Қостанай облысының 2014-2018 жылдарға арналғАН

Бюджеттік саясат барлық алынған міндеттемелерді, бірінші кезекте әлеуметтік міндеттемелерді, сондай-ақ облыс тұрғындарын жұмыспен қамтамасыз етуді қоса алғанда, әлеуметтік қолдауға жанама әсер ететін іс-шараларды толық және уақытында жүзеге асыру үшін қаржы ресурстарын жұмылдыруға және шоғырландыруға бағытталатын болады.

Осылайша орта мерзімді перспективада бюджеттің әлеуметтік бағытталуы сақталатын болады және шығыстарды жоспарлау барысында негізгі басымдық облыс азаматтарының әл-ауқаты, атап айтқанда оларды әлеуметтік қолдау, денсаулықтары және білімдері, сондай-ақ экономиканың дағдарыстан кейін сапалы көтерілуі үшін жағдайлар жасау болып табылады.

Шығыстардың болжамдық көлеміне мемлекеттік функцияларды, өкілеттіктерді атқаруға және мемлекеттік қызметтер тізіліміне сәйкес мемлекеттік қызметтерді көрсетуге, сонымен қатар трансферттерді төлеуге және жергілікті атқарушы органның басқа міндеттемелеріне байланысты тұрақты сипаттағы шығыстар қосылды.

Есеп 7%-дық тұтыну бағаларының индексіне ұлғайтып (жалақы мен әлеуметтік аударымдардан тыс) 1 сәуірдегі жағдай бойынша базадан жүзеге асырылды. Қазіргі уақытта Экономика және бюджеттік жоспарлау министрлігі бюджеттік саясаттың жаңа әдістемесін және тұжырымдамасын әзірлеп жатыр, бюджеттік ұйымдардың күрделі жөндеу шығыстары және материалдық-техникалық базасын нығайту белгіленбеген.

Жаңа бастамаларға, бюджеттік ұйымдарды күрделі жөндеуге және материалдық-техникалық базасын нығайтуға арналған шығыстар жаңа әдістемені қабылдағаннан кейін қабылданады және стратегиялық және бағдарламалық құжаттарда көрсетілген өңірлердің даму басымдықтарын, есептік қаржылық жылдың бюджеттік мониторинг нәтижелерін, есепті қаржы жылындағы стратегиялық жоспарды іске асыру туралы есептерді, нәтижелердің бағасын ескеріп, жергілікті бюджеттік бағдарламалар әкімшілерінің арасында бөлінеді және қосымша хабарланатын болады.

Жалпы сипаттағы трансферттердің көлемдерін белгілеу кезінде қабылданған Қостанай облысының 2014-2016 жылдарға арналған бюджеті кіріс бөлігінің мөлшерлерін белгілеу жөніндегі тәсілдерді Экономика және бюджеттік жоспарлау министрлігі белгілегеннен кейін, сондай-ақ жалпы сипаттағы трансферттерді есептеу әдістемесіне сәйкес 2014-2016 жылдарға арналған шығындардың болжамдық көлемдерін есептегеннен кейін және мемлекеттік жоспарлау жөніндегі уәкілетті органға Қостанай облысының алдағы үш жылдық кезеңге арналған бюджетінің көрсеткіштері бойынша ресми мәліметтерді пысықтағаннан кейін Қостанай облысы бюджетінің болжамдық параметрлері нақтыланатын болады.
Облыстық және аудандар мен қалалар бюджеттері арасындағы 2014-2016 жылдарға арналған жалпы сипаттағы трансферттердің болжамдық көлемдері 2,3,4-қосымшаларда көрсетілген.
2014-2016 жылдарға арналған Қостанай облысы

облыстық бюджетінің бюджеттік параметрлері