«Ақтөбе облысы білім басқармасы» мм-сі бойынша мемлекеттік көрсетілетін қызметтердің сапасына ішкі бақылау қорытындысына анықтама

Тексеру барысында келесі деректер анықталды:

Барлық қажетті ақпараттар орналастырылған ақпараттық стенд рәсімделген.

Көрсетілетін мемлекеттік қызметтер тізіліміне сәйкес білім саласы бойынша жергілікті атқарушы органдармен 25 мемлекеттік қызметтер, оның ішінде қала және аудан білім бөлімдерімен 9, қосымша білім беру ұйымдарымен 1, жалпы орта білім беру ұйымдарымен 7, психологиялық-медициналық-педагогикалық кабинетімен 3, техникалық және кәсіптік білім беру ұйымдарымен 3, мектепке дейінгі білім беру ұйымдарымен 1, селолық округ әкімдерімен 1 мемлекеттік қызметтер түрлері көрсетіледі.

Заңның 16 бап 1 тармағына сәйкес, мемлекеттiк көрсетiлетiн қызмет стандарты бекiтiлгеннен кейiн күнтiзбелiк отыз күн iшiнде орталық мемлекеттiк органдар және облыстардың, республикалық маңызы бар қалалардың, астананың жергiлiктi атқарушы органдары мемлекеттiк көрсетiлетiн қызметтер регламенттерiн әзiрлейдi және бекiтеді.

Басқарма, мемлекеттік қызметтер регламенттерін әзірлейтін өкілетті орган болып есептеледі, сондықтан, тізілімге сәйкес басқармағы қатысты 25 мемлекеттік қызметтердің жұмыстары қаралды:

Бірақ, бекітілген 22 мемлекеттік қызметтер регламенттерінің тек 1-уі ғана уақытылы бекітілген. Заңның 16 бап 1 тармағы орындалмай, басқармамен 21 мемлекеттік қызметтер регламенттері уақытында бекітілмеген, яғни 4 күннен 26 күнтізбелік күнге кешіктіріліп бекітілген.

Қазақстан Республикасы Экономика және бюджеттік жоспарлау министрінің 2014ж. 12 мамырдағы № 133 «Мемлекеттік көрсетілетін қызметтердің стандарттары мен регламенттерін әзірлеу жөніндегі қағиданы бекіту туралы» Қазақстан Республикасы Экономика және бюджеттік жоспарлау министрінің 2013 жылғы 14 тамыздағы № 249 бұйрығына өзгерістер мен толықтырулар енгізу туралы» бұйрығына сәйкес, мемлекеттік қызмет көрсетудің бизнес-процесстерінің анықтамалығын бекіту бөлігінде, басқармамен 7 мемлекеттік қызметтер түрі бойынша тиісті толықтырулар енгізілмеген.

Басқармамен тек қана Ақтөбе қаласы, Алға, Ойыл, Байғанин аудандары бойынша жалпы білім беру ұйымдарына және Шалқар ауданындағы аграрлық-техникалық колледжіне, Ақтөбе автомобильді жолдар колледжіне, психологиялық-медициналық-педагогикалық кабинетіне мемлекеттік көрсетілетін қызметтердің сапасына ішкі бақылау жүргізілген.

Басқармаға қарасты мекемелермен көрсетілетін «техникалық және кәсiптік бiлiм беру туралы құжаттардың телнұсқаларын беру» мемлекеттік қызметі бойынша ағымдағы жылдың басынан бір де бір есептік ақпарат ұсынылмаған.

Заңның 23 «көрсетiлетiн қызметтi алушыларды мемлекеттiк қызметтер көрсету тәртiбi туралы хабардар ету» бабы және ҚР Көлік және коммуникация министрінің 2014 жылғы 19 ақпандағы № 137 бұйрығымен бекітілген «ақпараттық технологияларды қолдану тиімділігін бағалау әдістемесінің» 5-ші қосымшасындағы жергілікті атқарушы органдардың интернет-ресурстарында «ақпараттардың толықтығы мен өзектілігі» көрсеткіші бойынша бағалау кестесінің 1.9 пунктіне сәйкес, басқарманың интернет-ресурсында «көрсетілетін мемлекеттік қызметтер» бөлігінің бар болуы, мемлекеттік қызметтер көрсету мәселелері жөніндегі қызмет туралы есебі, көрсетілетін мемлекеттік қызметтер стандарттары мен регламенттері, мемлекеттік қызметтердің паспорттары орналастырылуы қажет, алайда басқарманың интернет-ресурсында бір де бір ақпарат орналастырылмаған.

1. 
   Мемлекеттік қызметтер көрсету мәселесіне тәлімгер ретінде басқарма басшысының орынбасары деңгейінде тағайындау.
   
2. 
   Мемлекеттік қызметтер регламенттерінің уақытылы бекітілуін және тиісті толықтырулар енгізуін қамтамасыз ету.
   
3. 
   Ақпараттық стендтерді қалыпқа келтіру.
   
4. 
   Көрсетілген мемлекеттік қызметтер саны және мемлекеттік қызметтерді алған адам саны бойынша дәл мониторинг жүргізу.
   
5. 
   Мемлекеттік қызметтердің стандарттары мен регламенттері ережелерінің сақталуына қатысты ішкі бақылау жүргізу.
   
6. 
   Ақтөбе облысы әкімі аппаратының мемлекеттік қызметтер мәселелерін үйлестіру бөліміне анық есептік ақпараттарды ұсынуды қамтамасыз ету.