3. Сәуле және кесінді. Кесіндінің ұзындығын өлшеу
Кесінді деп, түзу бойында берілген екі нүкте арасында жатқан бөлікті айтады. Бұл екі нүкте кесіндінің ұштары деп аталады. «АВ кесіндісі» үшін А және В нүктелері кесіндінің ұштары болып саналады.
4. Бұрыштар
Бұрыш– бір нүктеден шыққан әр түрлі екі сәуледен құралған геометриялық фигура. Сәулелер бұрыштың қабырғалары, ал олардың ортақ нүктесі бұрыштың төбесі деп аталады.
Егер екі бұрыштың сәйкес қабырғалары мен төбелерін беттестірген кезде дәл келсе, онда мұндай бұрыштар тең (конгруэнтті) бұрыштар деп аталады.
Егер екі бұрыштың төбесі мен бір қабырғасы ортақ болып, ал қалған екі қабырғасы түзу құраса, онда мұндай бұрыштар сыбайлас бұрыштар деп аталады.
Жалпы айтқанда, төбесі мен бір қабырғасы ортақ бұрыштар іргелес (жапсарлас/смежные) бұрыштар делінеді.
Егер бір бұрыштың қабырғалары бұрыш төбесінен бастап екінші бұрыштың қабырғаларының созындылары болса, онда ондай бұрыштар вертикаль бұрыштар деп аталады.
Достарыңызбен бөлісу: | 
