Республиканское государственное учреждение «национальный банк республики казахстан»

Қазақстан Республикасының Әділет министрлігінде 2013 жылы 11 қыркүйекте № 8698 тіркелді
«ҚАЗАҚСТАН РЕСПУБЛИКАСЫНЫҢ ҰЛТТЫҚ БАНКІ» РЕСПУБЛИКАЛЫҚ МЕМЛЕКЕТТІК МЕКЕМЕСІ		РЕСПУБЛИКАНСКОЕ ГОСУДАРСТВЕННОЕ УЧРЕЖДЕНИЕ «НАЦИОНАЛЬНЫЙ БАНК РЕСПУБЛИКИ КАЗАХСТАН»
БАСҚАРМАСЫНЫҢ ҚАУЛЫСЫ 2013 жылғы 26 шілде		ПОСТАНОВЛЕНИЕ ПРАВЛЕНИЯ № 185
Алматы қаласы		город Алматы

   «Қазақстан Республикасында зейнетақымен қамсыздандыру туралы» 2013 жылғы 21 маусымдағы Қазақстан Республикасының Заңы 8-бабының 3) тармақшасына сәйкес Қазақстан Республикасы Ұлттық Банкінің Басқармасы ҚАУЛЫ ЕТЕДІ:

1. Қоса беріліп отырған Бірыңғай жинақтаушы зейнетақы қорының комиссиялық сыйақыны өндіріп алу қағидалары бекітілсін.
  2. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі және 2013 жылғы 23 тамыздан бастап туындаған қатынастарға қолданылады.

       Ұлттық Банк

 

Бірыңғай жинақтаушы зейнетақы қорының

1. Осы Бірыңғай жинақтаушы зейнетақы қорының комиссиялық сыйақыны өндіріп алу қағидалары (бұдан әрі - Қағидалар) «Қазақстан Республикасында зейнетақымен қамсыздандыру туралы» 2013 жылғы 21 маусымдағы Қазақстан Республикасының Заңына (бұдан әрі - Зейнетақымен қамсыздандыру туралы заң) сәйкес әзірленді және бірыңғай жинақтаушы зейнетақы қорының (бұдан әрі - БЖЗҚ) комиссиялық сыйақыны өндіріп алу тәртібін айқындайды.

2. Осы қаулының мақсаттары үшін зейнетақы активтерінің ағымдағы құны ретінде Зейнетақымен қамсыздандыру туралы заңның 5-бабы 2-тармағының 17) тармақшасына сәйкес айқындалатын зейнетақы активтерінің ағымдағы құны түсініледі.

3. БЖЗҚ-ның зейнетақы активтерінен комиссиялық сыйақыны санау, есептеу және аудару үшін нәтижелері бойынша БЖЗҚ зейнетақы активтерінің ағымдағы құны есептелетін айдағы БЖЗҚ-ның зейнетақы активтерінен есептелген инвестициялық кіріс ескерілмей комиссиялық сыйақы саналатын және есептелетін айдың алдындағы айдың бірінші күнінің басындағы жағдай бойынша БЖЗҚ зейнетақы активтерінің ағымдағы құны пайдаланылады.

4. Инвестициялық кірістен комиссиялық сыйақыны санау, есептеу және аудару үшін нәтижелері бойынша БЖЗҚ-ның зейнетақы активтерінен комиссиялық сыйақыны санау үшін пайдаланылатын БЖЗҚ зейнетақы активтерінің ағымдағы құны есептелетін айда есептелген БЖЗҚ-ның зейнетақы активтерінен инвестициялық кіріс пайдаланылады.

5. Есепті айдан кейінгі ай ішінде БЖЗҚ зейнетақы активтерінің шартты бірлігінің құнын есептеу үшін Қағидалардың 2 және 3-тармақтарына сәйкес есептелген, есепті айдан кейінгі айдың күнтізбелік күндерінің санына пропорционалды түрде есептелген  БЖЗҚ-ның зейнетақы активтерінен комиссиялық сыйақы және инвестициялық кірістен комиссиялық сыйақы пайдаланылады.