Кунакбаев Әхмәтбаҡый Хәйрулла улы
жүктеу/скачать 12.04 Kb.
|
| Кунакбаев Әхмәтбаҡый Хәйрулла улы
1916 йылда Кейекбай ауылында тыуған. Иртә атайһыҙ ҡалыу сәбәпле, бала саҡтан уҡ эшләргә тура килә. Йүкә һыҙыралар,арҡан ишәләр, сабата үрәләр. Шулай ҙа 4 синыфты уҡып бөтә. Артабан уҡый алмай. 1939 йылда армияға алына. Шул китеүҙән 7 йыл ауылға ҡайта алмай. 1946 йылдың көҙөнә генә әйләнеп ҡайта. Бөйөк Ватан һуғышын артиллерия элемтәсеһе булып башлай. 3 тапҡыр яралана, контузия ала. Кисловодск, Новороссийск ҡалаларында хәрби госпиталдә дауалана.Ҡамауҙа ҡалып 9 ай Фашист ҡоллоғонда тотҡонда була. Ул ваҡытта пленга эләккән кешегә яза ҡаты – штраф ротаһы. Ике тапҡыр штраф ротаһында һуғышып та ,тере ҡала, артабан аҡлана.Һуғыш бөткәс тә ҡайта алмай. 1946 йылда октябрь айында ғына кайтырға насип була. Ҡайтҡас та Яңы тормош колхозы председателе итеп ҡуялар.”За победу над Германией”, !!! дәрәжә Ватан һуғышы ордендары менән бүләкләнә. Һуғыштан һуңғы йылдар бик ауыр була. Аңһыҙ кешеләрҙең “һин пленник” тигән һүҙҙәрен ишетеү икеләтә ауыр . 1954 йылда өйләнә. Ҡатыны Сөләймәнова Хәмдениса Хөсәйен ҡыҙы менән 6 бала тәрбиәләп үҫтерәләр. 1996 йылда 5 декабрендә 80 йәшендә ҡаты ауырыуҙан һуң вафат була. Кейекбай ауылы халҡы һуңғы ветеран менән хушлашты. Әхмәтбаҡый Хәйрулла улының ҡәберенә мәрмәр таҡтаташ ҡуйылды. жүктеу/скачать 12.04 Kb. Достарыңызбен бөлісу:
|