1.4. Отбасы тәрбиесінің әдіснамалық негіздері, басқа ғылымдармен байланысы «Әдіснама» яғни, методология термині –бұл «әдістер жөніндегі ілім»,
«әдістер теориясы» дегенді білдіреді. Әдіснама - ғылыми таным жолдары мен
шараларының теориялық мәселелері, шығармашыл үдеріс сипатындағы
ғылыми зерттеу заңдылықтарымен айналысады. «Әдіснама» ұғымы күрделі,
көп мағыналы. Алдымен, ғылымдардың кең мағынадағы жалпы әдіснамасы
ретінде танылады. Бұл жағдайда ол барша ғылымдарға ортақ келетін ғылыми
танымның философиялық бастау бағыт-бағдарын білдіреді. Әдіснама және
әдістеме түсініктерін ажырата білген жөн. «Әдіс» тар мағынадағы сөз. Ол
көбіне ғылыми пәннің арнайы тәсілдерін аңғартады. Мысалы, педагогика
ғылымында қолданылатын әдістер – бақылау, эксперимент, сауалнама және
т.б. Ал, «әдістеме» термині педагогикалық құбылыстар мен үдерістерді
тереңірек зерттеуге арналған әдістердің әртүрлі нақты формалары мен
жолдарын білдіреді.
Отбасы тәрбиесінің әдіснамалық негіздеріне келер болсақ, отбасы
тәрбиесін зерттеу түрлі әдістердің көмегімен жүзеге асырылады, олардың
үйлесуі бала мен ата-ана туралы шынайы деректерді алуға, балаларды
отбасында тәрбиелеудің оңтайлы педагогикалық жағдайларын анықтауға
18
көмектеседі. Отбасын зерттеу қоғамның негізгі ұяшығы ретінде зерттеу түрлі
деңгейде жүзеге асырылады: теориялық және эмпирикалық[5].
