А. Соловьева, Б. Ибраимова
жүктеу/скачать 5.1 Mb. Pdf көрінісі
|
| 68
В 2 дәруменінің(рибофлавин)орталық жүйке жүйесінің қалыпты жұмыс істеуі, сондай-ақ зат алмасу және қан түзілу үшін маңызы зор. Рибо- флавиннің жетіспеуі терінің, шырышты қабықтың зақымдануына, көрудің бұзылуына себеп болады. Бала ағзасына В 2 дәрумені жеткілікті түспесе бойының өсуі тоқтайды, ішкі мүшелерінің шырышты қабығы мен терісі қабынады. Көздің мөлдір қабығы қабынып, көзден жас ағады. В 2 дәрумені көп мөлшерде ашытқы, бидай кебегі, бұршақ, ет, сүт және жұмыртқа сарыуызында болады. Бір тәуліктегі қажет мөлшері – 2–2,5 мг. В 6 дәрумені (пиридоксин) негізінен нәруыздардың алма суын реттейді. Ағзаның темірді пайдалануына, эритроциттер дің жетілуіне әсер етеді. Ол майлардың алмасуын, бауыр мен терідегі дұрыс зат алмасуын қамтамасыз етеді. В 6 дәруменін ішек микрофлорасы синтездейді. В 6 дәруменінің жетіспеуі анемия,дерматит және тырыспаауруын ту- дырады. Бір тәуліктегі қажет мөлшері – 1,5–2 мг. В 12 дәрумені (цианкобаламин) қан түзілу үшін қажет. Ол бауырдың қызметін реттейді, жүйке ұлпасы жасушаларының жаңаруына қатысады. В 12 дәрумені жетіспесе қатерлі анемия ауруын тудырады. Бауыр, бүйрек, балық, жұмыртқа В 12 дәруменіне бай. Оны ішек мик- рофлорасы шамалы мөлшерде синтездейді. Сондықтан B 12 дәрумені үнемі тамақпен бірге түсіп тұруы керек. Бір тәуліктегі қажет мөлшері – 2–3 мг. РР дәрумені (никотин қышқылы немесе ниацин) асқазан, ішек жұмысына әсер етеді. Бұл дәруменнің жетіспеуінен жалпы әлсіздік байқалады, адамның көңіл күйі өзгереді, пеллагра (итальян тілінен сөзбе- сөз аударғанда – қатпарланған, тері ауруы дамиды. Теріде көпіршіктер мен дақтар пайда болады. Ниацинге жануартекті өнімдер мен ашытқы бай. Ол ет, жұмыртқа, қара нан, жержаңғақ құрамында болады. Бір тәуліктегі қажет мөлшері – 15–20 мг. Все учебники Казахстана на OKULYK.KZ * Книга предоставлена исключительно в образовательных целях согласно Приказа Министра образования и науки Республики Казахстан от 17 мая 2019 года № 217 |