Бидайық ауылдық округінің әлеуметтік – экономикалық Дамуының 2014 жылғы қорытындылары

Еңбекке жарамды халық саны – 664 адам, оның ішінде жеке кәсіпкерлерде – 10 адам, мемлекеттік және әлеуметтік нысандарда 159 адам (әкімшілік – 9, шағын орталық, мектеп жанындағы интернатпен орта мектепте – 71, дәрігерлік амбулаторияда, фелдшерлік – акушерлік пунктте -7, ауылдық клубта -2, кітапханада – 1, пошта бөлімшесінде – 1, байланыс торабында -1, электрик – 1).

Шаруа қожалықтарындағылар – 54. Аймақтың басқа елді мекендерінде еңбекке орналастырылғандар 30 адам. Үй – үйді аралау нәтижесінде 446 адамдар өзін – өзі жұмыспен қамтылғандар анықталды.

Жұмыс істеп тұрған кәсіпорындар мен мекемелер саны – 10 (ауылдық округ әкімі аппараты ММ, 1 орта мектеп, ауылдық клуб, кітапхана, дәрігерлік амбулатория, пошта бөлімшесі, АТС – 1, электрик – 1).

Әлеуметтік нысандардан ауылда 138 оқушысы бар орта мектеп, дәрігерлік амбулатория және ауылдық клуб, кітапхана жұмыс істеп тұр.

Қызмет көрсету саласында пошта бөлімшесі, 7 дүкен, 1тойхана, 2 мал сою алаңы.

Ауыл ішінде 6,3 шақырым жол тас – құм төселіп жасалған, сумен жабдықтау жүйесі орнатылған, кәріз жүйесі жоқ. Көшелер ішінара жарықтандырылған, автобус қатынасы жоқ.

Ауылда 27 шаруа қожалығы, 10 жеке кәсіпкер жұмыс істейді.

Ауыл шаруашылығы өзінің мамандандыруы бойынша мал және егін шаруашылығына бағытталады, оның ішінде ұсақ шаруа қожалық, қой өсіруін дамыту. Еді мекеннің ауылшаруашылығы мақсатындағы жерлері 181,100 га. Ауылдың ауылшаруашылығы мақсатындағы жерлері 104,181 га. Жайылымдық жерлер - 95062 га.