Қазақстан Республикасы Үкіметінің қаулысы

1. Үлгілік штаттар ұсынымдық сипатта және ұйымның нақты жұмыс көлемі мен жергілікті бюджеттердің мүмкіндіктерін ескере отырып енгізіледі.

2. Оқырмандарға сапалы қызмет көрсету мақсатында құрылымдық бөлімшелер мен олардың атаулары өзгеруі мүмкін. Облыстық кітапханалардың филиал кітапханалары болуы мүмкін.

3. Қызмет көрсету бөлімдеріндегі кітапханашылардың штат саны 600 оқырман және 12 мың кітап беру есебінен айқындалады.

4. Директорға, оның орынбасарларына, жинақтау, каталогтар ұйымдастыру және өңдеу, ақпараттық-библиографиялық, кітапханаларды дамыту, ұйымдастыру, кітапхана процестерін автоматтандыру құрылымдық бөлімшелерінің басшылары мен қызметкерлеріне оқырмандар саны мен кітап беру бойынша жүктеме нормативтері белгіленбейді.

5. Облыстық әмбебап, жасөспірімдер және балалар кітапханаларының құрылымдық жинақтау бөлімшелеріндегі штат саны бір қызметкерге шаққанда келіп түскен және шығарылған 2 мың басылым (кітаптар, ақпараттардың электронды тасымалдағышы, мерзімді басылымдар) есебінен анықталады; қалалық және аудандық ОКЖ штат саны 1 мыңнан 2 мыңға дейінгі есеппен анықталады.

6. Облыстық әмбебап, жасөспірімдер және балалар кітапханаларының құрылымдық каталогтар өңдеу және ұйымдастыру бөлімшелеріндегі штат саны 1500-1600 библиографиялық жазбаны баспа және электронды каталогтарға енгізу есебінен анықталады; аудандық және қалалық ОКЖ штат саны 1000-1500 библиографиялық жазба енгізу есебінен анықталады.

7. Облыстық әмбебап, жасөспірімдер және балалар кітапханаларында библиографтың жүктемесі электронды каталогқа 1200-1500 библиографиялық жазба енгізу есебінен анықталады; аудандық және қалалық ОКЖ электронды каталогқа 1200-1500 библиографиялық жазба енгізу есебінен анықталады.

8. Зағип және нашар көретін азаматтарға арналған кітапханалардың қызмет көрсететін құрылымдық бөлімшелеріндегі штат саны бір қызметкерге 250 оқырман есебінен, ал оқу залында бір қызметкерге 2500 келуші есебінен анықталады.

9. Зағип және нашар көретін азаматтарға арналған кітапханаларда өнер бөлімінің орнына дыбыс жазу және техникалық қызмет зертханасын құру көзделеді.

10. Кітапханаларды және ақпараттық-библиографиялық жұмысты дамыту жөніндегі құрылымдық бөлімшелерде зағип және нашар көретін адамдар үшін әдіскер, библиограф, редактор бірліктері әдіскер-тифлолог, библиограф-тифлолог, редактор-тифлолог ретінде пайдаланылады.

11. Орталық аудандық және орталық қалалық кітапханадағы әдіскердің бір штат бірлігі көшпелі 10 кітапхана мен беру пункттері болған жағдайда енгізіледі.

12. Орталық аудандық және орталық қалалық кітапханадағы әдіскердің бір штат бірлігі бір қызметкерге жалпы қолжетімді 10 кітапхана есебінен белгіленеді.

13. Мәдениет ұйымдарында:

орталық қазандық бар болса – әрбір қазандыққа бір ауысымға қазандық машинисінің 1 штат бірлігі, ал бу қазандықтың үстіңгі қызатын беті 75 ш.м.-ден астам қатты отын түрлерін (шымтезек, тас көмір) пайдаланатын қазандықтарда әрбір қазандыққа бір ауысымға 2 машинист штат бірлігі;

газбен жылытылған кезде – бір ауысымға қазандықтарда қазандық машинисінің 1 штат бірлігі, ал қауіпсіздік автоматикасы жоқ қазандықтарда бір ауысымға 2 машинист штат бірлігі;

пешпен жылытылған кезде - әрбір 5 пешке пеш жағушының 1 штат бірлігі, бірақ 1 ұйымға 1 штат бірліктен кем емес;

жылу пункті немесе элеваторы бар орталықтандырылған жылумен жабдықтлған кезде - ғимараттарға, құрылылыстар мен жабдықтарға қызмет көрсету және жөндеу жөніндегі жұмысшының 1 штат бірлігі, бойлерлер мен сорғылар болған жағдайда бір ауысымға жұмысшының 1 штат бірлігі бекітіледі.

Осы тармақта қарастырылған пеш жағушы, кочегар немесе машинист штаты бірліктері жылыту маусымына белгіленеді. Көрсетілген кәсіптердің жалпы санынан пеш жағушы, кочегар немесе машинистің 1 штат бірлігі жыл бойына белгіленеді.