкпеңіз - баланы осы қалпында қабылдаңыз. Оның көзқарастарына, мінез-құлқына, сыртқы түріне сабырлы болыңыз. Өзіңіздің пікіріңізді сабырлы жəне дəлелді айтыңыз; - баланың пікіріне немқұрайлы қарамаңыз - керісінше, ол сіздің қызығушылығыңызды, оның пікіріне деген құрметіңізді сезінуі керек; - азғыруға бой бермеңіз - ауытқушылық, азғындыру мінез-құлқының себебін түсінуге тырысыңыз; 108 - балалармен қарым-қатынаста зілденген дауыспен сөйлеспеңіз. Әрқашан ымыраға келуге тырысыңыз, қарым-қатынасты құрылымды диалогқа ауыстырыңыз. жүктеу/скачать 1.84 Mb. Достарыңызбен бөлісу:
|