Шығыс Қазақстан облысындағы балалардың 2009 жылғы жағдайы Өскемен қаласы 2009 мазмұНЫ

• 
  Жүктілерді босануға дейінгі қадағалайтын барлық мекемелерде жүктілік кезінде «Ана қауіпсіздігі» қағидасын енгізуді, жүктілерді «Үрейсіз босану» және өзіне-өзі көмектесу қағидасымен оқытуды ұйымдастыру және облыстың барлық өңірінде дені сау бала кабинетін ұйымдастырып, оларды жедел көмек көрсетуге арналған жабдықтармен жабдықтау қажет;
  
• 
  Есту мен көру қабілеттерінде кемшіліктері бар балаларды анықтау және уақытылы медициналық көмек көрсету мақсатында босандару ұйымдарын қазіргі замандағы жабдықтармен жабдықтау;
  
• 
  Отбасын жоспарлау және жасырын түсіктерді төмендету бойынша жұмыстарды одан әрі жетілдіруді, санитарлық-ағарту жұмыстарын және «тәуекел топтармен» жұмыс жасауды күшейту, жыныс жолымен берілетін жұқпаларды, сондай-ақ АҚТҚ-жұқпаларының трансмиссиялық берілуін алдын алуды жүйелі түрде жүргізуді қамтамасыз ету қажет;
  
• 
  Балалар емдеу-алдын-алу мекемелерін медициналық кадрлармен қамтамасыз ету;
  
• 
  Балалар мен жасөспірімдерді білім алу, дамыту, әлеуметтендіру мен тиімді жұмыспен қамту үшін ең үздік жағдайлармен қамтамасыз ету;
  
• 
  Балаларды мектепке дейінгі білім беру және тәрбиелеумен қамтуды арттыру және оларды мектепке дайындау кезінде тең бастапқы мүмкіндіктерін құру мақсатында мемлекеттік-жеке серіктестік негізінде балалар бақшасын қайта жаңғырту, салу және шағын-орталықтар ашу жөніндегі жұмыстарды жалғастыру қажет;
  
• 
  Білім беру мекемелерінде аттестациялауды өткізу кезінде балалар құқықтарының сақталуын бағалау көрсеткіштерін енгізу;
  
• 
  Ауылға жас мамандарды бекіту аудан және қала әкімдерінің ұстанымы мен қызығушылықтарына көп байланысты. Ведомстволық тұрғын үйлерді, үй алуға ипотекалық несие, көтерме ақы және әлеуметтік көмектің басқа түрлерін қарастыру қажет;
  
• 
  12-жылдық оқуға көшуге байланысты педагог кадрларды дайындау және қайта даярлауды жетілдіру қажет;
  
• 
  «Өзін-өзі тану» пәнін енгізуге байланысты білім ұйымдарын «Бөбек» Ұлттық ғылыми практикалық білім беру және сауықтыру орталығы ұсыныстарына сәйкес арнайы кабинеттермен қамтамасыз ету қажет;
  
• 
  «Өзін-өзі тану» пәні оқытушыларын қайта дайындау мен біліктерін көтеру курстарын ұйымдастыру;
  
• 
  Тегін тамақтану мен оқушыларды мектепке дейін сапалы жеткізумен қамтамасыз етудің мемлекеттік қызмет көрсету стандарттарын енгізу;
  
• 
  Ескірген мектеп ас блогының матриалдық-техникалық базасын қазіргі заманғы технологияларды енгізумен жетілдіру және жаңарту, жалпы білім беретін мекемелерде тамақтану мәселелері бойынша аймақтық қолданыстағы бағдарламалар аясында «Мектептегі сүт» және «Мектептегі бал» іс-шараларын енгізу;
  
• 
  Қауіпсіз жеткізумен қамтылған балалар санын өсті, ол үшін 76 мектеп автобустарын сатып алу қажет;
  
• 
  Шағын комплектілі мектептері бар облыстың 5 ауданында (Катон-Қарағай, Көкпекті, Күршім, Бесқарағай) мектеп жанындағы интернаттар ашу қажет;
  
• 
  Кәсіптік және техникалық білім кәсіби стандарттарға негізделген және еңбек нарығында сұранысқа ие болуы тиіс. Осыған байланысты, білім мекемелерінде құрылыс, коммуналдық шаруашылық, тағам өндіру технологиясы, энергетика сияқты мамандық түрлерін арттыру қажет;
  
• 
  Техникалық және кәсіптік білім беретін оқу орындарының оқушыларын (студенттерін) жатаханамен қамтамасыз ету қажет;
  
• 
  Балалардың бос уақытын ұйымдастыру және оларды қосымша білім берумен қамтамасыз ету үшін 37 (соның ішінде 8 ауылды жерде) қосымша білім беру мекемелерін ашу қажет;
  
• 
  Зырян, Көкпекті, Глубокий, Ұлан, Катон-Қарағай аудандарында жаңа балалар кітапханаларын ашу қажет;
  
• 
  Балаларды толыққанды демалыспен және сауықтырумен қамтуды ұлғайту мақсатында 2010 жылы бүгінгі күні лагерьі жоқ 5 аудан (Аягөз, Глубокое, Бесқарағай, Көкпекті) мен Курчатов қаласында қала сыртындағы лагерь ашу қажет;
  
• 
  Балалармен әлеуметтік жұмыстың жаңа технологиялар мен формаларын енгізу, отбасылық қолайсыздықты алдын-алу (әлеуметтік еріктілер, әлеуметтік оңалту, көшедегі әлеуметтік жұмыс, достасу қызмет мектебі);
  
• 
  Ерте жастағы балалардың институционалдауын алдын-алу үшін «қауіп тобы» отбасылармен алды-алу жұмыстары бойынша кешенді іс-шаралар өткізу;
  
• 
  Кәмелетке толмағандар арасындағы қылмыстың, құқықбұзушылықтың алдын алу мақсатында білім беру мен құқық қорғау органдарына «қауіп тобындағы» балалармен, мектепішілік және ішкі істер органдарында есепте тұрған жасөспірімдермен алдын алу жұмыстарын күшейту қажет. Мүдделі органдармен және үкіметтік емес ұйымдармен тығыз қарым-қатынас жасау арқылы шалғай жатқан ауылдық жерлерге ерекше назар бөле отырып, кәмелетке толмағандар арасындағы құқықбұзушылықтар туралы аймақты хабардар ету деңгейін арттыру бойынша күш жұмсау керек;
  
• 
  Кәмелетке толмағандар арасындағы қылмысқа, қолайсыз отбасылар мен онда тәрбиеленіп жатқан, ішкі істер органдарында тіркеуде тұрған, ішімдік, есірткі және психотроптық заттарды пайдаланатын балалардың жағдайына мониторинг жасап, осындай балалардың санын азайту, қиын өмір жағдайындағы балаларға қолдау көрсету үшін мүдделі органдардың өзара байланысын нығайту қажет;
  
• 
  Балаларға қатысты зорлық-зомбылықты алдын-алу мақсатында олармен жұмыс істейтін барлық мамандардың әлуетін нығайту керек;
  
• 
  Облыстың білім, экономика және бюджеттік жоспарлау басқармаларына жыл сайын, 2010 жылдан бастап, бюджетті қалыптастыру кезінде патронаттық тәрбие шарты бойынша тәрбиеге берілген балалар санын өсіру және қосымша патронаттық тәрбиешілерді енгізуді қаржыландыру көлемін көбейтуді қарастыруы қажет деп санаймыз;
  
• 
  Қамқоршылар мен қорғаншылардың қоғамдық қозғалысын дамыту;
  
• 
  Жергілікті атқарушы органдармен жетім және ата-анасының қамқорлығынсыз қалған балаларға арнайы әлеуметтік қызметтер көрсету стандарттарын енгізу;
  
• 
  Балаларды Қазақстан Республикасы азаматтарының асырап алуының санын көбейту мақсатында облыстың тұрғындары арасында асырап алу мәселесі бойынша ақпараттық-түсіндіру жұмысын күшейту қажет;
  
• 
  Жергілікті бюджет қаражаты есебінен балалардың құқықтары мен мүдделерін қорғау мәселесі бойынша қосымша 65 мамандарды енгізу жөніндегі жұмысты жалғастыру қажет;
  
• 
  Құқық меншігінде немесе жергілікті атқарушы органның актісімен бекітілген тұрғын үйі жоқ жетім және ата-анасының қамқорлығынсыз қалған балалардың заңды өкілдерінің арасында жеңілдетілген несие алу мүмкіндіне ие болу үшін, балаларға Тұрғынүйқұрылысбанкінде шоттар ашу бойынша ақпараттық-түсіндірме жұмысын белсендіру қажет;
  
• 
  Жалпы білім беретін мектептерде инклюзивті оқытуды дамыту және кеңейту мақсатында мүмкіндігі шектеулі балалар үшін, материалдық базамен, маман педагогтармен қамтамасыз етуге жағдай жасау керек;
  
• 
  Әр жастағы мүмкіндіктері шектеулі балаларға арналған Балаларды оңалту отбалықтарын ашу;
  
• 
  Әлеуметтік белсенділікті дамыту мақсатында, ата-аналардың заңнамалық сауатсыздықтарын жою, отбалылық тәрбие үрдісіне тарту үшін Риддер, Семей, Зырян қалаларында отбасы мен балалықты қорғау орталықтарын ашу қажет.
  

Шығыс Қазақстан облысы

Өскемен қаласы

К.Либкнехт көшесі, 19

тел.:8/7232/28-04-06

e-mail: balaVKO@mail.ru