Шоқан 1853 ж. өзімен бірге оқыған жолдастарынан бір жыл бұрын Омскідегі Кадет корпусын бітіріп, офицер атағын алып шығады. Кадет корпусының соңғы курсында əскери ғылымнан оқытылатын мамандық сабақты оқуға Шоқанның мүмкіншілігі болмайды. Өйткені басқа ұлттың адамы болғандықтан, оның ол курста сабақ тыңдауына правосы жоқ еді. Сөйтіп, оқуды бітіріп шыққаннан кейін оған офицер атағын береді де, сол жылы 25-мартта Батыс Сибирьдің генерал-губернаторының адьютанты етіп дайындайды. Осы қызметті атқара жүріп, Шоқан өзінің оқу, зерттеу жұмыстарын тастамай ұдайы ізденумен болады. Әсіресе, Орта Азияның тарихына, оның географиялық, этнографиялық жақтарына көп көңіл бөледі .
