300. Қаржылық есептілік аудитін жүргізу бойынша сыртқы мемлекеттік аудиттің және қаржылық бақылаудың рәсімдік стандарты
-тарау. Қаржылық есептілік аудиті процесінің негізгі құрылымдық элементтері
жүктеу/скачать 110.22 Kb.
|
5-тарау. Қаржылық есептілік аудиті процесінің негізгі құрылымдық элементтері1-параграф. Қаржылық есептілік аудитін жоспарлау33. Аудит нысанын және аудит бағдарламасын қоса алғанда, аудиторлық іс-шараларды жоспарлаудың жалпы тәртібі Есеп комитетінің 2015 жылғы 30 қарашадағы № 17-НҚ нормативтік қаулысымен бекітілген Сыртқы мемлекеттік аудит және қаржылық бақылау жүргізу қағидаларымен (бұдан әрі - Қағидалар) айқындалған. Осы стандартта қаржылық есептілік аудитіне тән айрықша ерекшеліктер көрсетілген. 34. Қаржылық есептілік аудитіне қатысты аудитті жоспарлау аудиторлық рәсімдердің күтілетін сипатына, жүргізу мерзіміне және көлеміне егжей-тегжейлі тәсілді қолдануды көздейтін аудит жүргізудің тәптіштелген бағдарламасын әзірлеуді білдіреді. Тиісті жоспарлау деңгейі аудиттің маңызды салаларына қажетті назар аударуға, әлеуетті проблемаларды уақтылы анықтау мен шешуге, сондай-ақ жұмысты оңтайлы шығындармен сапалы және уақтылы орындауға ықпал етеді. Жоспарлау жұмысты аудит тобы мүшелері мен аудиторлық тексеруге қатысатын сарапшылар арасында тиімді бөлуге, сондай-ақ мұндай жұмысты үйлестіру мен бақылауға мүмкіндік береді. 35. Аудит жүргізудің тәптіштелген бағдарламасы мынадай компоненттерді: - аудиттің заңнамалық базасының тізбесін; - қызметтің, бағдарламаның немесе аудит объектісі болып табылатын мекеменің қысқаша сипаттамасын; - аудит жүргізудің негіздемесін; - қарастырылатын мәселелердің маңыздылығын айқындайтын факторларды қоса алғанда, аудитке әсер ететін факторларды; - аудиттің мақсаты мен ауқымын; - аудит тәсілін; - жинақталуы тиіс аудит деректерінің және аудиторлық дәлелдемелер жинау мен талдауға қажетті рәсімдердің сипаттамасын; - қажетті ресурстарды; - аудит жүргізу кестесін; - аудиторлық есептің нысанын, мазмұны мен пайдаланушыларын қамтиды. 36. Аудит тобының басшысы аудиттің тәптіштелген бағдарламасын әзірлейді және аудиторлық тапсырманың басшысымен келіседі, бұл мынадай мәселелердің сипаттамасын қамтиды: а) рәсімдік стандарттың 5.6-бөліміне сәйкес жүргізілетін тәуекелдерді бағалау бойынша жоспарланатын рәсімдердің сипаты, мерзімі мен көлемі; б) рәсімдік стандарттың 5.11-бөліміне сәйкес жүргізілетін аудиторлық рәсімдердің пікірлер деңгейіндегі сипаты, мерзімі мен көлемі; в) аудит жүргізу барысында рәсімдік стандарттың талаптарын сақтауға қажетті жоспарланған басқа да аудиторлық рәсімдер. 37. Бастапқы аудит кезінде аудит тобының басшысы алдыңғы мемлекеттік аудитордың аудиторлық құжаттамасымен танысуы керек, сондай-ақ аудиторлық тапсырманың басшысымен жоспарлау бойынша жұмыс көлемін ұлғайтып, аудит жоспары мен бағдарламасын әзірлеу кезінде қосымша мәселелер қарастыруы мүмкін. жүктеу/скачать 110.22 Kb. Достарыңызбен бөлісу:
|