Урок жапыште гына огыл, перемен годымат ме туныктышына йыр пордынна. Урок деч вара чодыраш, олыкыш коштынна. Алина Анатольевна шочмо-кушмо верым йораташ, пуртусым аралаш изинекак кумыланден. Самырык лийын гынат, ме тудым эн кугуэш ужынна

Ойлем таум, учителем, тылат.

С.Вишневский.

Жап пеш писын эрта, мый ынде кудымшо классыште тунемам. Шинчымаш корно дене нангайыше туныктышем-влак ятыр, нуным чылаштымат чот пагалем. Туныктышылан полеклалтше сылне деч сылне ой-влакат шуко. Шоналтет гын, мыйже мом уым каласен кертам. Но илыш корнышто кажне айдемын шке верже. Тудын куанжат, шарнымашыжат лынак. Мыят ушем дене эре ньога жапешем портылам…

Вучен налме икымше сентябрь. Сылне пеледыш аршашым кучен, чаткан чиен, тупеш мотор портфельым сакен, мый икымше гана школыш ошкылынам. Кизам гычын вуден толшо авам тыршен тунемаш сугыньлен. Изи шумем култкен, изишак тургыжланенам.

А школ омса воктене мыйым да йолташем-влакым поро ончалтышан самырык туныктышо вашлийын. Алина Анатольевна Петрова – мемнан икымше туныктышына. Мемнам, индеш йочам, классыш вуден нангаен, парт коклашке шынден. Да вара кажнынам пуйто шымлен ончалын. Мый Алина Анатольевна умбач шинчамат налын омыл, пеш туткын колыштынам. А туныктышын ныжыл йукшо класс мучко йонген, поро шомакым изи чонешна шындарен. Тудо кажнынам шке шочшыжла ончен. Буква ден буквам ушен, икымше шомакым лудынна, колыштдымо кизана дене икымше мутым возенна. Мыняр вийжым пыштен Алина Анатольевна тиде пашашке. Кокымшо авана чыланам умылаш, кажныланна полшаш тыршен.

Урок жапыште гына огыл, перемен годымат ме туныктышына йыр пордынна. Урок деч вара чодыраш, олыкыш коштынна. Алина Анатольевна шочмо-кушмо верым йораташ, пуртусым аралаш изинекак кумыланден. Самырык лийын гынат, ме тудым эн кугуэш ужынна. Акана ушанле йолташна лийын: неле жапыште тудлан энертенна, куанымат пырля пайленна. Алина Анатольевна келшен илаш, икте-весым пагалаш туныктен. Ава семынак мемнам чаманен, кулеш годым шылтален.

Тыге ныл ий пеш вашке эртен каен. Алина Анатольевна шулдыржо йымач мемнам кайыкиге-влак семын кугурак классыш ужатен. Лыжга, поро туныктышына деке кызытат куржталына. Икымше туныктышына сенымашланна куана, кулеш годым вурсенат налеш.

Алина Анатольевна дене пырля умыр мучко йыгыре ошкылмем шуэш. Тудын гаяк ушан, весела кумылан, умылтарен моштышо лияш шонем. Мый умылем, туныктышын пашаже куштылго огыл. Вет тудо икшыве верч вуйын шога, тудын кугу кукшытыш шумыжлан куана. Эше сайрак туныктышылан тунемшыж деч тау мутым колаш. Алина Анатольевналан пеш кугу таум каласымем шуэш. Икымше туныктышем буквам палаш, икымше мутым лудаш-возаш гына огыл, Айдеме лияш туныктен!

Сочинение

общеобразовательная школа»

Актанышского муниципального района

Республики Татарстан,