Тал шыбықтай қарындасым, Ісің алға арындасын

Ісің алға арындасын.

Ағалаған сөзіңменен

Ұмытылмай жанымдасың.

Тілек айтсам күлімде.

Жақсылыққа құмар бол,

Жаманатқа ілінбе.

Құдай Ие – қорғаның.

Сеніміңе берік бол,

Жығылсаң да орға мың.

Адал қыз бол ұятты.

Көреген бол, көсем бол,

Шалатұғын қияқты.

Дос боп кетсін қасың да.

Бес балықтай көбейсін

Ішіп–жеген асың да.

Адамдарға саты бол.

Иса Мәсіх Иенің

Жерде жүрген хаты бол.

Барын жайып алдыға

Аңқылдаған ағажан.

Алмас қылыш секілді

Жарқылдаған ағажан.
Қамын ойлап туыстың

Көп уайымдап жүресіз.

Шайын ішіп келіннің

Ағайындап жүресіз.

Ақыл айтар өзіңсіз.

Қалай өмір сүрер ек

Сіздің алтын сөзіңсіз.

Армандарға жетіңіз.

Мойынсұнып Құдайға

Шүкіршілік етіңіз.

Құдай қосқан құдамыз,

Сыйласып–ақ тұрамыз.

Тәңірден не тілесең,

Қабыл болсын дұғаңыз.
Аман болып шаңырақ,

Немерелер көбейсін.

Көсегеңіз көгеріп,

Керегеңіз кеңейсін.

Дейді халық нән қылып.

Құтқарылсаң құда боп

Отырар ек мәңгілік.

Нағашылап келесің,

Анда–санда, жиенім.

Мінезің бар тым ерке

Асауындай биенің.
Ел емес не жау емес,

Дейді қазақ жиенді.

Сұрайды деп қорқады

Жалғыз ат пен түйемді.

Аямайын өзіңнен.

Жанымызды баурайсың

Балдай тәтті сөзіңмен.

Самуилдей бала бол.

Құдай сөзін тыңдайтын

Ақылды да дана бол.

Зымыран ғой қу уақыт,

Аға боппыз екеуміз.

Артымызға қарасақ,

Күрең тартқан екенбіз.
Құрдас, осы екеуміз

Айырылмас достар ек.

Інілерге үлгі боп,

Талай істі бастап ек.

Бір нәрсені білмеппіз.

Құдай жайлы айтқанда

Құлаққа да ілмеппіз.

Бұл өмірдің бар мәні.

Құтқарылса дүйім жұрт –

Сол досыңның арманы.

Құтты болсын, құрдасым.

Шірімейтін байлық жи,

Иса болсын сырласың.

Тар жолды таңдаған

Рухани бауырмыз.

Ақымақ дейді жұрт,

Ал біздер тәуірміз.
Құдайға бас иіп,

Сиынып келеміз.

Шірімес асылға

Айналар денеміз.

Жығылдық, бір тұрдық.

Алдыға жоспарды

Кеңесіп бір құрдық.

Туыпсыз дәл бүгін.

Тілегін қабыл ал

Мәсіхші аулының.

Мол болсын жемісің.

Арамшөп қаптамай,

Жайнасын егісің.

Қалқаның сай болсын.

Рухани дүниең

Молайып бай болсын.

Әкеңмен қауыштың.

Қол жайып дұға қып,

Мұңыңды тауыстың.

Көктегі үйіңде.

Той жасап шаттансын

Жар салып дүйімге.

Бөлем үшін өлем деп

Қазақ бекер айтпайды.

Нағыз бөле бір–бірін

Жауға тастап қайтпайды.
Сондай бөле сен едің,

Адалдығын танытқан.

Тілін алып үлкеннің,

Жақсы сөзге қаныққан.

Ізгі тілек тіледім.

Жаратушы Тәңірім

Өзі болсын тірегің.

Су орнына сүт берген

Мейірімді жеңешем.

Ұмытпаймын ешқашан

Пейіліңді, жеңешем.
Мойын болып ағама,

Тіреу болған жеңешем.

Көп ішінен бөлініп,

Біреу болған жеңешем.

Айдан сұлу жеңеше.

Күн де артық болмайды

Өзіңізге теңесе.

Мәриямдай болыңыз.

Құдай көктен жарылқап,

Ұзарса екен қолыңыз.

Рут сияқты келінсіз.

Құдай Ұлын қабылда

Ақы–пұлсыз, тегін сіз.

Бір анадан сүт емген

Соңымдағы сіңілім.

Тірегі бол әрдайым

Әке, бауыр, інінің.
Қайын жұртты қашанда

Туғаныңдай көре біл.

Алудай–ақ алсаң да,

Берудей–ақ бере біл.

Пайғамбардай сыйлай бер.

Кірін жуып, шәй беріп,

Көкке байлық жинай бер.

Пікірімен санасқын.

Қайын іні, сіңлінің

Көңілін тауып, қарасқын.

Тапсыр бәрін Құдайға.

Киім тігіп балаңа,

Білгін көрпе құрай да.

Жарылқасын Құдайым.

Жүрегіңнің аңсауы

Орындалсын лайым.

Жігіт деген қалайша

Таза жолмен жүреді?..

Жақсы жігіт мұндайды

Айтқызбай–ақ біледі.
Таза жолды тілейін,

Ерке қайын ініме.

Тағы да не айтайын

Бүгін туған күніңе.

Мықты болсаң көрейін.

Ақ батаға кенеліп,

Таси берсін мерейің.

Көрші деген жай атымыз,

Ағайын боп қалыппыз.

Жатырқамай құшақ жаяр

Қазақ жайсаң халықпыз.
Бала–шаға бір ойнап,

Ауылымыз аралас.

Мал–жанымыз бір төлдеп,

Қой–қозымыз қоралас.

Шақырыпсың үйіңе.

Дос–жараның құрметтеп,

Үлгі алсын сүйіне.

Бейбітшілік орнасын.

Жаратқаның жар болып,

Жамандықтан қорғасын.

Ау, ағайын, ағайын,

Бір кәдеңе жарайын.

Бетін ашып келіннің

Көрімдігін алайын.
Қуаныңдар, бауырлар,

Той басталды ауылда.

Әппақ келін топ етті

Бүгін біздің қауымға.

Сенен бата сұрайын.

Тағзым еткін, келінжан,

Мен куә боп тұрайын.

Жолдасына шақ келін.

Тәңіріңе сиынып,

Бұл қауымға жақ, келін.

Мызғымайтын дауылға.

Олардың ал батасын

Ұқсас нөсер жауынға.

Бес қаруын сайлаған.

Құтқарылсын елім деп,

Болашағын ойлаған.

Қайын аталарың ... бір сәлем!
Әжейлер бар таптырмас,

Бос ыржаңды жақтырмас.

Олар саған анаң боп,

Қанаттыға қақтырмас.

Шайын құйып күлімде.

Рут сияқты келін бол,

Жаманатқа ілінбе.

Қайын енелерің... бір сәлем!
Қой–қозысын баптаған,

Бақташың да жақсы адам.

Әйелдерге орамал

Тастама деп қақсаған.

Бақташыңа бір сәлем!

Ізгі хабар таратқан.

Құдай сені жарылқап,

Қайын аға жаратқан.

Қайын ағаларың... бір сәлем!
Абысындар–ажындар,

Құдай сөзін қазыңдар.

Өсек айтпай өзара

Иса жайлы жазыңдар.

Абысындарың ... бір сәлем!
Қайын әпке қандай–ды,

Көңілге кір салмайды.

Тілекшің боп қашанда

Оразасын қармайды.

Қайын әпкелерің... бір сәлем!
Келінжан–ау, қайын інің –

Таптырмайтын байлығың.

Тентек болса түзетіп,

Иемізге сайлы қыл.

Қайын інілерің... бір сәлем!

Жүретұғын жеңгелеп,

Қайын сіңілі бір бөлек.

Оған көйлек тігіп бер,

Қос етегін бүрмелеп.
Забур жырын оқытып,

Үйрет кілем тоқытып.

Жаттата бер аяттар

Әр жерінен шоқытып.

Қайын сіңілілерің... бір сәлем!
Келін, келін, тыңдай ғой,

Жарыңды аса сыйлай ғой.

Берік болып сенімде,

Көкке байлық жинай ғой.

Халқым да көп күтпесін.

Көпшілікке сәлем бер,

Қадамыңды құп десін.

Шаршасаңыз әрең бер.