Бейбіт уақытқа арналған Қазақстан Республикасы Қарулы Күштерінің, басқа да әскерлері мен әскери құралымдарының әскери қызметшілерін, әскери бөлімдері мен мекемелерін заттай мүлікпен жабдықтау нормалары

Ескертпелер:

Офицерлер мен келісімшарт бойынша әскери қызметшілерге берілген жеке пайдаланудағы заттай мүлік оны кию мерзімі аяқталғаннан кейін олардың меншігіне өтеді.

Әскери қызметші әйелдер бала күтімі бойынша демалысқа кеткен кезде заттай мүліктің заттарын беру уақытша тоқтатылады, демалыстан шыққан кезде қайта қалпына келтіріледі.

Әскерлерді жазғы және қысқы жабдықтау жоспарлары бойынша уақтылы қамтамасыз ету үшін орталық базалар мен қоймаларда, сондай-ақ басқа да әскерлер мен әскери құралымдардың орталық базалары мен қоймалары жоқ әскери бөлімдерінің қоймаларында жылдық қажеттіліктен 50 пайыз мөлшерінде заттай мүліктің ауыспалы қорын ұстау қажет.

Әскери бөлімдер мен мекемелерде шақтап және үйлестіріп пішу үшін осы заттарға жылдық (біржолғы) қажеттіліктен 10 пайыз мөлшерінде киім-кешек пен аяқ киім дайын заттарының азаймайтын қорын ұстау қажет.

1. Тек теңіз жаяу әскерлері бөлімдерінің әскери қызметші әйелдеріне беріледі.

2. Теңіз жаяу әскерлері бөлімдерінің әскери қызметші әйелдеріне берілмейді.

3. 1-дәрежелі капитан немесе полковник әскери атағы берілген кезде бұрын берілген погондары бар белгіленген түсті астары жылы пальто мен белгіленген түсті қысқы күртешені кию мерзімі аяқталғанға дейін белгіленген түсті қаракөлден тігілген алмалы-салмалы жаға беріледі.

4. Тактикалық әскери басқару органдарының құрамаларында, бөлімдері мен мекемелерінде әскери қызмет өткеретін теңіз жаяу әскерлері бөлімдерінің келісімшарт бойынша әскери қызметші әйелдеріне погондары бар қара түсті тужурка, қара түсті балағы түсіңкі шалбар 3 жыл мерзімге, ал погондары бар қара түсті маусымдық плащ пен қара түсті алмалы-салмалы теріден (қаракөлден) тігілген жағасы мен погондары бар қара түсті қысқы күртеше 4 жыл мерзімге беріледі.

5. Әскери-теңіз күштерінде және Ұлттық қауіпсіздік комитеті Шекара қызметінің теңіз бөлімдерінде далалық белбеу орнына белгіленген түсті былғары белдік белбеу беріледі.

Әскери-теңіз күштері, теңіз жаяу әскерлері бөлімдері, Ұлттық қауіпсіздік комитеті Шекара қызметі теңіз бөлімдері

орта және жоғары әскери оқу орындарының курсанттарын заттай мүлікпен жабдықтаудың

№ 12 нормасы