Бағдарламасын жүзеге асыру аясында және «Білім туралы»

Қазақстан Республикасында білім беруді дамытудың 2011-2020 жылдарға арналған мемлекеттік бағдарламасын жүзеге асыру аясында және «Білім туралы» Қазақстан Республикасының Заңына өзгертулер мен толықтырулар енгізу туралы» Қазақстан Республикасының Заңына сәйкес 2011-2012 оқу жылында оқу жетістіктерін сырттай бағалау (ОЖСБ) енгізілді.

ОЖСБ – бұл білім беру ұйымдарынан тәуелсіз оқу сапасына мониторинг жүргізу түрі.

Білім беру ұйымдарындағы ОЖСБ-ның мақсаттары:

1) білім алушылардың оқу жетістіктерін мониторингілеуді іске асыру;

2) оқу процесін ұйымдастырудың тиімділігін бағалау;

3) білім беру ұйымдары іске асыратын білім беру қызметтерінің сапасына салыстырмалы талдау жасау.

ОЖСБ оқушылардың негізгі орта білімнен кейін (9 (10) сыныптан кейін) оқу бағдарламаларын меңгеру деңгейін анықтау және білім беру қызметі сапасын бағалау мақсатында жүргізіледі.

2012 жылы ОЖСБ мектептерде іріктеліп жүргізіледі, тестілеуге мектептердің жалпы санының 10%-ға жуығы ғана қатысады. ОЖСБ аясында 9-сынып оқушылары төрт пәннен тест тапсырады. Тест тапсырмаларының жалпы саны – 80, оның ішінде әрбір пән бойынша - 20. Тапсырмалар жалпы білім беретін оқу бағдарламалары негізінде әзірленеді, олардың мазмұны аталған бағдарлама аясынан шықпайды. Тестілеуге 120 минут (2 сағат) беріледі.

2012 жылы ОЖСБ кешенді тестілеу түрінде қағаз тасымалдағыштарда, сондай-ақ тәжірибе ретінде – компьютерлік тестілеу әдісімен де өткізіледі.

Компьютерлік тестілеуде технологияны сақтауды және аудиториядағы тәртіпті қамтамасыз етуді мектеп бойынша жауапты бақылайды.

Мектеп бойынша жауапты (компьютерлік сынып бойынша) Қазақстан Республикасының орта білім беру ұйымдарында ОЖСБ-ны ұйымдастыру және өткізу Нұсқаулығында берілген қызметтер мен іс-әрекеттерін орындауы қажет.

Мектеп бойынша жауаптының іс-әрекеттері келесі кезеңдерден тұрады:

1. 
   тестілеуге дейін;
   
2. 
   тестілеу күні;
   
3. 
   тестілеуден кейін.