Қызылорда облысы әкімдігінің

бекітілген

«Қызылорда облысының жастар саясаты мәселелері басқармасы» мемлекеттік мекемесінің

2013-2015 жылдарға арналған

Стратегиялық жоспарының

Мазмұны

1-бөлім.	Миссиясы және пайымы
2-бөлім.	Ағымдағы жағдайды талдау және тиісті қызмет салаларының (аяларының) даму үрдістері
3-бөлім.	Стратегиялық бағыттар, мақсаттар, міндеттер, нысаналы индикаторлар және іс-шаралар мен нәтижелер көрсеткіштері
4-бөлім.	Функционалдық мүмкіндіктерді дамыту
5-бөлім.	Ведомствоаралық іс-әрекет
6-бөлім.	Тәуекелдерді басқару
7-бөлім.	Бюджеттік бағдарламалар

1-бөлім. Миссиясы және пайымы

Миссиясы: мемлекеттік жастар саясатын тиімді жүзеге асыру, жастарды еліміздің қоғамдық-саяси және әлеуметтік-экономикалық дамуына қатыстыруға бағытталған кешенді шаралар жүргізу.

1.1-стратегиялық бағыт. Жастардың дамуы үшін қажетті жағдайлар жасау, оларды еліміздің әлеуметтік-экономикалық дамуына жұмылдыру

2012 жылы облыста 56 жастар қоғамдық бірлестігі тіркелген, оның ішінде 29 жастар бірлестігі белсенді жұмыс атқарады, оның ішінде құқықтық мәдениетті қалыптастыратын, жастарға олардың құқықтары, бостандықтары мен мүдделері бойынша әлеуметтік, ақпараттық-кеңес берушілік көмек көрсететін ұйымдар құрайды.

Мемлекеттік жастар саясаты жастардың патриоттығын және үздіксіз рухани тәрбиелеу жүйесін, адамның тууы мен дамуы үшін тұтас инфрақұрылымның қалыптасуы үшін жағдай жасауды өз алдына мақсат етіп қояды.

Статистикалық органдардың 2012 жылдың ұсынған мәліметіне сәйкес Қызылорда облысында Байқоңыр қаласы жастарын қоса есептегенде 14 пен 29 жас аралығында 205 057 азамат тіркелген, оның ішінде қала жастары - 81 519 (39,7 %), ауыл жастары - 123 538 адам (60,3 %). Қызылорда облысында жастар өңірдегі жалпы халықтың 28,7 % - ын құрайды.

Жастар ортасындағы жас азаматтардың үміттері мен қауіптерінің үрдісін бейнелейтін әлеуметтік зерттеулердің нәтижелері 2011 жылдан бастап «Қызылорда облыстық ішкі саясат басқармасы» мемлекеттік мекемесінің тапсырысы негізінде «Сыр медиа» шаруашылық жүргізу құқығындағы мемлекеттік коммуналдық кәсіпорны жанындағы ақпараттық талдау орталығы арқылы Қызылорда облысы жастарының әлеуметтік-экономикалық көңіл күйлерін зерделеу және жастар арасындағы өзекті мәселерді анықтау үшін тоқсан сайын «Қызылорда облысы жастарының әлеуметтік-экономикалық көңіл-күйлерін зерделеу және жастар арасындағы өзекті мәселелерді анықтау» тақырыбында әлеуметтік сауалнама жүргізіліп тұрады.

Жетістіктер мен қол жеткізілген табыстар. Соңғы жылдары елімізде жастармен бірге атқарылатын жұмыстар жолға қойылды – облыстық, аудандық, қалалық әкімдіктер жанында жастар ісі жөніндегі кеңестер құрылды, жаңа жастар қоғамдық бірлестіктері тіркелуде, облыс аудандарын қоса, әлеуметтік қызметтер жұмыс атқаруда. Жыл сайынғы өткізілетін жастар форумдары, патриоттық марштар, фестивальдер, кәсіби конкурстар дәстүрге айналды, жастарды әлеуметтік қолдаудың әр түрлі формалары енгізілуде.

Қаржыландыру. 2003 жылмен салыстырғанда қазіргі таңда қаржыландыру үш есе көбейді. 2007 жылы жастар саясатын жүзеге асыруға 8,9 миллион теңге бөлінсе, 2008 жылы – 13,5 миллион теңге, 2009 жылы – 13,5 миллион теңге, 2010 жылы – 14,6 миллион теңге, 2011 жылы - 19,1 миллион теңге, 2012 жылы - 27 миллион тенге қаралды.

Жыл басынан бері «Жастар саясаты саласындағы өңірлік бағдарламаларды жүзеге асыру» бағдарламасы бойынша 4 ауқымды шара, 2 әлеуметтік жоба және 9 әлеуметтік қызмет жүзеге асырылуда.

Сонымен қатар, жастар бастамаларын қолдау мақсатында бюджеттік емес көздерден қаржыландыру қарастырылған.

Облыс әкімдігі, «Қызылорда жастары» заңды тұлғалар Қауымдастығы және «Игілік» корпоративтік қоры арасында Меморандумға қол қою арқылы жүйелі жұмыстар жүргізілуде. Аталмыш меморандум аясында 2012 жылы облыс жастар қоғамдық бірлестіктерімен ұсынылған 3 жоба қолдау тауып, жүзеге асырылу көзделуде.

Мұнан өзге, жастар саясатын қалалық, аудандық деңгейде жүзеге асыру мақсатында 2012 жылы қалалық, аудандық бюджеттерден 19 миллион 130 мың теңге бөлініп, әлеуметтік қызметтер ұйымдастырылып, жұмыстар атқарылуда.

Сондай-ақ, қоғамдық көлікте жеңілдікпен қатынау үшін тұрмысы төмен отбасылардан шыққан күндізгі оқу орнында оқитын студенттерге қолдау көрсету 2012 жылы да жалғасын тауып, облыстық бюджеттен 3482 жасқа 59 миллион 800 мың теңге бөлінді.

1.2) негізгі проблемаларды талдау

2012 жылғы желтоқсан айында жүргізілген нәтижесі бойынша жастар арасындағы өзекті мәселелердің ішінде жұмыссыздық мәселесі алдыңғы қатарда тұр. Аталған мәселені шешу мақсатында «Жасыл ел» еңбек, құрылыс, педагогикалық жасақтарының қызметі ұйымдастырылып келеді. 2005 жылдан 5000-ға жуық жастар жазғы кезеңде «Жасыл ел» жасақтарында қызмет атқарды.

Жастардың бос уақытының дұрыс ұйымдастырылмауы және бос уақытының тиімді пайдаланылмауы себептерінен жастар мен жасөспірімдер арасында құқық бұзушылық пен қылмыстылық орын алады. Осыған орай, аталған мәселені шешу мақсатында тұрғылықты жерлері бойынша аула клубтары желісін дамыту қажет. Қазіргі таңда облыс көлемінде 94 аула клубы қызмет атқаруда.

1.3) сыртқы және ішкі негізгі факторларды бағалау

2.1) реттелетін саланы немесе қызмет аясын дамытудың негізгі параметрлері

Желтоқсан айында жүргізілген әлеуметтік зерттеу нәтижесі бойынша қатысушылардың 56 пайызы «Облыс, қала, аудан басшылығы жастар мәселесіне жеткілікті деңгейде көңіл аударуда» деп жауап берсе, 86 пайызы өздерін патриот деп санайтындықтарын көрсетті. Жалпы тұрғындарға қарағанда жастардың өздерінің қазіргі сәттегі жағдайларына оптимистік тұрғыда қарауы айқын байқалады.

Осы кезеңде дене шынықтырумен және спортпен шұғылданушылар саны тұрақты өсті. Мемлекеттік бағдарламаны іске асырудың басында 2007 жылы спортпен шұғылданушылар саны облыс тұрғындарының 7,2% құраса, 2011 жылы 20,9% құраған. Оның ішінде 297- жалпы білім беретін мектептерде 59735 оқушы, 14- кәсіптік лицейде 2608 оқушы, 20 - орта оқу орындарында 5759 студент, 5 – Жоғарғы оқу орындарында 2348 студент жастары, 8 - жасөспірімдер клубында 1859 жасөспірім, 19- сауықтыру клубында 3093 адам, 2 – кәсіпқой спорт клубында 161 спортшы, барлығы 75563 жастар спортпен шұғылданады.

Қазіргі таңда, жастардың қатысуымен облыста өткізілетін бұқаралық-спорттық және дене шынықтыру сауықтыру іс-шараларының саны артып келеді, 2010 жылы 1394 іс-шараға 410528 адам қатысса, 2011 жылы 1440 іс-шараға 419200 адам қатысқан.

283 білім беру мектептерінде 3 сағаттық дене шынықтыру сабақтары енгізілген, бұл мектептердің 97,2%-ын құрайды.

Жастар денсаулығын қорғау, олардың толық жағдайда медициналық және психо-әлеуметтік көмек алуын қамтамасыз ету, жастардың денсаулығын қорғау жөнінде өңірлік салауатты өмір салтын қалыптастыру орталықтары жанында немесе қалалық емханаларда арнайы «жастар денсаулығы орталығын» ашу келелі мәселелердің бірі болып келгендігі жасырын емес. 2012 жылы, облыс әкімінің қолдауымен қаламыздағы №3 емхана жанынан «Шапағат» жастар денсаулығы» орталықтары ашылды.

2.2.) негізгі проблемаларды талдау

Алайда, жастардың патриоттық көзқарастарына діни экстермизм, терроризмнің әсері, батыс мәдениетіне еліктеуі өз әсерін тигізіп отыр. Сонымен қатар, жастар арасында ортақ идеологияның жоқтығы жастардың әртүрлі топтарға бөлінуіне әкеліп отыр.

Осыған орай, жастарды отансүйгіштікке тәрбиелеу және азаматтық белсенділігін арттыру бойынша жұмысты жалғастыру қажет. Сонымен қатар, әскери спорттық клубтардың жұмысын ұйымдастыру, патриоттық клубтардың жұмысын күшейту, патриоттық акция, шеру, әскери бөлімдер мен мұражайларға экскурсия ұйымдастыру бойынша жұмыстар атқарылатын болады.

Жастар арасында өзіне-өзі қол жұмсау жағдайларын және суицидалды мінез-құлықтың алдын алу мәселелері бойынша медико-психологиялық көмек көрсету қызметтері мен кабинеттерін ұйымдастыру арқылы профилактикалық жұмыстарды күшейту - уақыт сұранысы. Оның ішінде жастарға денсаулық және анонимдік кеңестер беру, сенім телефондарының жұмысын жетілдірудің маңызы зор.

Тағы бір айта кетерлігі – жастардың арасындағы зиянды әдеттерге әуестену. Нашақорлық пен арақ құмарлық та күрделі мәселелер қатарында тұр. Салауатты өмір салтын ерте бастан ұстану қажеттігі болса, оның бір парасы – салауатты да дұрыс тамақтана білу. Қазіргі уақытта жастарымыздың көбісі, дайын өнімдер мен жартылай дайындалған өнімдерге әуестеніп алды. Олардың барлығы асқазан және ішкі аурулар, қан аздық, иод жетіспеушілігі салдарынан болатын көптеген аурулардың ошағына айналады.

2.3) сыртқы және ішкі негізгі факторларды бағалау

Сыртқы фактор. Әлеуметтік желілерден берілетін ақпараттың және жарнамалардың әсері, түрлі діни ағымдардың әсері, жаһандану процесінің қарқыны.

Ішкі фактор. Әлеуметтік қызметтердің жұмысының толық деңгейде ұйымдастырылмауы, жастар арасында түсіндірмелік шаралар барысында жастардың кең көлемде қамтылмауы, тәрбиелік жұмыстың ұйымдастырылмауы, дер кезінде мониторинг жүргізілмеу.
3-бөлім. Стратегиялық бағыттар, мақсаттар, міндеттер, нысаналы индикаторлар және іс-шаралар мен нәтижелер көрсеткіштері

3.1. Стратегиялық бағыттар, мақсаттар, міндеттер, нысаналы индикаторлар және іс-шаралар мен нәтижелер көрсеткіштері

1-стратегиялық бағыт. Жастардың дамуы үшін қажетті жағдайлар жасау, оларды еліміздің әлеуметтік-экономикалық дамуына жұмылдыру

1-мақсат. Жастардың мемлекеттік кепілдіктері мен әлеуметтік құқықтарының жүзеге асырылуын қамтамасыз ету

Аталған мақсатқа қол жеткізуге бағытталған бюджеттік бағдарлама коды (283)

Нысаналы индикаторлар; (қол жеткізудің түпкілікті мерзімін (кезеңін) көрсету	Ақпарат көзі	өлшем бірлігі	оның ішінде аралық мәнді көрсете отырып
			есепті кезеңде		жоспарлы кезеңде
			2010 жыл	2011 жыл	2012 жыл	2013 жыл	2014 жыл	2015 жыл	2016 жыл
1	2	3	4	5	6	7	8	9	10
1. 14 - 29 жас аралығындағы тұрғындардың мемлекеттік жастар саясатына қатысты қанағаттанарлық деңгейі	әлеуметтік зерттеулер	%	65	70	70	70	71	72	72
2. әлеуметтік маңызы бар жобаларды іске асыруға қатысатын республикалық жастар ұйымдарының саны	есеп	%	-	-	-	20	30	30	30
3.жергілікті деңгейде мемлекеттік жастар саясатын жүзеге асыруға қатысушы жастар ұйымының үлесі	өңірлік жастар саясатын жүзеге асыру бойынша есеп	%	50	52	53	54	55	56	56
4. жастарға арналған әлеуметтік қызметтер желісі (жастар ұйымдарын қолдайтын және дамытатын ресурстық орталықтары)	өңірлік жастар саясатын жүзеге асыру бойынша есеп	саны	8	9	7	7	7	7	7
5. жастарға арналған әлеуметтік қызметтерге тартылған жастар саны	қызмет көрсетілген жастар саны	адам саны	34 000	36 000	28 000	28 000	28 000	28 000	28 000
6. жастарының әлеуетін арттыру деңгейі	әлеуметтік зерттеулер	%	45	50	55	55	56	57	57
7. жастар арасындағы жұмыссыздық деңгейі	статистикалық мәлімет	%	6,5	6,7	6,9	6,8	6,7	6,6	6,6

Нысаналы индикаторға қол жеткізу жолдары, тәсілдері мен әдістері:

1.1.1-міндет Жастарды мемлекеттік қолдаумен қамтамасыз ету

2.2-стратегиялық бағыт. Жастардың азаматтық белсенділігін, қазақстандық патриотизм, рухани, кәсіби және интеллектуалды дамуы деңгейін көтеру

2.1-мақсат. Жастардың белсенді азаматтық ұстанымын, отансүйгіштік сезімін, жоғары руханилығын және көшбасшылық қасиеттерін қалыптастыру

Аталған мақсатқа қол жеткізуге бағытталған бюджеттік бағдарлама коды (283)

2.1.2-міндет. Жастар арасында салауатты өмір салтын қалыптастыру, денсаулығын нығайту

2.1.3-міндет. Жастарды белсенді түрде жастар ұйымдары қызметтеріне тарту

3.2. Мемлекеттік органның стратегиялық бағыттары мен мақсаттарының мемлекеттің стратегиялық мақсаттарына сәйкестігі

4-бөлім. Функционалдық мүмкіндіктерді дамыту