Қазақстан Республикасы Үкіметінің құрылымына кіретін

Қазақстан Республикасы Сыртқы істер министрлігінің төсбелгісі

«Қазақстан Республикасы дипломатиялық қызметiнiң еңбек сiңiрген қызметкерi» төсбелгісi (5-қосымша)

      Шеңбер iшiнде көк түспен орындалған ендiктер мен бойлықтары сызылған диаметрi 23 мм жер шарының айшықты бедерлі бейнесі орналасады. Жер шарының фонында шеңбердің төменгі бөлігінде қалықтаған қыранның алтын түстес бейнесi орналасқан.

      Белгi шеңбер бойымен иiрiлiп келген және жер шарының астымен өтетiн енi 5 мм алтын түстес көлемдi көмкерме лентамен жиектелген. Лентаның жоғарғы бөлiгiнде қара-көк түстi эмальмен орындалған «ҚАЗАҚСТАН РЕСПУБЛИКАСЫ ДИПЛОМАТИЯЛЫҚ ҚЫЗМЕТІНІҢ ЕҢБЕК СІҢІРГЕН ҚЫЗМЕТКЕРІ» мәтiнi орналасқан. Әрiптердiң биiктiгi лентаның жоғарғы бөлiгiнде 2 мм, төменгi бөлiгiнде 1,5 мм. Лента мен жер шарының бейнесi арасында енi 1,5 мм ақ түстi лента өтедi. Лентаның үстiнен жан-жағынан жасыл түспен орындалған лаврлар орналасқан.

      Белгiнiң сыртқы жағында оның реттiк нөмiрi орналасады.

      Белгі киімге визорлы бекіткіші бар түйреуіш арқылы бекітіледі.

Қазақстан Республикасы Энергетика министрлігінің төсбелгісі

«Мұнай-газ саласының еңбек сіңірген қызметкері» (6-қосымша)

      Белгінің бет жағында қара-көк түсті шеңбердің фонында астында алтын түстес мұнай бұрғылау қондырғысының бедерлі макеті, жоғары жақта – алтын түстес ұлттық ою-өрнек элементтерімен мұнай тамшысының бедерлі макеті орналастырылған.

      Белгінің бет жағында шеттерін бойлай алтын түстес фонда «МҰНАЙ-ГАЗ САЛАСЫНЫҢ ЕҢБЕК СІҢІРГЕН ҚЫЗМЕТКЕРІ» деген мәтін бар.

      Белгі киімге визорлы бекіткіші бар түйреуіш арқылы бекітіледі.

«Экология саласының үздігі» (7-қосымша)

      Шеңбердің ортасында Қазақстанның контурлық картасы бейнеленген, фоны күңгірттелген күміс. Картаның ішінде екі жапырақ бар: біреуі көгілдір түсті, екіншісі жасыл түсті. Карта бейнесінің үстінде алтын түстес шаңырақ бейнеленген.

      Белгінің төменгі бөлігінде шеңберді бойлай алтын түстес лента орналасқан, мәтіні күңгірт, оның ортасында үш қатарда күңгірт әріптермен: «ЭКОЛОГИЯ САЛАСЫНЫҢ ҮЗДІГІ» деген жазу орналасады. Белгідегі барлық бейнелер шығыңқы. Белгінің шеттері ернеумен жиектелген.

      Белгі құлақша мен шығыршық арқылы ені 25 мм және биіктігі 15 мм жасыл түсті қатқыл лентамен қапталған, төменгі жағында лавр бұтақтары бар тікбұрышты тағанмен жалғанады.

      Белгі киімге визорлы бекіткіші бар түйреуіш арқылы бекітіледі.

«Еңбек сiңiрген энергетик» (8-қосымша)

      Белгінің бет жағында сегіз ұшты жұлдыздың ортасында көк эмальмен жабылған шеңбер орналасқан. Шеңбердiң ортасында құрамына Қазақстан Республикасының энергетикалық кәсiпорындары кiретiн Қазақстан электр энергетикалық қауымдастығының эмблемасы бейнеленген.

      Шеңбердiң шеттерін бойлай шығыңқы жылтырақ әрiптермен «ЕҢБЕК СІҢІРГЕН ЭНЕРГЕТИК» деген жазу орындалған.

      Белгі құлақша мен шығыршық арқылы ені 24 мм және биіктігі 15 мм тікбұрышты тағанмен жалғанады.

      Белгі киімге визорлы бекіткіші бар түйреуіш арқылы бекітіледі.

«Құрметтi энергетик» (9-қосымша)

      Белгінің бет жағында шеңбер көк эмальмен жабылған. Ортасында құрамына Қазақстан Республикасының энергетикалық кәсiпорындары кiретiн Қазақстан электр энергетикалық қауымдастығының эмблемасы бейнеленген.

      Көк эмальда шеңбердiң бойымен шығыңқы жылтырақ әрiптермен «ҚАЗАҚСТАН РЕСПУБЛИКАСЫ», «ҚҰРМЕТТІ ЭНЕРГЕТИК» деген жазулар орындалған, бұдан әрi шеңбердiң шеттерін бойлай бедерлі шығыңқы лавр бұтақтары бейнеленген.

      Белгі киімге визорлы бекіткіші бар түйреуіш арқылы бекітіледі.

      «Жер қойнауының құрметті барлаушысы» төсбелгісі диаметрі 24 мм шеңберге сызылған, биіктігі 35 мм қырланған бесбұрышты нысандағы сары түсті металдан (латуньнан) дайындалады.

      Төсбелгі екі бөліктен тұрады: осы төсбелгінің жоғарғы (аспа) және төменгі тағаны. Төсбелгі шығыршық пен құлақша арқылы аспамен жалғанған.

      Шеңбердің төменгі жартысында бір қолымен геологиялық балғаға сүйеніп тұрған, екінші қолында таужынысының айшықты үлгісін ұстап тұрған геология барлаушысының айшықты күміс мүсіні бейнеленген.

      Шеңбердің ортасында Қазақстан Республикасы картасының жасыл сұлбасы, оның сол жақ жоғары бөлігінде айшықты күміс бұрғылау мұнарасы бейнеленген.

      Шеңбердің жоғары жартылай шеңбері бойынша көгілдір фонда - қазақ тілінде күміс әріптермен «Жер қойнауының құрметті барлаушысы» деген жазу.

      Төменгі жартылай шеңбердің қарсы жақтарында - күміс лавр бұтақтары.

      Шеңбер ортасынан шашыраған күміс сәулелер көрінеді. Қырланған бесбұрыш алаңы алтынмен қапталған.

      Төсбелгінің теріс жағында шығыңқы алтын әріптермен алтын фонда:

     «Геологиядағы зор еңбегі үшін» деген жазу жазылады:

      Әрбір жазудан кейін ұлттық ою-өрнек бейнеленген.

      Аспаның тағаны мемлекеттік ту бейнеленген төсем түрінде тікбұрыштан және алтынмен қапталған ұлттық ою-өрнек бейнеленген үшбұрыштан жасалған.

      Төсбелгі киімге визорлы бекіткіші бар түйреуіш арқылы бекітіледі.
      «Жер қойнауын барлаудың үздігі» (11-қосымша)

      «Жер қойнауын барлаудың үздігі» төсбелгісі шағын шығыңқылығы бар металл дискі нысанындағы сары түсті металдан (латуньнан) дайындалады, шеңбердің диаметрі 30 мм, қалыңдығы 2 мм. Дискінің шығыңқы жағында жазулар мен бейне-нышандар салынған:

      дискінің тұйық айналасында ені 3 мм болатын алтын жалатылған лента жолағы өтеді, оның үстінде қазақ тілінде көк түсті әріптермен – жоғарғы жартысында – «Қазақстан Республикасы», төменгі жарытысында «Жер қойнауын барлаудың үздігі» деген жазу жазылады. Жазулар ұлттық ою-өрнек элементтерімен бөлінген;

      дискінің шеңберінде Қазақстан Республикасы картасының сұмасы (карта жасыл эмальмен қапталған);

      карта сұлбасының ортасында екі айқасқан алтын түсті геологиялық балға;

      карта сұлбасының жоғарғы бөлігінде алтын түсті айшықты бұрғылау мұнарасы бейнеленген;

      шеңбердің жоғарғы бөлігін (бұрғылау мұнарасының жартысы деңгейінде) айшықты сейсмотолқын қиып өтеді.

      Белгі шеңберінің бос алаңы көгілдір эмальмен құйылған.

      Төсбелгі киімге визорлы бекіткіші бар түйреуіш арқылы бекітіледі.