Алматы қ. 13 тамыз 2014 ж. Баспасөз баяны



Дата14.06.2016
өлшемі148.5 Kb.
Алматы қ. 13 тамыз 2014 ж.

БАСПАСӨЗ БАЯНЫ
Бүгін, 13 тамызда Алматы қаласында 2015-2025 жылдарға арналған Сыбайлас жемқорлыққа қарсы іс-қимыл жөніндегі бағдарламаның жобасын сараптамалық талқылау болды. Шараны «Нұр Отан» партиясы Қоғамдық саясат институты мен «СШИК» талдау тобы бірлесіп ұйымдастырып отыр.

Құжат мемлекет пен қоғамның сұранысына жауап бере ала ма? Ондағы ұсынылған шаралар жеткілікті ме? Қалыптасқан жағдайдан шығуға қандай баламалы шешімдер, құралдар мен технологиялар көмектесе алады? Осы және өзге сұрақтар «Нұр Отан» партиясы, партия жанындағы Қоғамдық саясат институты өкілдері, сарапшылар, саясаттанушылар, экономистер, социологтар, талдаушылар, ҮЕҰ өкілдері, кәсіпкерлер, құқыққорғаушылар, журналист-шолушылар және т.б. қатысуымен сараптамалық брейнсторминг форматында талқыланды.

Атап айтқанда талқылауға Transparency Kazakhstan қамқоршылық кеңесінің төрағасы Наталья Малярчук, «Казпотребнадзор» ҚБ бақылаушы кеңесінің төрағасы Талғат Әбдіжаппаров, саясаттанушы Марат Шибұтов және сарапшылар қоғамдастығының өзге де көптеген өкілдері қатысты.

Естеріңізге сала кетейік, жемқорлықпен күресті арттыру мақсатында «Нұр Отан» партиясы ағымдағы жылғы шілдеде 2015-2025 жылдарға арналған Сыбайлас жемқорлыққа қарсы іс-қимыл жөніндегі бағдарлама жобасымен таныстырған болатын. (http://nurotan.kz/ru/news/3928).

Оның жалғасы ретінде «Нұр Отан» партиясы тәуелсіз сараптау алаңдарында жобаны талқылауды бастама етті. Барлық ұсыныстар мен ескертулер жинақталып, қыркүйекте бекітілетін бағдарламаның соңғы нұсқасын дайындау барысында ескерілетін болады.

Сөз алған «Нұр Отан» партиясының Хатшысы Ф.Қуанғанов қазір Бағдарлама партияның бастауыш партия ұйымдары мен аймақтық филиалдардың Саяси кеңестерінде талқыланып жатқанын жеткізді. Бүгінгі күні жобаға 421 ұсыныс пен толықтыру келіп түсті. Олардың ішінде 100 ұсыныс сарапшылардан келіп түссе, 302-сі – бастауыш партия ұйымдарынан, 9-ы – Парламент депутаттарынан, 10 ұсыныс anticorruption@nurotan.kz мекенжайына келді.

«Нұр Отан» партиясы жанындағы Қоғамдық саясат институтының директоры С.Нұрбек: «Бағдарлама жемқорлыққа қарсы қозғалысқа қоғамның барлық топтарын жұмылдыруға бағытталған. Сондықтан Бағдарламаны тек мазмұны жағынан емес, стилі жағынан да партияның әрбір мүшесіне түсінікті әрі оңай етуге тырыстық», - деп атап өтті.

Шараға қатысушылар жемқорлықпен күрес институционалдық, заңнамалық, азаматтық сипаттағы ұдайы жаңа бастамалар мен жүйелік шараларды, сондай-ақ қалың бұқара – халықтың, кәсіпкерлердің, мемлекеттік және азаматтық сектордың өкілдерінің, сарапшылардың қолдауын қажет етеді деген ортақ пікірге тоқталды.

Пікірсайысқа қатысқандар жемқорлыққа қарсы бағдарлама жобасына өз ұсыныстары мен толықтыруларын енгізді. Олар құжаттың қорытынды нұсқасын дайындау барысында ескерілетін болады.


www.nurotan.kz; www.twitter.com/Nur_Otan; www.facebook.com/nurotan.kz;

http://instagram.com/nur_otan; http://www.flickr.com/people/99240259@N06/;



e-mail: press@nurotan.kz тел: +7 7172 55-55-63, +7 7172 55-55-96



Каталог: sites -> default -> files -> press files
press files -> Г. Астана 3 июля в преддверии Дня столицы состоялся торжественный прием в партию «Нұр Отан» в партию вступили более 1200 человек по всей республике Сегодня в Астане в музее Первого Президента рк состоялся традиционный торжественный прием в ряды
press files -> Астана қ-сы. 3 шілде Астана күні қарсаңында «Нұр Отан» партиясына қабылдаудың салтанаты өтті Республика бойынша 1200 адам партияға өтті
press files -> Баспасөз баяны «Жас тұлпар 2014» республикалық байқауының жеңімпаздары анықталды
press files -> Астана қ. 27 тамыз баспасөз хабарламасы
press files -> Астана қаласы 26 маусым 2014 жыл Журналистер арасындағы республикалық «Нұр Сұңқар»
press files -> Астана қ-сы, 18 маусым 2014 жыл. Баспасөз баяны журналистер арасындағы «Нұр Сұңқар» республикалық конкурсына қатысуға құжат қабылдау аяқталды
press files -> «Галактика сақшылары» 2014 жылы қазақ тіліне аударылған үшінші голливуд фильмі


Достарыңызбен бөлісу:




©dereksiz.org 2020
әкімшілігінің қараңыз

    Басты бет