Анкерлік нүктелерді коррекциялау

Қисық сызықты траекторияның анкерлік нүктелерінің басқарушы маркері болады, ал түзу бөліктерінің анкерлік нүктелері бұрыштық нүкте болады. Форманы салып болғаннан кейін анкерлік немесе бұрыштық нүктелерді қосуға немесе жоюға болады, анкерлік нүктені бұрыштыққа және керісінше түрлендіруге, кез келген формада бар нүктенің орнын алмастыруға болады.

Анкерлік нүктелерді коррекциялау үшін оларды ерекшелеу керек. Объектідегі анкерлік нүктелерді көру үшін Subselection инструментімен объектіні шерту керек. Ерекшеленген контурға анкерлік нүкте қосу үшін Shift пернесін басып тұрып, тышқанды шерту керек. Олардың орнын ауыстыру үшін оларды ерекшелеп алып тышқанмен жылжытамыз. Анкерлік нүктені жақын жерге жылжыту үшін тілше пернелерін пайдалануға болады.

Бұрыштық нүктені анкерлік нүктеге түрлендіру үшін бағыттаушы маркерді жылжыту барысында Alt пернесін басып тұру керек. Ал анкерлік нүктені бұрыштыққа айналдыру үшін нүктені ерекшелеп, Pen инструментімен қисық сызықты нүктеде бір рет шерту керек.

Жұмыс барысында жаңа анкерлік нүкте қосу үшін контурда Pen инструментімен қажетті жерде шерту керек. Ал өшіру үшін Subselection-мен ерекшелеп, Delete пернесін басу керек.