Банк секторы

Банк секторы

2010 жылғы қаңтар айында Қазақстан Республикасы Қаржы нарығын және қаржы ұйымдарын реттеу мен қадағалау агенттігіне (бұдан әрі – Агенттік) жеке және заңды тұлғалардан 204 өтініш келіп түсті, оның ішінде: 166 жазбаша өтініш және ҚР электронды Үкіметі порталының блог-платформасына (бұдан әрі – блог-платформа) Агенттік Төрайымының атына келіп түскен 38 өтініш, олардың:

– 97 өтініш екінші деңгейдегі банктердің (бұдан әрі – банктер) қызметіне қатысты (жалпы санының 47,56 %), 93 қаралған өтініштің (өткен кезеңдерде келіп түскен 73 өтінішті қоса алғанда) – 4 негізделген (жалпы қаралған санының 4,30 %);

– 2 өтініш банк операцияларының жекелеген түрлерін жүзеге асыратын ұйымдардың қызметіне қатысты (жалпы санының 0,98 %), 7 қаралған өтініштің (өткен кезеңдерде келіп түскен 5 өтінішті қоса алғанда) – ешқайсысы негізді емес;

– 21 өтініш сақтандыру (қайта сақтандыру) ұйымдарының және «Сақтандыру төлемдеріне кепілдік беру қоры» АҚ-ның қызметіне қатысты (жалпы санының 10,29%), 35 қаралған өтініштің (өткен кезеңдерде келіп түскен 26 өтінішті қоса алғанда) – 4 негізделген (қаралған өтініштердің жалпы санынан 11,43 %);

– 8 өтініш бағалы қағаздар нарығы субъектілерінің қызметіне қатысты (жалпы санының 3,92 %), 4 қаралған өтініштің (өткен кезеңдерде келіп түскен 3 өтінішті қоса алғанда) – ешқайсысы негізді емес;

– 10 өтініш жинақтаушы зейнетақы қорларының (бұдан әрі – ЖЗҚ) қызметіне қатысты (жалпы санының 4,90 %), 13 қаралған өтініштің (өткен кезеңдерде келіп түскен 11 өтінішті қоса алғанда) – 2 негізделген (қаралған өтініштердің жалпы санынан 15,39 %);

– 41 Қазақстан Республикасы (бұдан әрі – ҚР) заңнамасының нормаларына түсіндірмелер беру туралы өтініштермен және ҚР заңнамасына өзгерістер мен толықтырулар енгізу жөніндегі ұсыныстармен жеке және заңды тұлғалардың сұратулары (оның ішінде қаржы ұйымдардың) (жалпы санының 20,10 %);

– 25 өтініш Агенттіктің құзырына кірмейтін мәселелер бойынша (жалпы санының 12,25 %).

Төменде 2010 жылғы қаңтар айындағы екінші деңгейдегі банктер бөлігіндегі өтініштер жайлы және өтініштердің жалпы көлеміндегі олардың үлес салмағы жөнінде мәліметтер келтірілген:

** - барлық өтініштер негізделген болып табылған жоқ

***- алдыңғы есеп беру кезеңдеріндегі мәліметтер нақтыланған

Мынадай мәселелер халық үшін өзекті болып қалуда:

- банктердің заем беру күні және өтеу күнгі теңгенің есептеу бағамының шетел валютасына қатынасы ретінде есептелінетін төлемді индексациялау коэффициентін қолдануының күшін жою;

• 
  заемдарды өтеу бойынша мерзімін ұзарту мүмкіндігін беру, ипотекалық заем бойынша сыйақы ставкасын азайту жағына қарай қарау және заем бойынша өсімпұлды алып тастау;
  
• 
  кепілге салынған мүлікті соттан тыс тәртіпте сату;
  
• 
  банктік заем бойынша ай сайынғы төлем мөлшерін есептеу және есептелген өміспұл мөлшерін тексеру өтініші;
  
• 
  үшінші тұлғаларға талап ету құқығын тапсыру.
  

Есепті кезеңде жеке және заңды тұлғалардың өтініштері мен шағымдарын қарау нәтижесі бойынша Агенттік «Хоум Кредит Банк» АҚ («Алма-Ата» ХБ» АҚ) қызметінде айыппұл санкцияларын заңсыз есептеу бөлігінде заң бұзушылықтарды белгіледі. Осыған байланысты Агенттік «Хоум Кредит Банк» АҚ-ға («Алма-Ата» ХБ» АҚ) қайта есептеуді жүзеге асыру және артық есептелген айыппұл санкцияларын қайтару талабымен хат жіберді.

Сонымен қатар, «Казкоммерцбанк» АҚ қызметіне қатысты заемды мерзімінен бұрын өтеу кезінде өтініш беруші алған заемның қамтамасыз етілуі болып табылатын жылжымайтын мүлікке құқығын белгілейтін құжаттарды қайтармау бөлігінде шағым келіп түсті. Осыған байланысты «Казкоммерцбанк» АҚ атына хат жіберілді, онда осыған ұқсас жөнсіздіктерді Агенттік қайта анықтаған жағдайда «Казкоммерцбанк» АҚ-ға заңнамада көзделген шаралардың бірін қолдану мәселесін қарастыратыны туралы ескертілген.