«2021-2022 оқу жылында Қазақстан Республикасының орта білім беру ұйымдарында оқу процесін ұйымдастырудың ерекшеліктері туралы»
жүктеу/скачать 1 Mb.
|
- Бұл бет үшін навигация:
- Бақылау нысандары Нормалар
| Мектепішілік бақылау
Оқу жылына арналған мектепішілік бақылау жоспары 2020 жылғы 6 сәуірдегі № 130 бұйрықтың 17-қосымшасына сәйкес жасалады https://adilet.zan.kz/kaz/docs/V2000020317. Мектепішілік бақылау МЖМБС, Үлгілік оқу жоспарларының, Үлгілік оқу бағдарламаларының, орта мерзімді, қысқа мерзімді жоспарлардың, оқушылардың жеке істерінің және т.б. атқарылған жұмыстарын тексеруді қамтиды. Оқу процесін тиімді ұйымдастыруда және мектепішілік бақылауды жүзеге асыруда білім беру ұйымдарының басшылары үшін бақылау нормативтері 1-кестеде келтірілген. Карантиндік және шектеу шаралары кезеңіндегі оқыту жағдайында мектепішілік бақылау жүргізіледі, бірақ мектепішілік бақылаудың барлық түрлері іске асырыла бермейді. 1-кесте. Білім беру ұйымдарының басшылары үшін мектепішілік бақылау нормативтері
Қажет болған жағдайда білім алушылардың біліміне бақылау жұмыстарын жүргізуге жол беріледі.
Сабақты бақылау кезеңінен кейінгі рефлексия: Бақылау парағында сабақ барысындағы барлық негізгі сәттерді белгілеу. Сабақты талқылау педагогтің өзінің сабағына өзіндік талдаудан бастау қажет. Сабақты талдау барысында, ең алдымен педагогке өткен сабағы мақсатына жетті ме, сабақтың тиімділігін арттырудың жолдары бар ма деген сұрақтар қойыңыз. Педагогтің өзіндік талдауынан соң талдау жұмысын сабақтың/сабақ кезеңінің табысты сәттерінен бастау қажет. Әрі қарай педагогтің сабаққа дайындалу кезінде ескеруі маңызды сәттерді атауға болады. Талдауда педагогтің жеке қасиеттеріне емес, сабақтың табысты немесе керісінше, үлгермеген нәтижелерінің дәлелдемелеріне назар аударған жөн. 5. Сабақтарды бақылау оқу пәндерін оқыту практикасын жақсарту, педагогтің кәсіби өсуі мен дамуы, сондай-ақ білім алушылардың білім сапасын арттыру үшін негіз болуы тиіс. Сабақтарды бақылау нәтижелері педагогикалық кеңестердің отырыстарында ұдайы тыңдалуға тиіс. Сабақтарға қатысу, зерттеу және талдау білім беру процесін жетілдіруге, педагогтің кәсіби өсуі мен дамуына, сондай-ақ білім алушылардың білім сапасының артуына негіз болады. Сабақты бақылаудың нәтижелері әдістемелік бірлестіктің, әдістемелік кеңестің, педагогикалық кеңестің отырыстарында мерзімді және жүйелі түрде тыңдалуы керек.
Білім беру ұйымдарындағы оқу-тәрбие процесінің сапасын көтеру және білім алушылардың, сонымен қатар педагогтердің проблемаларын анықтау және оны уақытында шешу мақсатында мектепішілік бақылауды күшейту қажет.
Білім алушылардың біліміндегі олқылықтардың негізгі көрсеткіштері: 1) пәннің оқу бағдарламасы бойынша біліміндегі олқылықтар; 2) оқу-танымдық әрекеті дағдыларындағы олқылықтар; 3) табысты оқу үшін қажетті жеке қасиеттердің даму деңгейінің, дербестігінің, ұйымшылдық көріністерінің жеткіліксіздігі; 4) эмоционалды дискомфорт. Үлгерімі төмен білім алушылармен жұмыс жасау алгоритмі: 1) оқу қызметін жоспарлауға көмек көрсету (оқу материалын қайталау, бекіту, олқылықтарды жою үшін оқу тапсырмаларының минимумын орындау, қателерді талдау және жою бойынша оқу қызметін реттеу және т.б.); 2) оқу қызметі барысында сүйемелдеу және кеңес беру; 3) оқу қызметін ынталандыру (көтермелеу, табыс жағдайларын жасау, оқу процесіне белсенді қатысуға ынталандыру және т.б.). 4) оқушының оқу әрекетінің және оқу жетістіктерінің мониторингі (оқу тапсырмаларының орындалуын тексеру, кері байланыс, өзін-өзі бағалауды жандандыру және т.б.); 5) қосымша сабақтар және өзара көмек ұйымдастыру; 6) білім алушыға қолдау көрсету бойынша ата-аналармен жұмыс. жүктеу/скачать 1 Mb. Достарыңызбен бөлісу:
|