Республикалық дарынды жастарды қолдау ұйымы «Тəуелсіздік – тұғырым»
жүктеу/скачать 2.87 Mb. Pdf көрінісі
|
| Тəуелсіздік – тұғырым
Қатысушының аты-жөні: Мелис Асылай Ерланқызы Жетекшісінің аты-жөні: Султанова Перизат Турсынкызы Тұғырлы Қазақстан елінің тұлғасымын. Жаңа Қазақстанның жарқын келешегімін. Сан ғасырлар бойы ата-бабамыз аңсап өткен тəуелсіздігімізге биыл отыз екі жыл толып отыр. Отыз екі жасқа аяқ басқан Қазақстан жасампаздық пен бірлікті ту етіп келе жатыр. Зайырлы көп ұлтты мемлекетіміздің ынтымақ, бірлігі тəуелсіздігіміздің алтын тұғырының жемісі. Дегенмен ішінара іріткі салушылар болса да, қазақ елі ұлттық рухын ешқашан жоғалтқан емес. Сонау Керей мен Жəнібек хандар тұсынан бастау алған қазақ тарихының ең жарқын парағы-ол қазақ елінің Тəуелсіздігі. Қаншама зиялы тұлғаларымыз, аға-əпкелеріміз осы жолда құрбан болды. Елін сүйген, тек жүрегі "Алашым" деп соққан арыстарымыз "Халық жауы" атанып, қуғынға ұшырады. Қазақ елі қаншама тар жол, тайғақ кешуден өтті. Тəуелсіздік жолында жанын қиған Қайрат, Ербол, Лəззат, Сабира сынды қыршын жастарымыздың ерлігі келешек ұрпақ үшін үлгі өнеге. Иə, Тəуелсіздігіміз баянды болсын. Экономикамыз қарыштап дамып келеді. Көк байрағымыз желбіреп, Елтаңбамыз айшықталып, Əнұранымыз асқақтап шырқалды. Негізгі Ата заңымыз да бар. Заңға құрмет- елге міндет деген алтын қағидамызды естен шығармаймыз. Айбынды рухты Қарулы Күштеріміз бар тыныштығымызды күзеткен, Отанын сүйген сақшыларымыз Қазақстан деген мемлекеттің шекарасын күзетуде. Мен өз елімді, жерімді сүйемін. Қазақстан ғылымы, өркениеті қарыштап дамуына үлесімді қосу үшін сапалы білім, саналы тəрбие алуға тырысамын. Президентіміз Қасым-Жомарт Кемелұлының сындарлы саясатымен ел бірлігі мен тыныштығы сақталып, мəдениетіміз бен өркениетіміз дами берсе екен деймін. Жаңа Қазақстанның даму сатысын жақсарту үшін, жарқын болашақтың көкірегі ояу, көзі ашық болғанын қаласақ, ақпараттық технологияларды дамыта отырып, патриоттық сезімді ұлғайтатын зиялы тұлғаларымыз туралы, қазақ тарихы туралы қызықты дүниетанымдық ақпараттар насихатталып, жарыққа шығарылып отырса нұр үстіне нұр болар еді. Менің «Жаңа Қазақстан» республикалық дарынды жастарды қолдау ұйымы - 27 - туып өскен жерім Аягөз ауданы, Қосағаш ауылы. Осы алақандай ғана ауылымда тəуелсіздік жолында күресіп, алаңға шыққан ержүрек аға-əпкелеріміз тұрады. Ол кісілерден ұлтын сүйген рух пен жігердің, бодан болғысы келмейтін намыс пен қайраттың ұшқынын көремін. Тəуелсіз Қазақ елінің көк байрағы желбірей берсін. Түйіндей келе, арыстан жүректі, ұлт жанашыры Əлихан Бөкейхандай, сөзі мірдің оғындай Міржақып Дулатовтай, көркем ойлы кемеңгер ұлы Абайдай терең болмысты қазақ ұрпағы көбейе берсін дегім келеді. Тəуелсіз еліміздің тұғырында "Қазақ" деген атау мəңгілікке қала берсін. жүктеу/скачать 2.87 Mb. Достарыңызбен бөлісу:
|