Қалалық білім бөлімінің басшысы Г. Б. Азанның тамыз маслихатына арнаған баяндамасы

Қазақтың қаһарман ұлы Бауыржан Момышұлынан: «Неден қорқасыз?» -  деп сұрағанда, Баукең: «Баласына бесік жырын айтпаған анадан, немересіне ертегі айтпаған ата-әжеден қорқам», -  деген екен. Осы жиынға  жиналып отырған әрбіріміз ата-анамыз! Тәрбие ұлға да қызға  бірдей. Тәрбие бесік пен босағадан басталады. Өсе келе ұлым дарақы, қызым сорақы деп қалмау үшін бала жүрегіне әкенің жылы қабағы, ананың мейірімі айрықша  мәнге ие болатыны психологиялық, ғылыми тұрғыда да дәлелденгенін айтып өткім келеді.

Сондықтан, бүгінгі жастарға тәрбие беру мәселесінде отбасы мен қоғамның мектеппен ынтымақтастығы аса қажет. «Ұяда не көрсең, ұшқанда соны аларсың» дейді халық даналығы. «Түнгі қаладағы балалар», «Жасөспірім» рейдтері тоқсан сайын ұйымдастырылып, нәтижесінде 51 ата-анаға ескерту жасалып, 5 ата-анаға ҚР Әкімшілік құқық бұзушылық Кодексіне сәйкес түсіндіру жұмыстары жүргізілсе, 3 ата-ананың материалдары ата-аналық құқығынан айыру үшін сотқа жолданған,   6 баланы арнайы мектепке орналастыру үшін материалдар әзірленіп, 20 жасөспірімнің ісі жергілікті жерлердегі кәмелетке толмағандардың істері жөніндегі комиссияларға жіберіліп, оқу жылы ішінде мектептерде құрылған құқық бұзушылықтың алдын-алу жөніндегі профилактикалық кеңестер отырысы өткізіліп, 96 оқушының тәртібі қаралды.

Біздің қаламызда білім бөліміне қарасты «Оқушылар шығармашылық үйі» және 5 аула клубы жұмыс істейді. «Оқушылар шығармашылық үйі» мұғалімдері мен оқушылары Республика, облыс көлемінде көптеген жетістіктерге жетті. Осындай жетістіктерінің нәтижесі бойынша Ұлттық бизнес - рейтинг орталығының сараптауымен мектептен тыс мекемелер арасында ең үздік «Салалық көшбасшы -2013» қатарына еніп, марапаттауға шақырылды.

Жаңаөзен қаласында 2010 жылға дейін мектепке дейінгі ұйымдар саны 20 болса, қазіргі таңда «Балапан» бағдарламасын іске асыру мақсатында мектепке дейінгі ұйымдар саны 38-ге жетіп қамту 78,1% құрады (мектеп алды даярлық пен, бастауыш сыныптардағы балаларды қосқанда). Оның ішінде мемлекеттік балабақшалар саны 20, мемлекеттік шағын орталықтар саны 4, жекеменшік балабақшалар саны 14

Қала атауы	3-6 жас бала саны	3-6 қамтылған бала саны	Оның ішінде			Қамту %
			МДҰ бала саны	МАД бала саны	Бастауыш сыныптағы бала саны
Жаңаөзен қаласы	11983	9366	4960	2230	2176	78,1%

«Балапан» бағдарламасы аясында балабақша құрылысын салу есебінен 840 орындық 3 балабақша пайдалануға берілсе, 2012 жылдың желтоқсан айына дейін Қазақстан Темір жолы акционерлік қоғамының демеушілік жасауымен «Рауан» шағын ауданынан 320 орындық №17 «Балауса» балабақшасы және Қазақстан Республикасы Үкіметі бекіткен Кешенді жоспарға сәйкес республикалық бюджеттен (РБ-дан) қосымша «Рахат» шағын ауданынан 280 орындық №13 «Ақмарал» балабақшасы іске қосылды және 2013 жылдың сәуірінде «Рауан» шағын ауданынан 60 орындық №19 «Алтын күн» балабақшасы, «Бостандық» шағын ауданынан 320 орындық №18 «Мереке» балабақшасы, маусымда «Жұлдыз» шағын ауданынан 320 орындық «Нұршуақ» балабақшасы берілді. Қыркүйекте Қазақстан Темір жолы акционерлік қоғамының демеушілік жасауымен Теңге ауылынан 320 орындық «Назерке» балабақшасы пайдалануға беріледі. 2012 жылдың қараша айынан «Өркен» шағын ауданындағы №11 бастауыш мектеп ғимараты кері қайтарылып, жергілікті бюджет қаржысымен күрделі жөндеу жүргізілуде. Алдағы уақытта ағымдағы жылы №21 орта мектеп жанынан шағын орталық ашу және «Самал» шағын ауданындағы бұрынғы 280 орындық «Солнышко» балабақшасының ғимаратын өз мақсатында пайдалану жоспарлануда.