Облыстық бюджеттердiң мал шаруашылығы өнiмдерiнiң өнiмдiлiгiн және сапасын арттыруды субсидиялауға 2012 жылғы республикалық бюджеттен берiлетiн ағымдағы нысаналы трансферттердi пайдалану қағидалары

 Үкiметiнiң

бекiтiлген

1. 
   Жалпы ережелер
   

1. Осы Облыстық бюджеттердiң мал шаруашылығы өнiмдерiнiң өнiмдiлiгiн және сапасын арттыруды субсидиялауға 2012 жылғы республикалық бюджеттен берiлетiн ағымдағы нысаналы трансферттердi пайдалану қағидалары (бұдан әрi – Қағидалар) 088 «Облыстық бюджеттерге, Астана және Алматы қалаларының бюджеттерiне мал шаруашылығы өнiмдерiнiң өнiмдiлiгiн және сапасын арттыруды субсидиялауға берiлетiн ағымдағы нысаналы трансферттер» бюджеттiк бағдарламасы бойынша

2. Бюджеттiк субсидиялар тауар өндiрушiлерге:

1) сиыр етiн, шошқа етiн, бройлерлiк құс етi мен күрке тауық етiн (бұдан әрi - құс етi), жұмыртқалағыш кроссты тауық жұмыртқасын (бұдан әрi - тағамдық жұмыртқа) өндiру үшiн пайдаланылатын құрама жемнiң және (немесе) маңыздандырылған азықтың (бұдан әрi - маңыздандырылған азық) құнын iшiнара (45%-ға дейiн) арзандатуға, сондай-ақ сүт, биязы қой жүнi (бұдан әрi - биязы жүн), қой етi, жылқы етi, қымыз және шұбат өндiрiсiне жұмсалатын шығындарды iшiнара өтеуге арналады. Бұл ретте субсидиялар тауар өндiрушiлерге сиыр етінің, шошқа етінiң, құс етінің, сүттің, қой етiнің, жылқы етiнің, биязы жүннiң, қымыздың және шұбаттың есептік нөмірлері бар қайта өңдеу кәсiпорындарына (цехтарына) (бұдан әрi - қайта өңдеу кәсiпорындары), сою алаңдарына (пункттерiне) немесе қайта өңдеу кәсiпорындарының қызметiн пайдалану шартымен еркiн нарықта, ал тағамдық жұмыртқаның – облыстардың жергiлiктi атқарушы органдары бекiткен квоталар шегiнде еркiн нарықта сатылған iс жүзiндегi көлемiне төленедi;

2) iрi қара малдың аналық басын (бұдан әрi - сиырларды) азықтандыру үшiн пайдаланылатын шырынды және кесек азықтың (бұдан әрi - азықтың) құнын iшiнара (50%-ға дейiн) арзандатуға арналады.

3. Тауар өндiрушiлерге қойылатын өлшемдер осы Қағидаларға
1-қосымшаға сәйкес белгiленедi. Субсидиялау бағдарламасына қатысушылар арасында квоталарды айқындау тұқым мен өнiмдiлiк бағытына байланысты өнiм шығуының зоотехникалық нормаларын есепке ала отырып, бюджеттiк бағдарламаны iске асыруға облысқа жеткiзiлген қаражат шеңберiнде жүзеге асырылады. Асыл тұқымды емес мал үшiн негiз ретiнде өнiмдiлiктiң орташа аудандық статистикалық көрсеткiшi алынады.

4. Субсидияланатын мал шаруашылығы өнiмiнiң 1 (бiр) килограмына,

5. Субсидиялауға мыналар жатпайды:

1) осы Қағидаларға 1-қосымшамен белгiленген өлшемдерге сәйкес келмейтiн тауар өндiрушiлер өндiрген сиыр етi, шошқа етi, биязы жүн, қой етi, жылқы етi, қымыз, шұбат, құс етi, тағамдық жұмыртқа және сүт (бұдан әрi – өнiм);

2) тауар өндiрушiлер одан әрi қайта сату және (немесе) қайта өңдеу үшiн басқа да жеке және (немесе) заңды тұлғалардан сатып алған өнiм;

3) өзара есеп айырысу есебiне, сондай-ақ аффилирленген қайта өңдеу құрылымдарына қайта өңдеуге берудi немесе сатуды қоспағанда, аффилирленген құрылымдарға тауар өндiрушiлер айырбас бойынша сатқан өнiм;

4) жеке аулада сойылған сиыр етi, шошқа етi, қой етi, жылқы етi, сондай-ақ қайта өңдеу кәсiпорындарында бастапқы қайта өңдеуден өтпеген сүт, қымыз және шұбат;

5) жануарларды мәжбүрлi санитариялық сою нәтижесiнде, сондай-ақ аса жұқпалы аурулар бойынша карантиндiк және шектеу iс-шараларының әрекет ету кезеңiнде тауар өндiрушiлер алған өнiм;

6) етті құс шаруашылығы өнімдері – аяқтары, бастары, сондай-ақ бөтеге мен бауырдан басқа ішкі органдары;

7) жұмыртқа ұнтағын өндіру үшін сатылған және (немесе) берілген тағамдық жұмыртқа;

8) тауар өндiрушiлер бордақылауда тұрған сиырларды азықтандыру үшiн пайдаланатын азық.

6. Қазақстан Республикасы Ауыл шаруашылығы министрлiгiнiң (бұдан әрi – Министрлiк) ұсынымдары негізінде облыс әкiмiнiң шешiмiмен мынадай құжаттар бекiтiледi:

1) субсидиялар алуға өтiнiмдер нысаны;

2) аудан бойынша мал шаруашылығы өнiмiн сату, сондай-ақ сиыр саны туралы жиынтық актiнiң нысаны;

3) субсидиялау бағдарламасына қатысушылар арасында квоталар мен бюджеттiк субсидиялар мөлшерiн бөлудiң жиынтық тiзiмiнiң нысаны;

4) мал шаруашылығы өнiмiнiң сатылған көлемi, сондай-ақ сиыр саны мен субсидиялар төлеу туралы облыс бойынша жиынтық ведомость нысаны;

5) облыс бойынша қаражатты игеру жөнiндегі есеп (ақпарат) нысаны;

6) мал шаруашылығы өнiмiн сату көлемi жөнiндегі есеп (ақпарат) нысаны.

7. Ағымдағы қаржы жылына арналған республикалық бюджетті іске асыру туралы Қазақстан Республикасы Үкіметінің қаулысына сәйкес субсидиялау бағыттары бойынша мал шаруашылығы өнiмдерiнiң өнiмдiлiгiн және сапасын арттыруды субсидиялауға республикалық бюджетте көзделген қаражатты бөлу Қазақстан Республикасы Ауыл шаруашылығы министрiнiң бұйрығымен айқындалады.

8. Министрлiк мал шаруашылығы өнiмдерiнiң өнiмдiлiгiн және сапасын арттыруды субсидиялауға берiлетiн ағымдағы нысаналы трансферттердi облыс әкiмi мен Қазақстан Республикасының Ауыл шаруашылығы министрi арасында қол қойылған Ағымдағы нысаналы трансферттер бойынша нәтижелер туралы келiсiм шеңберiнде төлемдер бойынша жеке қаржыландыру жоспарына сәйкес облыстық бюджеттерге аударады.
2. Тауар өндірушілердің субсидия алуға өтініштерін қарау тәртібі
9. Тиiстi ауданның ауыл шаруашылығы бөлiмi (бұдан әрi – бөлiм) осы Қағидалар ресми жарияланғанынан кейін жеті жұмыс күн ішінде субсидиялау бағдарламасына қатысуға арналған өтінімдер қабылдаудың басталғаны туралы хабарландыруды аудан әкімдігінің интернет-ресурсына орналастырады.

Субсидиялау бағдарламасына қатысуға өтінімдерді қабылдау мерзімі хабарландыру орналастырылған күннен бастап кемінде күнтізбелік 30 күн болып айқындалады.

10. Тауар өндiрушiлер бөлiмге белгiленген нысан бойынша бюджеттiк субсидиялар алуға арналған өтiнiмдер ұсынады.

11. Бөлiм өтiнiмдердi алған сәттен бастап жетi жұмыс күнi iшiнде тауар өндiрушiлердiң осы Қағидаларда белгіленген өлшемдерге сәйкестiгiн тексередi.

Тауар өндірушілердің осы Қағидаларда белгіленген өлшемдерге сәйкес келмеуі, бюджеттік субсидиялардың бөлінбеген қалдығының болмауы және (немесе) өтінімдерді белгіленген мерзімнен кеш ұсыну осы факторлар анықталған сәттен бастап субсидиялау бағдарламасына қатысуға рұқсат бермеу үшін негіздеме болып табылады. Мұндай жағдайларда бөлім осы фактілер анықталған сәттен бастап үш жұмыс күні ішінде өтiнiмдердi қабылдамаудың себептерiн жазбаша түрінде көрсете отырып, өтінімдерді тауар өндiрушiлерге қайтарады.

Бөлiм өтінімдерді қабылдау мерзімі аяқталған сәттен бастап 10 жұмыс күні ішінде аудан бойынша субсидиялау бағыттары бойынша субсидиялар алушылардың жиынтық тізімін жасайды және оны тиісті аудан әкімі бекітеді.

12. Бөлiм бекітілген жиынтық тiзiмдi тауар өндiрушiлердiң өтiнiмдерiмен бiрге облыс әкiмiнiң ауыл шаруашылығы мәселелерiне жетекшілік ететін орынбасары төрағалық ететiн облыс әкiмiнiң шешiмiмен құрылатын облыстық комиссияның (бұдан әрi – комиссия) қарауына жiбередi. Облыстың ауыл шаруашылығы басқармасы (бұдан әрi – басқарма) комиссияның жұмыс органы болып табылады.

Комиссияның құрамына басқарманың, Қазақстан Республикасы Ауыл шаруашылығы министрлiгінiң Агроөнеркәсіп кешеніндегі мемлекеттiк инспекция комитетi аумақтық инспекциясының мамандары, сондай-ақ қоғамдық ұйымдардың өкiлдерi кiредi.

13. Комиссия:

1) бес жұмыс күнi iшiнде бөлiмдер ұсынған өтiнiмдердi осы Қағидаларда белгiленген талаптарға сәйкестiгі тұрғысынан қарайды;

2) тауар өндiрушiлердiң өтiнiмдерiн қарау қорытындысы бойынша:

тауар өндiрушiлердiң жиынтық тiзiмiн, субсидияланатын мал шаруашылығы өнiмдерiн сатудың жоспарланған көлемiне квоталарды және бюджеттiк субсидиялар мөлшерiн субсидиялау бағдарламасына қатысушылардың арасында бөлудi;

тауар өндiрушiлердiң жиынтық тiзiмiн, азық бағасын арзандатуға бюджеттiк субсидия алуға арналған квоталарды субсидиялау бағдарламасына қатысушылар арасында бөлудi жасайды.

14. Тауар өндiрушiлер өтiнiм бiлдiрген бюджеттiк субсидиялардың талап етілетін көлемi бюджеттiк субсидиялар көлемiнен асып түскен жағдайда, комиссия неғұрлым жоғары деңгейге жатқызылған тауар өндiрушiлердiң өтiнiмдерiн басым тәртіппен қанағаттандырады, қаражаттың қалдығы берілген өтінімдерге сәйкес тең бөлінеді.

Бюджеттiк субсидиялар көлемi тауар өндiрушiлер өтiнiм бiлдiрген бюджеттiк субсидиялардың талап етілетін көлемінен асып түскен жағдайда, басқарма бос қаражаттың бар екендігі туралы ақпаратты бөлiмдерге жеткізеді. Көрсетілген ақпарат бөлiмдер үшін осы Қағидаларда белгіленген тәртіппен субсидиялау бағдарламасына қатысуға арналған өтінімдерді қайта қабылдауды хабарлау үшін негіз болып табылады.

15. Комиссияның ұсынуы бойынша облыс әкімі:

субсидияланатын мал шаруашылығы өнiмiнiң көлемiн өндiруге квоталар мен тауар өндiрушiлер арасында субсидиялар мөлшерiн бөлудiң жиынтық тiзiмiн;

тауар өндiрушiлердің жиынтық тізімін, арзандатылған азыққа бюджеттік субсидиялар алуға квоталарды бағдарламаға қатысушылар арасында бөлуді комиссияның ұсынуы бойынша облыс әкімі бекітеді.

Бекiтiлгеннен кейiн басқарма тізімдерді Министрлiкке және тиiстi бөлiмдерге бiр-бiр данадан жiбередi.


3. Тауар өндірушілердің субсидия алу тәртібі
16. Сиыр етi, шошқа етi, қой етi, жылқы етi, сүт, биязы жүн бойынша бюджеттiк субсидиялар алу үшiн тiзiмге енгiзiлген тауар өндiрушiлер өнiмнiң сатылуына қарай, ай сайын (желтоқсанда – 2012 жылғы 20 желтоқсаннан кешiктiрмей) бөлiмге мынадай құжаттарды ұсынады:

1) өнiмдi қайта өңдеу кәсiпорындарына сатқан жағдайда:

өнiмнің сатылғанын растайтын құжаттардың көшiрмелері (шарт, шот-фактура), сондай-ақ сатып алушылардан төлем құжаттарының көшірмелері (бұдан әрi – төлем құжаттары);

сиыр етiн сатқан кезде Қазақстан Республикасының бiрыңғай бiрдейлендiру дерекқорынан сатылған (сойылған) малдардың тiркеуден шығарылғаны туралы үзiндi көшiрме;

2) өнiмдi дербес сатқан жағдайда:

өнiмнің сатылғанын растайтын құжаттардың көшiрмелері (шарт, шот-фактура), ал құс еті және тағамдық жұмыртқа бойынша төлем құжаттарының тізілімі;

өнiмдi бастапқы қайта өңдеу бойынша көрсетiлген қызметтер үшiн (өнiмдi өзiнiң қайта өңдеу кәсiпорындарына немесе цехтарына тапсыру жағдайларын қоспағанда) төлем құжатының көшiрмесi;

сиыр етiн сатқан кезде Қазақстан Республикасының бiрыңғай бiрдейлендiру дерекқорынан сатылған (сойылған) малдардың тiркеуден шығарылғаны туралы үзiндi көшiрме;

3) өнiмдi өзiнiң қайта өңдеу кәсiпорындарына немесе цехына берген жағдайда:

өнiмге арналған жүкқұжаттың көшірмесі;

өнiмді сатуға арналған тауар-көлiктiк жүкқұжаттардың тiзiмi;

сиыр етiн сатқан кезде, Қазақстан Республикасының бiрыңғай бiрдейлендiру деректер қорынан сатылған (сойылған) малдардың тiркеуден шығарылғаны туралы үзiндi көшiрме.

17. Азық құнын арзандатуға бюджеттiк субсидия алу үшiн тiзiмге енгiзiлген тауар өндiрушiлер бөлiмге мынадай құжаттарды ұсынады:

1) мал шаруашылығымен айналысатын шаруашылық жүргiзушi субъектiнiң селекциялық және асылдандыру жұмысына қатысқанын растайтын селекциялық және асылдандыру жұмысының бiрыңғай ақпараттық базасынан деректердiң үзiндi көшiрмесi;

2) заңды тұлғалар нысанындағы ауыл шаруашылығы тауарларын өндiрушiлер үшiн есептің көшірмесі немесе 24-аш статистикалық есептiлiк нысанынан, ал шаруа (фермер) қожалықтары үшiн сиыр бас санының болуын растайтын шаруашылық кiтабынан үзiндi көшiрме.

18. Бөлiм ай сайын, құжаттардың түсуiне қарай (желтоқсанда – 2012 жылғы 20 желтоқсаннан кешiктiрмей) тауар өндірушілердің ұсынған құжаттарын тексередi. Олар осы Қағидаларда белгiленген талаптарға сәйкес келген жағдайда, аудан бойынша бюджеттiк субсидияларды алушылардың жиынтық актiсiн жасайды, аудан әкімі бекіткеннен кейін басқармаға жіберіледі. Басқарма бөлімдер ұсынған субсидиялар алушылардың жиынтық актілері негізінде осы Қағидалардың 3-қосымшасына сәйкес нысан бойынша облыс бойынша бiрiктiрiлген жиынтық ведомость пен төлеуге берiлетiн шоттар қалыптастырады.

19. Ұсынылған құжаттар осы Қағидаларда белгiленген талаптарға сәйкес келмеген жағдайда бөлiм өтінімдер тіркелген күннен бастап үш жұмыс күнi iшiнде оларды керi қайтару себептерiн көрсете отырып, өтiнiш берушiлерге қайтарады.

20. Тауар өндiрушiлердiң банктiк шоттарына тиесiлi бюджеттiк субсидияларды аударуды басқарма төлемдер бойынша жеке қаржыландыру жоспарына сәйкес аумақтық қазынашылық бөлiмшесiне төлеуге берiлетiн шоттардың екі данасымен қоса төлеуге берiлетiн шоттардың тiзiлiмiн ұсыну жолымен жүзеге асырады.

21. Қандай да бiр облыс бөлiнген қаражатты толығымен игермеген жағдайда Министрлiк Қазақстан Республикасының заңнамасында белгiленген тәртiппен 2012 жылға арналған бюджеттiк бағдарламаны iске асыруға республикалық бюджетте көзделген қаражат шегiнде облыстар бойынша бюджеттiк субсидияларды төлеуге арналған қаражатты қайта бөлу туралы Қазақстан Республикасының Үкiметiне ұсыныс енгiзедi.

22. Басқарма Министрлiкке ай сайын, есептi айдан кейiнгi айдың 5-күнiне дейiнгi мерзiмде, бiрақ 2012 жылғы 30 желтоқсаннан кешiктiрмей бекiтiлген нысандар бойынша бюджеттiк бағдарламаның iске асырылу барысы туралы есептi ұсынады.

______________

Облыстық бюджеттердiң мал

* Малдың (союға өткiзiлетiн) тiрiдей салмағы тауар өндiрушi қызметтерiн пайдаланған (малды сою жөнiндегi), есептік алу нөмiрi (коды) бар мал шаруашылығы өнiмдерi сатылған қайта өңдеу кәсіпорны немесе есептік нөмірі бар сою цехы берген анықтамамен расталуға тиiс.

** Сүт өндiрiсiмен айналысатын тауар өндiрушiлер селекциялық және асылдандыру жұмыстарының бiрыңғай ақпараттық базасына тiркелуге тиiс.

*** Жүннiң сапасы жүн сапасын бағалау жөнiндегi зертхана берген анықтамамен расталады.

***** Құс фабрикалары үшiн тауарлық жұмыртқа сатудың жоспарланған көлемiне квотаны жеткiзген кезде республика бойынша орташа жылдық жұмыртқалауды негiз ретiнде алу керек (1 жұмыртқалағыш тауыққа
280 данадан артық емес).

______________

Облыстық бюджеттердiң мал

шаруашылығы өнiмдерiнiң өнiмдiлiгiн

және сапасын арттыруды субсидиялауға

2012 жылғы республикалық бюджеттен берiлетiн ағымдағы нысаналы трансферттердi

Мал шаруашылығы бөлімінің бастығы (жауапты тұлға) __________________________ (Т.А.Ә., қолы)

Бухгалтер (жауапты тұлға) __________________________ (Т.А.Ә., қолы)

_____________________