«Абай атындағы жалпы білім беретін орта мектебі» кмм
жүктеу/скачать 45.89 Kb.
|
«Абай атындағы жалпы білім беретін орта мектебі» КММТӘРБИЕ САҒАТЫ Тақырыбы: ЖОЛ ТАҢБАЛАРЫНЫҢ БЕЛГІЛЕНУІ Сабақтың мақсаты: Білім алушыларға жол таңбалары мен олардың сипаттпмалары туралы түсінік беру. Жол таңбалары — автокөліктердің және басқа да көлік құралдарының қозғалысын реттеуге көмектесетін жол бетіндегі белгілер. Бұл таңбалар жүргізушілерге апаттық жағдайды болдырмау үшін жүру бөлігінің нақты осы учаскесінде өзін қалай ұстау керектігін көрсетеді. Таңба сызықтары қозғалысты реттеудің тұрақты құралдары болып табылады. Көшедегі жолдың жүру бөлігіндегі және жолдардағы ақ, кейде сары сызықтар, бағыттаушылар, сөздер мен әріптер – қозғалысқа дұрыс бағыт алуға көмектесетін және сол арқылы жүргізушілер мен жаяу жүргіншілердің қауіпсіздігін қамтамасыз ететін жол белгілерінің сызықтары. Көшелер мен жолдардың жүру бөлігіндегі, қиылыстар мен алаңдардағы белгілеулер белгілердің жақсы көрінуін және ұзақ сақталуын қамтамасыз ететін бояумен жазылады. Жол таңбалары көлденең және тік болып бөлінеді. Көлденең таңба сызықтар бағыттаушылар, әріптер, сандар және пиктограммалар түрінде болуы мүмкін. Ұзына бойы таңбалауды жол төсемінің кез келген учаскесінде көруге болады. Ол қозғалыс жолақтарының шегарасын белгілеу үшін пайдаланылады немесе жүру бөлігінде әртүрлі бағытқа бағытталған көлік ағындарын бөлуге көмектеседі. Бойлық таңбаға көше бойының дәл ортасымен тікелей жүргізілетін сызықтар жатады. Көлік құралдарының қарама қарсы ағындарын бөлетін бұл сызықтар жолдың жүру бөлігін оң және сол жаққа бөледі. Олар тұтас және үздік болуы мүмкін. Көше (жол) бойымен жүретін тұтас немесе үзік сызықтар жүру бөлігін қозғалыс үшін жолақтарға бөледі. Бұл сызықтар көлік ағындарын қалыптастыруға көмектеседі. Жіңішке, тегіс, ақ сызық жолдың ортасына жиі жағылады. Ол қарама-қарсы бағыттағы көлік ағындарын бөледі және қауіпті жерлердегі қозғалыс жолақтарының шегарасын білдіреді. Мұндай сызықты кесіп өтуге немесе жүргізушілерге оны басып жүруге тыйым салынады. Жаяу жүргінші де бұл туралы білуі керек. Егер жаяу жүргінші жүру бөлігінен өтіп үлгермесе, ол осы жолда (жолдың ортасында орналасқан) тоқтап, жақындап келе жатқан көлікті өткізе алады. Көлік қозғалысы үшін жолда төрт және одан да көп жолақ болса, онда оның ортасында қос тұтас ақ сызық салынуы мүмкін. Бұл сызықты басуға және оны кесіп өтуге болмайды. Үзілген ақ сызықты белгілерді жүргізуші кесіп өте алады. Сондықтан жаяу жүргіншіге жолдан өту кезінде жүру бөлігіндегі сызықтарға тоқтауға тыйым салынады. Көлденең таңбалау көлік құралдарының қозғалысына перпендикуляр орналасқан, бұл жүргізушілерге аса мұқият болу, жылдамдықты азайту немесе тоқтату қажет екендігін көрсетеді. Белгілеу жаяу жүргіншілердің көшеден (жолдан) өту орындарын, көлік құралдарының жүру бөлігінің қатарларында орналасуын көрсетеді; трамвай, троллейбус пен автобустардың күту орындарын анықтайды; көлік құралдарының ағынын бағыттайды; бағдаршам және реттеушінің сигналдарымен тыйым салынған кезде олардың тоқтау орындарын көрсетеді және т.б. Кең жолда арнайы белгі мен таңбаланған «қауіпсіздік аралдары» жи кездеседі. Бағдаршамның жасыл сигналы кезінде жүру белiгiнен отуін аяқтауға үлгермеген жаяу жүргіншілер осы жерде тоқтауы және қозғалыстагы көлікті етап жіберуі тиіс. Жүргізушілерге «қауіпсіздік аралын» белгілейтін белгіні басып жүруіне қатаң тыйым салынады. Жүру бөлігінің жиектерін білдіретін сызық жиек жағынан қозғалысы қарқынды жолдарда салынады. Осы таңбалардың түріне жаяу жүргінші өткелдерінің, тоқтау сызықтары, көлік құралдарын тоқтатуға тыйым салу сызыктары және т.б. жатады. Отырғызу алаңдары тұтас сызықтармен шектеледі. Ішінде адамдар болмаса да көлік құралдарының оны басуға құқығы жоқ. Жаяу жүргінші өткелдерінің сызықтары жаяу жүргіншілерге көшеден немесе жолдан өтуге рұқсат етілетін жүру бөлігіндегі учаскені белгілеу үшін қызмет етеді. Олар қиылыстарға немесе өтуге ыңғайлы басқа жерлерге салынады. Өткелдер етудің барлық ұзындығы бойынша жүру бөлігінің бойымен тұтас сызықтар мен белгіленуі мүмкін. Олар «зебра» деп аталады. Жүру бөлігіне көлденең салынған тұтас сызық - тоқтау сызығы. Ол бағдаршамның (реттеушінің) тыйым салатын сигналы кезінде немесе «тоқтаусыз қозғалуға тыйым салынады» белгісі болған жағдайда көлік құралының тоқтау орнын көрсетеді. «Тоқтаусыз қозғалуға тыйым салынады» белгісімен ұштастырылып қолданылған тоқтау сызығына жақындағаны туралы жүргізушіге жолдың жүру бөлігінде «тоқтау» деген жазумен ескертіледі. Кейбір белгі сызықтары жүру бөлігіне сары бояумен жағылады. Мұндай сызықтар жүру бөлігінің шетіне салынады. Егер жүру бөлігінің шетіне сары түсті тұтас сызық салынса онда осы жерде көлік құрал дарына тоқтауға тыйым салынады, егер үзік сызық сары түсті болса, бұл жерде тұрақтауға тыйым салынады. Қоғамдық көліктің аялдамаларын белгілеу үшін жүру бөлігінің шетіне сары түсті сынған сызық салынады. Ол қоғамдық көлік (автобус, троллейбус) жүргізушісін жөне жаяу жүргіншіні автобусқа немесе троллейбусқа отырғызу жүзеге асырылатын аялдама бар екендігі туралы хабардар етеді. Жолдағы бағыттаушылар көлік қозғалысының ықтимал бағытын көрсетеді. Көп жолақты жолдарда бағыттамалық белгілер кейде жол белгілерімен қайталанады, себебі автокөліктердің үлкен ағыны жағдайында оны көру қиын. Пиктограммалар белгілеуде жиі қолданыла бермейді. Оның мысалы ретінде велосипед және арбамен жүретін мүгедектің бейнесін айтуға болады. Велосипед суреті жолдың жаяу жүргіншілерге немесе автокөлікке емес, велосипедшілерге арналғанын білдіреді. Мүгедектің бейнесі мүмкіндігі шектеулі адамдарға арналған турақ орындарын белгілеу үшін пайдаланылады. Тік таңба жолдарда көлденең таңбалар сияқты жиі кездесе бермейді. Көп жағдайда тік таңба жүру бөлігіне тікелей жақын орналасқан және көлік құралдары үшін жанама қауіп төндіруі мүмкін құрылыстарды белгілеу үшін пайдаланылады. Тік таңбаға жол құрылыстарын, көпір тіреулерін, қоршауларды және т.б. білдіретін сызықтар жатады. Тік таңба көлік құралдарының жүргізушілеріне талаптар қоймайды жөне жүргізушілерді ықтимал қауіп туралы хабардар ету үшін ғана қажет. Жолдағы тік таңба қауіптілікті белгілеу үшін пайдаланылады және ақ, қара жолақтардың кезектесуін білдіреді. жүктеу/скачать 45.89 Kb. Достарыңызбен бөлісу:
|