– тарау. Майдалау және жіктеу жабдықтары

586. Ауысымды қабылдау және тапсыру кезінде келесілер тексеріледі:

1) аппараттардың, мойынтіректердің қызуын бақылау және оларды майлау, электрлік қозғағыш және тісті берілістердің желдетіс жүйесінің жұмыстарының ақаусыздығына көз жеткізу;

2) бастапқы материал және судың диірменнің тиеу аузына берілуін, диірмен цапфасындағы бақылау тесіктерін және олардан қойыртпақтың төгілмеуін, жетек, электрлік қозғағыш, білік-шестерня және редуктор мойынтіректерінің қызу температурасын тексеру.

587. Ақаулар тетіктерде аңғарылған жағдайда оларды жою шаралары қарастырылады. Ақауларды жою мүмкін болмаған жағдайда бақылау тұлғасының келісімі бойынша диірмен тоқтатылады.

588. Диірменді онымен бірге жұмыс істейтін агрегаттармен (тиегіштер, сорғылар, жіктеуіштер және басқалар) бірге іске қосу және тоқтату тәртібі технологиялық регламентпен анықталады.

589. Диірменді іске қосуды жүргізуге тыйым салынады:

1) дыбыстық және жарықпен дабылдағыштардың, қозғалыстағы бөлшектердің қорғасындық қоршауының, тіректік мойынтіректердің температураларын және сұйықтай майлау жүйесінде майдың болуын бақылайтын аспаптардың ақаулары болған жағдайда;

2) қойыртпақтың шегендеу болттарының тесігі және барабан қапталдары арасы, цапфалардағы және қақпақтағы дәнекерлеу тігісіндегі жарықтар арқылы ағуы болған жағдайда, цапфаларда және қақпақтардың, диірмен барабандарындағы дәнекерлеу тігісі, ашық тісті берілістегі тістер үстіндегі қойыртпақтың ағуы болған жағдайда.

590. Өздігінен майдалау диірменін іске қосуды оны тиеудің ауырлық ортасы іске қосу үшін қолайсыз орналасқан жағдайда барбанды қосалқы жетекпен кері бағытта барабанның 1/3 шеңберіне бұрған соң жүргізіледі.

591. Жаңадан монтаждалған диірменді жұмысқа қосу келесі тәртіпте жүргізіледі:

1) диірменді бос жүрісте іске қосу – ұсатқыш денелерсіз және жүктемесіз;

2) бос жүріс режімінде жұмыс істеу 45 мин;

3) диірменге ұсатқыш денелердің қалыпты мөлшерінің 50 % тиеу және оның осы режімде 8 сағат бойы жұмыс істеуі;

4) аңғарылған ақауларды жойған соң ұсатқыш денелердің нормасының қалған 50 % тиеу және кен мен суды тиеуді қосып 72 сағат бойы жұмыс істеуі.

Егер диірмен қалыпты режімде 72 сағат бойы үздіксіз жұмыс істеген кезде ақаулар аңғарылмаса, онда диірменнің жұмысы қалыпты есептеледі деп және диірмен пайдалануға қабылданады.

592. Диірменді пайдалану үдерісінде қызмет көрсетуші технологиялық қызметкерлер келесілерді қадағалайды:

1) бастапқы тиелетін материалдың ірілігін, сөлшерін және бірқалыпты берілуін және судың режімдік картаға сәйкес мөлшерленіп берілуін;

2) бақылау-өлшеу аспаптарының көрсеткіштерін;

3) жүйелі түрде белгілі уақыт аралығында диірменнен түсірілетін жерде, құмдарда және жіктеу аппараттарының төгіндісіндегі өнімдердің ірілігін тексеруді;

4) сұйық және қою майлау жүйесінің жұмысын тексеруді;

5) диірменге ұсатқыш денелерді уақытылы жеткізіп тұруды.

593. Ашық тісті берілісті автоматты қою майлау жүйесі болмаған жағдайда қызмет көрсетушілер оны қолмен уақытылы тұрақты түрде майлауды қамтамасыз етеді.

594. Ұсақ ақауларды жою: шегендік және қарнақтық болттарды, тиегіш шөміштерін және оның корпусының тиеу цапфасына бекіту болттарын тартып бұрау, көрсетілген жұмыстарды күнделікті пайдалану реті болып табылады.

595. Диірмендердің және электрлік қозғағыштың тіректік мойынтіректерінің шегендік плиталары жанында қойыртпақтың ағып, жиналуына рұқсаттама берілмейді.

596. Жоғары жұмыс өнімділікті және сенімді жұмысты қамтамасыз ету үшін диірмен келесі автоматтандыру құрылғыларымен жабдықталады:

1) түсетін материалдың мөлшерін есепке алу және реттеу;

2) бастапқы берілетін материалға байланысты берілетін суды реттеу;

3) электрлік қозғағышты пайдаланатын қуатты тіркеу;

4) диірменді іске қосудың дыбыстық және жарықтық дабылдамасы;

5) мойынтірек температурасын бақылау;

6) айналымдағы майлайтын сұйық майдың болуын және тіректік мойынтіректердің шектік мүмкін болатын қызу температурасын бақылайтын аппараттары бар жетектік электрқозғағышты бұғаттау.

597. Қызмет көрсетушілер болуы мүмкін ақауларды, олардың туу себептерін және жою жолдарын технологиялық регламентке сәйкес білуге міндетті.

598. Барабанды қажетті күйге қою үшін негізгі электрлік қозғағышты көп рет қосу арқылы оны аударуға тыйым салынады.

599. Шегендік болттар үзіліп кеткен жағдайда тесік арқылы қойыртпақтың ағуын электрлік дәнекерлеуді қолдану арқылы жөндеуге тыйым салынады.

600. Бастапқы тиелетін заттың ірілігі келесі мәндерден артық болмайды:

1) шарлы диірмендер үшін, мм 25

2) стерженьдік диірмендер үшін, мм 40

3) тиеу цапфасының диаметрі 1/3 өздігінен майдалағыш және кенді-малта тасты диірмендер үшін.

601. Өздігінен майдалау диірменінің тұрақты, өнімділігі жоғары жұмысын қамтамасыз ету үшін бастапқы материалдың құрамында бастапқы материалдың 40 % төмен емес - класс +100 мм, 4-6 % –класс + 350 мм болады.

602. Диірменге тиелетін ұсатқыш денелердің көлемі диірмен барабанының жұмыстық көлемінің келесі мәндерінен кем болмайды:

шарлы диірмендер үшін 40-45

стерженді диірмендер үшін 30-40

өздігінен майдалау диірмені үшін 35-45

603. Екінші және майдалаудың келесі кезеңдерінде жұмыс істейтін, ұсатқыш денелер технологиялық регламентте көрсетілген нормадан төмен салынған шарлы және кенді-малта тасты диірмендерді пайдалануға рұқсаттама беріледі.

604. Диірмен барабандарының айналыс жиілігі келесідегідей болады (шектік мәннен, пайызбен):

1) стерженді диірмендер, % 60-72

2) орталықтан түсіретін шарлы диірмендер, % 60-86

3) торы бар шарлы диірмендер, % 75-86

4) кенді-малта тасты, % 80-85

5) сулы өздігіненмайдалайтын диірмендер, % 70-80

605. Нақты типті өлшемді диірмендер барабанының айналыс жиілігі дайындаушымен анықталады.

Дайындаушының келісімі бойынша егер нақты материалды өңдеу үшін тиімді болған жағдайда басқа айналыс жиілігіне рұқсаттама беріледі.

606. Майдың тіректік мойынтіректерге түсер алдындағы қысымы 0,02 - 0,03 МПа (0,2 - 0,3 кгс/см²) артық болмайды.

Барабан цапфаларының роликтік тіректерінде және сұйық майлау жүйесіндегі майдың деңгейі роликтердің біліктері мойынтіректерінің тіректік беттерінің төменгі жиектерінен биік болады.

Майдың деңгейін тексеру майөлшеу шынысы немесе щуптың көмегімен жүргізіледі.

607. Майдың құрамындағы су 2,5 % артық емес және механикалық қоспалар1,0 % артық болмаған жағдайда, май барабандық диірмендердің үйкеліс жүйелерін майлау үшін жарамды деп саналады.

608. Технологиялық қызметшілер майдың цапфалардың жұмыстық беттеріне толық және түсіру цапфаларының берік байланыстарына бірқалыпты берілуін қадағалайды.

609. Қою майлау майын беру аралығындағы үзіліс 30 минуттан артық болмайды. Қою майдың мөлшері диірмендерді пайдаланудың зауыттық нұсқауларымен анықталады.

610. Кенді сулы майдалауға арналған диірмендерді пайдаланған кезде мойынтіректер корпустарының сфералық беттері мерзімді түрде айына бірден кем емес ретте тіректік плитадағы тесік арқылы қол шприцінің көмегімен майлық солидолмен ҚНжЕ 1033-73. Майлайтын май, майлы солидол. Техникалық шарттар бойынша майланып тұрады.

611. Қою майлау майы станциясының резервуарларын толтыру тек құю сүзгісі арқылы жүргізіледі. Құю құбырындағы майлағыш майдың қысымы 16 МПа (160 кгс/см²) артпайды.

612. Диірмендерді ұзақтығы және жүргізілетін жеріне байланыссыз, күрделі жөндеуге тоқтатқанға дейін кенді өңдеп түсіріп алынады және барабанның ішін мұқият жуылады.

613. Диірменді монтаждау кезінде немесе айналмалы бөлігін орнату кезінде жөндеудің машинаауысым әдісінде келесі шарттар сақталады:

1) шегендік плиталардың жоғарғы өңделген беттері қатаң бір көлденең жазықтықта орналасады;

2) бұл плиталардың ұзын осьтері диірмен осьтеріне перпендикуляр, ал қысқа осьтері параллель болады және бір түзуде жатады;

3) мойынтіректер салмаларының бүйірлік тербелуі салманың 100 мм радиусына 0,3 мм артық болмайды;

4) тиеу цапфасы ортасының түсіру ортасынан артуы 1,5 мм артық болмайды; кері көлбеулікке рұқсаттама берілмейді. Тексеру алғашқы монтаждауда жүргізіледі және жылына бірден кем емес ретте – пайдалану кезінде жүргізіледі;

5) тиеу цапфасы белдемелері мен мойынтірек салмасының арасындағы саңылау 5 мм кем болмайды;

6) тәжді тістегеріштің бүйірлік тербелуі 0,7 мм артық емес, радиальдық - 1 мм дейін болады;

7) ашық тісті берілістегі тістердің ілінісуіндегі саңылаулар: радиальдық - 0,3 модуль және бүйірлік - 1,5-2 мм болады; салынатын тетіктерге арналған шегендік қуыстарды цементтік ерітінделермен құйып, толтыруға тыйым салынады.

614. Барабанның бүйіржақ қабырғаларын монтаждау кезінде төмендегілер орындалады:

1) болттарды (аумақ жанындағы) бояумен белгілеп, бұрап босату тесігіне орнату және бекіту;

2) жарамды болттарды орнату және гайкалармен «нольдік» тартылыс туғызып, тартып бұрау (тарту күші 130 Нм);

3) қайталап, 750 Нм мезетпен тартып бұрауды жүргізу;

4) соңғы рет 2080 Нм мезетпен болттарды тартып бұрау.

Соңғы екі операцияны қақпақтың екі өзара перпендикулярлы диаметрлерінде орналасқан 4 болтты қатар тартып бұрау арқылы жүргізеді.

Қосалқы гайкалар болттарды ақырғы рет тартып бұраған соң орнатылады.

615. Бүйіржақтық қақпақтары бар барабандардың қапталдық қосылыстарына қандай-да бір төсемдерді орнатуға рұқсаттама берілмейді, көрсетілген жазықтықтарды қызыл бояу (сурик) қабатымен жабуға рұқсат етіледі.

616. Тісті тәждің қатты бүйірлік тербелуін тісті тәж қапталдары мен түсіру қақпағының арасына металдық төсемдер салу арқылы жоюға рұқсат етіледі.

617. Сауыттық плиталар және бүйіржақ қабырғалар, тиеу және түсіру келте құбырлары мен сәйкес қабырғалар цапфалары арасындағы, ал торы бар шарлы диірмендерде элеваторлары мен бүйіржақ қабырғалары арасындағы саңылауларды цементтік ерітіндімен құюға немесе қойыртпақтың өтуін болдырмайтын басқа әдіспен тығыздауға рұқсат етіледі.

Қойыртпақтың шегендер мен диірмендердің ішкі жақ беттерінде айналыста болуына рұқсаттама берілмейді.

618. Тіректік мойынтіректерді тығыздау, олардың цапфаның толық шеңбері бойынша тығыз жанасуы қамтамасыз етілетіндей реттеледі. Тығыздағышты салған кезде олардың түйісетін жерлері мойынтіректің жоғарғы жағында орналасады.

619. Металдық шегендердің геометриялық өлшемдерінен келесі ауытқулардың болуына рұқсаттама беріледі:

1) ұзындығы мен ені бойынша, мм + 5

2) шегеннің биіктігі, болттық тесіктердің диаметрі және олардың ортааралық ара қашықтықтарының ығысуы бойынша, мм + 2

620. Маркасы 110Г13ТЛ болаттан дайындалған термиялық өңделген плиталар карбидсіз аустениттік құрылымда болады. Плиталардың қаттылығы 170 - 229 Нв шектерінде болады.

621. Резіңке шегеннің формаланған тетіктерінің жұмыстық беттерінде тартылған қабыршақтардың, қатпарлардың, сығымдалмаған жерлерінің болуына, ал тетіктердің кесіндісінде – бос жерлер мен қабатталулардың болуына рұқсаттама берілмейді.

622. Шегендік плиталадрдың әрбір топтамасы олардың сапасын растайтын құжатпен жөнелтіледі.

623. Монтаждалған металдық шегеннің шегендік плиталарының арасындағы саңылаулар 15 мм артық болмауы тиіс.

624. Шегендік болттар шегендік плиталардағы конустық отырғызылатын жерлерге тығыз жанасады. Болттардың бастары плиталардың үстінен және болттардың кесілген бөлігінің қосалқы гайкалардың бетінен шығып тұруы 5 орамнан артық болуына рұқсаттама берілмейді.

625. Цапфаларды жөндеу кезінде келесілерге рұқсаттама берілмейді:

1) сопақтығы 0,8 мм артық болуына;

2) конустылығының барлық ұзындығы бойынша 0,15 мм артық болуына;

3) цапфаның бетінде тереңдігі 0,3 мм үлкен сызаттардың болуына.

626. Диірменнің негізгі тораптарының тозуы келесі мәндерден артық болмайды:

1) жетектік білік-тістегеріштің және тісті тәждің тістері – бөлу шеңбері бойынша тістің бастапқы қалыңдығының – 30 % -нан;

2) шегендік плиталар - ең жұқа жерлерінде алғашқы биіктігінің 70 %;

3) тиеу келте құбырлары – тасымалдау шиыршығы биіктігінің 60 %;

4) түсіру оқпаншалары – қабырғаларының бастапқы қалыңдығының 60 %.

627. Тіректік мойынтіректердің баббиттік қаптамасының қалдық қалыңдығы 3 мм кем болмайды.

628. Диірмендерді қайта шегендеу технологиялық регламентке сәйкес жүргізіледі.

629. Жөндеу стендінде диірмендердің барабандарын айналдырудың және диірмендердің қосалқы жетектерінің жетектік механизмдері барабанды қажетті күйде сенімді ұстауды қамтамасыз ететін тежегіштермен жабдықталады.

630. Диірменнің айналыстық бөлшектерін көтеруге арналған алмалы-салмалы жүк қармағыш құрылғылар әрбір көтеру алдында қаралып, тексеріледі.

631. Диірменнің айналыстық бөлшегін тиеу және түсіру қақпақтарын көтеруге және тасымалдауға арналған ілмектер мен ілгектерін пайдаланып ілуге тыйым салынады.

632. Жөндеу және қызмет көрсетушілердің диірмен барабаны үстінде тұрып жүргізілетін жұмыстарды орындау үшін жұмысты жүргізушілердің қауіпсіздігін қамтамасыз ететін арнайы алаңдар мен баспалдақтар қолданылады.

633. Жұмыс істеп тұрған диірменге тікелей жақын тұрған қызмет көрсетушілерде шудан қорғайтын жеке құралы болады. Шудан қорғайтын жеке құралы жоқ қызмет көрсетушілердің диірменге жақын жерде ауысымда І сағаттан артық емес уақытта болуына рұқсаттама беріледі.

635. Қосымша редукторлардың, ашық тісті берілістер және жалғастыру муфталарының күйін, қалақтар шегендерінің және шиыршықтар инелерінің бекітілуі және күйлері тексеріледі.

636. Жіктегіштерді тек шиыршықтары көтеріліп тұрған кезде іске қосуға рұқсат беріледі. Іске қосқан соң шиыршықты қалыпты жұмыстық күйге жеткенге дейін баяу төмен түсіру жүргізіледі.

637. Жіктегіш астауына материалды беруді жұмыстық күйдегі, шиыршықтары айналып тұрған кезде жүргізуге рұқсат беріледі.

638. Жіктегіштерді келесі жағдайларды жұмысқа қосуға рұқсаттама берілмейді:

1) шиыршық білігінде қатты діріл болған кезде;

2) шиыршық бөлшектерінің немесе жетектік механизмінің бекітілуі босап кеткенде, шиыршықта шегендік плиталар жартылай болмағанда немесе олар сенімсіз бекітілген кезде;

3) шиыршықтың төменгі тірегінің гидравликалық тығыздағышына су берілмеген кезде көтеру механизмдері сырғаларының бағыттағыш паз шегінен шығып кетуі кезінде.

639. Жіктегішті тоқтату алдында жіктегішпен байланысқан диірменге кен беру доғарылады, оның астауындағы құм толық шығарылады және шиыршық жұмыстық емес күйге көтеріледі.

640. Жіктегіш күтпеген себептермен кенет тоқтаған кезде шиыршық лайға батып қалмас үшін оны міндетті түрде жоғарғы күйге көтереді.

641. Жіктегіштің жұмыс істеуі мерзімінде қызмет көрсетушілер келесілерді орындайды:

1) жіктегішке бастапқы материалдың бірқалыпты тиелуін қадағалау;

2) төгіндінің сапасы және құмдардың бірқалыпты түсірілуі, жіктегіштің барлық механизмдерінің қалыпты жұмыс істеуі және шиыршықтың төменгі тірегінің гидравликалық тығыздағыштарына судың уақытылы берілуі қадағаланады;

3) астауға бөгде заттардың – шарлар, әртүрлі металдық бөлшектер, сондай-ақ ірі кен кесектерінің түсіп кетуіне жол бермеу;

4) ақауларды жөндеу, соның ішінде шиыршық шегенін ауысым барысында ауыстыру.

642. Жіктегіштің негізгі тетіктерінің тозуы келесі мәндерден артпайды:

1) ашық тісті берілістер үшін – бөлу шеңберінен есептегенде тістің қалыңдығының 30 %-нан;

2) сырғанау мойынтірегі үшін - үш номиналдық саңылаулардан;

3) қалақтар және қамыттар үшін – бастапқы қалыңдығының 60 %-нан;

4) шегендер үшін – шиыршық қалақтарының шегеннен шығып тұруының қалдық биіктігі 15 мм төмен болмағанға дейін.

643. Шиыршық білігі бөліктерін түйістіру, біліктің төменгі тірегінен есептеген кезде оның 1/3 ұзындығынан артық емес ара қашықтықта жүргізіледі.

644. Шиыршық білігінің тербелуі 2 мм-ден артпайды.

645. Шиыршықты жоспарлық ауыстыру кезінде жіктегіш астауы құмдар мен қырындыдан толық тазартылады.

646. Жіктегіштің жұмысы кезінде тыйым салынады:

1) астаудың ернеуінде тұруға, шиыршықты тазалауға;

2) төгу табалдырығының торына шығуға немесе онда қандай-да бір жұмыстарды жүргізуге;

3) қандай-да бір жөндеу жұмыстарын жүргізуге.

647. Көтеріліп тұрған шиыршыққа арқан ілгіштерді орнатпай тұрып онда жөндеу жұмыстарын жүргізуге тыйым салынады.

Шиыршықтың төменгі ұшына тағылатын арқан ілмек оны қолданар алдында осы жіктегіш шиыршығының салмағынан 25 % ауыр жүктемеге сыналады және жүккөтергіштігі, сонымен қатар сынау уақыты көрсетілген биркасы болады.

648. Екі шиыршықты жіктегіш барабандық диірменмен жалғасқан жағдайда шиыршықты монтаждау және бөлшектеу кезіндегі жөндейтін жұмысшылар жұмыстарының қауіпсіздігін қамтамасыз ету үшін жіктегіш астауы және диірмен арасында арнайы алаңша орнатылады.

650. Ауысымды қабылдау және тапсыру кезінде келесілер тексеріледі:

1) гидроциклонға кірістегі қысым;

2) төгінділер мен құмдардың тығыздығы;

3) гидроциклонға тиейтін сорғы зумпфындағы қойыртпақтың деңгейі;

4) құм және төгінді қораптарының күйі;

5) гидроциклонның барлық қапталдық қосылыстарының тығыздығы.

651. Сорғымен бірге жұмыс істейтін гидроциклонды іске қосу және тоқтату сорғыны іске қосу және тоқтатуға, ал гидростатикалық қысыммен жұмыс істеп тұрған гидроциклонға – сәйкес, қойыртпақты беру немесе беруді тоқтатуға әкеледі.

652. Гидроциклонның өнімді және сапалы жұмысын қамтамасыз ету үшін қызмет көрсетушілер келесілерді қадағалайды:

1) көлемі және қысымы бойынша тиелуді тұрақты ұстауды;

2) құмдық қондырғының күйін қадағалап, оның өте тозуына және кептеліп қалуына жол бермеуді;

3) төгіндінің майдалылығын және тығыздығын және құмдық қондырғыдан шыққан ағынның сипатын бақылауды.

653. Гидроциклонды жұмыс өнімділігі және өнімнің ірілігі бойынша реттеуді сәйкес өлшемді төгінділік және құмдық қондырғыларды таңдау арқылы жүргізеді.

654. Жұмыс кезінде гидроциклонның дірілдеуіне жол берілмейді.

655. Гидроциклонның ішкі беттеріндегі кедір-бұдырлар келесі мәндерден артық болмайды: кіру бөлігінде 2-3 мм, конустық және цилиндрлік бөлігінде 3-5 мм.

656. Жалғанған бөлшектердік осьтерінің сәйкессіздігіне келісілген артық емес шамада жол беріледі:

1) диаметрі 150 мм дейінгі гидроциклондар үшін - 2 мм; 150-ден 750 мм дейінгілерге -2 мм және 1000 мм-ден жоғарыларға - 7 мм;

2) төгу және құмдық тесіктер үшін гидроциклонның - 0,05 диаметрі.

657. рН мәні 7-ден артық ортада жұмыс істейтін гидроциклондардың таспен құйылған шегендерін монтаждау үшін андезит сылағышын қолдануға рұқсаттама берілмейді.

658. Гидроциклондардың беріктігі және тығыздығы оларды жөндегеннен кейін 0,3 МПа (3 кгс/см²) гидравликалық қысыммен тексеріледі.

Сынау ұзақтығы 5 минут.

659. Гидроциклондар олардың төңкерілуіне жол бермейтін тіректерге орнатылады және бекітіледі.

660. Қысымда тұрған гидроциклондарда жөндеу және дәнекерлеп, пісіру жұмыстарын жүргізуге тыйым салынады.

4 – тарау. Байыту жабдықтары

1 - параграф. Флотациялық машиналар
661. Осы талап кендерді байытуға арналған механикалық және пневмомеханикалық флотациялық машиналарға таралады.

662. Ауысымды қабылдау және тапсыруда ауысымды қабылдаушы келесілерді тексереді:

1) камерадағы қойыртпақтың деңгейін реттейтін механизмдердің ақаусыздығын;

2) сыналық белдіктің жинақталуын және керілу дәрежесін;

3) көбікайдағыштардың ақаусыздығын;

4) камералардағы қойыртпақтың деңгейін және күйін;

5) пневмомеханикалық флотациялық машиналардың ауа құбырларындағы бекіткіш органдардың күйін.

Ауысымды қабылдау және тапсыру машинаны тоқтатпай жүргізіледі.

663. Машиналарды жөндеуден кейін немесе ұзақ уақыттық тоқтаудан кейін іске қосу келесі ретте жүргізіледі:

1) камералардың шығару саңылауларын жабу;

2) түсіру қалталарының құмдық саңылауларын ашу;

3) ауалағыш блоктарының электрлік қозғағыштарын кезекпен, қойыртпақтың қозғалыс бағытына қарсы бағытта іске қосу;

4) тиеу қалтасына материал беру;

5) пневмомеханикалық машиналар камерасына ауа беруді іске қосу;

6) көбікайдағыштың электрлік қозғағышын іске қосу;

7) қойыртпақ деңгейін, құмдық және ауа берілетін саңылауды ашу шамасын реттеуді жүргізу.

664. Флотациялық машинаны келесі жағдайларда іске қосуға тыйым салынады:

1) айналыстағы тетіктерінің қорғаныстық қоршауының, қойыртпақ деңгейі және ауалағыш блогының реттегіштерінің ақауы болғанда;

2) камерада бөгде заттар болғанда.

665. Флотациялық машинаны тоқтату келесі ретте жүргізіледі:

1) қойыртпақты беруді тоқтату; камерада қалған қойыртпақты шығару;

2) камералардағы төгу саңылауларын ашу;

3) ауалағыштар блогы және көбік айдау электрлік қозғағыштарын ажырату;

4) камералардағы төгу саңылауларын жабу;

5) ауа беруді тоқтату.

Қысқа уақыттық тоқтатуларда ауалағыштардың лайға батып қалуына қарсы шаралар қолданылған шартта қойыртпақты камерадан шығармауға рұқсаттама беріледі.

666. Лайға батқан ауалатқыш блогын электрлік қозғағышты көп рет қосу арқылы іске қосуға тыйым салынады.

667. Пайдалану үдерісінде қызмет көрсетушілер келесілерді қадағалайды:

1) пульпаның бірқалыпты тиелуін;

2) камералардағы қойыртпақтың деңгейі мен тығыздығын;

3) әрбір камераға уақытылы ауаның және реагенттің берілуін;

4) машинаның техникалық күйін, мойынтіректердің температурасын, сыналық белдіктің тартылу дәрежесін, редукторлар мен көбік айдағышта жағар майдың болуын бақылап, тексеруді;

5) электрлік қозғағыштардың артық жүктемемен жұмыс істеуіне жол бермеуді.

Ұсақ ақауларды (көбік айдағыштың қалақтарын, сыналық белдіктерді ауыстыру және басқалар) жөндеу қызмет көрсетушілердің міндеттеріне кіреді және олар қосымша нұсқаусыз орындалады.

668. Келесі жағдайларда флотациялық машиналардың жұмыс істеулеріне тыйым салынады:

1) түйіскен қосылыстарында қойыртпақтың ағуы болған кезде;

2) құмдық саңылаулар толық жабық болса;

3) ауалағыш блоктарының сыналық белдіктері толық жинақталмаса;

4) жеке ауалағыш блоктар қатты дірілдесе.

669. Флотомашиналардың техникалық күйі келесілерді қамтамасыз етеді:

1) қойыртпақ ағымы бойынша өткізу қабілеті минутына камераның екі еселік көлемінен кем емес;

2) механикалық флотомашиналардың импеллермен ауа соруы камераның 1 м³-на 0,7 м³/мин кем емес.

670. Машинаға түсетін ауаның мөлшерін ауа құбырындағы саңылауды дроссельдеу арқылы реттеуге рұқсат беріледі.

671. Механикалық машиналардың статор дискісінің төменгі жазықтығы мен ауалағыш қалағының шеті арасындағы 4 мм болады.

672. Механикалық машиналардың статорларының сыртқы беті және пневмомеханикалықтағы ауалағыш пен тыныштандырғыштардың арасындағы саңылау 3-7 мм тең болады.

673. Механикалық машиналар ауалағыштарының төменгі жазықтығы мен камера түбінің арасындағы саңылау 25 мм кем болмайды.

674. Секциялар (камералар) шеттері беттерінің жазық еместігі оларды түйістірген кезде 3 мм-ден артық емес саңылауды қамтамасыз етеді.

675. Секциялар мен қалталардың монтаждық тігістерін дәнекерлеп, пісіруді сыртқы жағынан ҚНжЕ 5264-80. Қолмен доғалық дәнекерлеп, пісіру. Дәнекерленіп, пісірілген қосылыстар. Негізгі түрлері, конструктивтік элементтері және өлшемдері бойынша жүргізіледі.

676. Тиеу қалталарын монтаждау кезінде сору келте құбырының қалта қабырғасына тығыз жанасуы қамтамасыз етіледі, оның екінші ұшы статорлық құбырдың тесігіне тығыздалып кіреді.

677. Машинаның төгу табалдырығының түзу сызықтылығы және көлденеңдігінен ауытқуы камераның 1 м ұзындығына 3 мм-ден артық болмайды.

678. Шкивтер мен блоктардың ауалатқыштары статикалық тұрғыдан теңестірілген болады.

679. Блоктың сына тәрізді белдіктерін ауыстыруды бірдей ұзындықтағы жинақтық белдіктермен жүргізуге рұқсат етіледі.

680. Флотациялық машиналардың жұмысы кезінде келесілерге рұқсат етілмейді:

1) сыналық белдіктердің тартылуын реттеуді жүргізуге;

2) қозғалыстағы бөлшектерін жөндеуге және тазалауға.

681. Қызмет көрсетушілер технологиялық регламентке сәйкес флотациялық машиналардың жұмысы кезінде болуы мүмкін ақауларды, олардың туу себептерін және оларды жою жолдарын біледі.

682. Флотациялық машиналардың ауыстырылатын негізгі бөлшектері:

1) ауалағыштар – дайындау кезінде рұқсаттама берілетін мәннен екі есе үлкен теңгерімсіздікте болуы, тозуы және резіңкенің қорғаныстық қабатының тесіле зақымдануы немесе саусақтардың көлденең қимасының 10 %-ға азаюы;

2) статорлар – төменгі бетінің 4-5 мм тереңдікте жергілікті тозуы;

3) диспергаторлар- қалақтардың 5-6 мм-ге жергілікті тозуы;

4) статор құбыры және сору келте құбырлары – қабырғаларының бастапқы қалыңдықтан 60 %-ға тозуы;

5) камералардың шегендері – бастапқы қалыңдығынан 60 %-ға тозуы.