Сұрақ: Халық Банктің клиенттері шоттарынан ақшаның жоғалуына неге ешкім бақылау жасамайды? Банк операторлары ұрлықпен шұғылданады (орташа есеппен бір шоттан 5000 теңге) бірақ банк басшылығы ешқандай шара қабылдамайды

Егер Сіз Сізге қызмет көрсетіп отырған Банктегі банктік шотыңыздан ақшаның талан-таражға түскені туралы сезіктенсеңіз, бұл жағдайда оның экономикалық қылмысқа қатысты болу мүмкіндігін жоққа шығаруға болмайды.

Бұл жағдайда Сізге функциясына экономикалық және қаржылық қызмет саласындағы құқық бұзушылықтарды алдын ала ескерту, анықтау, із кесу және тергеу жұмыстары кіретін Қазақстан Республикасының Экономикалық және сыбайлас жемқорлық қылмыспен күрес агенттігіне (қаржы полициясы) өтініш білдіруді ұсынамыз. Өтініште проблеманың негізі туралы айту және барлық растаушы құжаттарды қоса беру қажет (банктік шоттың үзінді көшірмесі және басқалар).

Ал егер, банкте банктік шоттың шарт талаптарын немесе төлемдер және ақшаны аударым жасау жөніндегі заңнаманың басқа да талаптарын бұзу кездессе, онда Сіз Қазақстан Республикасы Қаржы нарығын және қаржы ұйымдарын реттеу мен қадағалау агенттігінен және Ұлттық Банктен көмек сұрауға құқылысыз. Заңнамалық тәртіппен белгіленгендей, аталған мемлекеттік органдар бұзушылықтарды анықтау және кінәлі банкті жауапкершілікке тарту жөніндегі тиісті іс-шараларды атқаратын болады.