Қазақстан республикасы денсаулық сақтау министрлігі
Ишемиялық инсульттің негізгі патогенездік түрлері
жүктеу/скачать 2.08 Mb. Pdf көрінісі
|
- Бұл бет үшін навигация:
- Кардиоэмболиялық ишемиялық инсульт
- Лакуналық ишемиялық инсульт
- Гемодинамикалық ишемиялық инсульт
- Қантамырлардың
| Ишемиялық инсульттің негізгі патогенездік түрлері
Атеротромбоэмболиялық ишемиялық инсульт. Атеросклероз кезінде дамитын церебралдық ишемияның негізгі механизмдері: прецеребралдық және церебралдық артериялар саңылауларының бітелуі; гемодинамикалық өзгерістерге тәуелді артериялардың стенозы (артерия саңылауының 70-75% және одан жоғары көлемінің тарылуы); ойық жараға айналған түйіндақтарда тромбтардың түзілуі. Қанның ұюы мен реологиялық қасиеттерінің келесі бұзылыстары: эритроциттер мен тромбоциттердің агрегациясының күшеюі, гиперкоагуляциялық процесстер тробтардың түзілуіне қолайлы жағдай жасайды. Қан ағымның турбуленттілігі жоғары болатын ішкі күретамырлардың немесе омыртқалық артериялардың сағасында тромбтар өте жиі орналасады. Тромбтың және атеросклероздық түйіндақтың үзінділері артериялардың дистальді бөлімінде түзілетін эмболиялардың негізгі көзі болып саналады. Ишемиялық инсульттің барлық түрлерінің ішінде 13%- ды артерио-артериялық эмболия құрайды. Тұтас алғанда, ми қанайналымындағы ишемиялық бұзылыстарды туындатататын себептердің 50%-ын атероэмболия мен артериотромбоз құрайды. Кардиоэмболиялық ишемиялық инсульт. Кардиоэмболияның дамуында 2 патологиялық үдеріс: камераішілік тромбтардың түзілуі және қақпақшалық патология маңызды рөл атқарады. Көптеген жағдайларда камераішілік тромбтың пайда болуына ревматизмдік емес жыбырлақ аритмия ықпал етеді. Бұл коронарлық артериялардың атеросклерозы мен артериялық гипертензияның нәтижесінде дамиды және ЖИА–мен көрінеді. Кардиоэмболияны туындататын қақпақшалық патологияның жиі себептеріне: ревматизм, бактериялық эндокардит, митраль қақпақшасының пролапсы, қақпақшаны протездеу жатады. Лакуналық ишемиялық инсульт. ИИ-тің 15-30%- ын құрайды. Ең басты себептерінің бірі – облитерациялағыш гиалиноз, фибриндік некроз, плазморрагия түрінде ұсақ артериялардың өзгерістерімен сипатталатын артериялық гипертензия болып табылады. Лакуналық инсульттер өлшемі бойынша шағын (диаметрі 15 мм–ге дейін) мидың инфаркты ретінде байқалады. Лакуналық инсульттердің 80% перивентрикулалық аумақта, көру төмпесінде, негіздік қабаттың ганглиінде (12- сурет), 20% - ми діңгегі мен мишықта орналасады. Осы ми инфарктын ұйымдастыру кезінде кішкентай жолақ – лакуна пайда болады ( француз тілінен ауд. lacunarie – қуыс). Лакунаның пайда болуымен мидың артқы, ортаңғы және негіздік 30 артерияларының ұсақ (диаметрі 40–80 мкм) тармақтарының зақымдануымен байланысты. Гемодинамикалық ишемиялық инсульт (жіті қантамырлық жеткіліксіздіктен дамитын инсульттің бір түрі). Барлық ишемиялық инсульттің 10-15%-ын құрайды. Прецеребралдық және церебралдық артериялардың тарылуы немесе олардың саңылауларының бітелуі кезінде пайда болады. Ми қанайналымындағы аутореттелістің төменгі шегінен АҚ-ның төмендеуі кезінде мидың гипоперфузиясы дамиды. Осы АҚ-ның едәуір төмендеуі терең ұйқы кезінде, ортостатикалық артериялық гипотензияда, гипотензивтік дәрі-дәрмектердің дозасын асырып алғанда, миокард инфарктында, жүрек ырғағы бұзылғанда, қансырауларда, гипволемияда және т.б. байқалады. Жергілкі ишемия көбінесе алдыңғы, ортаңғы және артқы мидың артерияларының аралас қанқамтымы бар аумақтарында немесе прецеребралдық және церебралық артериялардың тарылған жерлеріндегі бассейнінде жиі кездеседі. Сонымен, гемодина– микалық инсульттің дамуында мойынның ірі артериялары мен бассүйекішілік қантамырлардың өзгерістері және церебралдық перфузияның жойылып кетуіне дейін әкелетін жүйелік гемодинамиканың тұрақтылығын бұзатын факторлар маңызды рөл атқарады. Қантамырлардың жүктеу/скачать 2.08 Mb. Достарыңызбен бөлісу:
|