Химиялық тепе – теңдікке әсер ететін факторлар. Ле-Шателье принципі
жүктеу/скачать 334.55 Kb.
|
|
Химиялық тепе – теңдікке әсер ететін факторлар. Ле-Шателье принципі. Қайтымды реакциялар өзара қарама қарсы екі бағытта да (тура,кері) жүретін реакциялар. Тура және кері реакциялардың жылдамдықтары тең болған жағдайда ТЕПЕ-ТЕҢДІК орнайды. Әрекеттесуші заттардың концентрациясы, температурасы және қысымы өзгергенде химиялық тепе-теңдіктің ығысу бағыты Ле-Шателье принципімен анықталады. Ле-Шателье принципі бойынша тепе-теңдіккке әсер етуші факторлар: 1. Концентрация. Егер реакция экзотермиялық болса, яғни жылу бөле жүрсе, әрекеттесуші заттардың концентрациясы артқан кезде, тепе-теңдік оңға ығысады. Ал керісінше, концентрациясы төмендесе тепе-теңдік солға ығысады. 2. Температура Егер реакция экзотермиялық болса, яғни жылу бөле жүрсе, әрекеттесуші заттардың температурасы артқан кезде, тепе - теңдік солға, ал төмендеген кезде, оңға ығысады. 3.Қысым (әрекеттесуші заттар газ болса) Егер реакция экзотермиялық болса, яғни жылу бөле жүрсе, әрекеттесуші заттардың қысымы артқан кезде тепе- теңдік аз көлем жаққа, ал төмендеген кезде көп көлем жаққа ығысады. Мысалға, төмендегі аммиак алу реакциясында 4 моль( 4 көлем) реагент, 2 моль (2 көлем) өнім бар. Сонда әрекеттесуші заттардың қысымын арттырсақ, тепе - теңдік оңға ығысады. Себебі, өнімде аз көлем. 4. Катализатор Катализатор тепе-теңдікке әсер етпейді. Және егер реакция эндотермиялық болса, яғни жылу сіңіре жүрсе, Ле -Шателье принципі барлық факторлар үшін керісінше қолданылады. Мысалға, экзотермиялық реакцияда концентрация артса тепе-теңдік оңға ығысатын болса, ал эндотермиялық реакцияда керісінше солға ығысады. Қалған факторлар үшін де дәл солай. 1. Берілген қайтымды реакциялардың тепе-теңдік константасының өрнегін жазыңдар: 1)H2(г)+Br2(г)→2HBr(г) 2)С2H4(г)+H2(г)→С2H6(г) 3)3O2(г)→2O3(г) 4)C(г)+H2O (г) → CO (г) + H 2 (г) 2. Берілген қайтымды реакциялардың тепе-теңдік константасының өрнегін жазыңдар: А) H2S(г) ↔ H2(г) + S(қ) В) 2SO2(г) + O2(г) ↔ 2SO3(г) С) Fe3O4(қ) + 4H2(г) ↔ 3Fe(қ) + 4H2O(г) D) 2NO2(г) ↔ 2NO(г) + O2(г) E) H2(г) + I2(г) ↔ 2HI(г) 3. Егер Н 2 + I 2 ═ 2НI реакциясындағы сутек пен йодтың бастапқы концентрациялары сәйкесінше, 0,5 моль/л және 1,5 моль/л, ал йодсутектің тепе -теңдік концентрациясы [НI] = 0,8 моль/л. Сутек пен йодтың тепе -теңдіктегі концентрациялары мен тепе -теңдік константасын есептеңдер. жүктеу/скачать 334.55 Kb. Достарыңызбен бөлісу:
|