Ән: «Қазақтың дастарқаны» 4 «А» класс
2-жүргізуші: Кедеймін деп қысылма,
Өнерің болса қолыңда.
Өнерлінің ырысы
Жарқырап жатыр жолында.
Сайыста ән салайық, би билейік,
Өнермен өрге басып кідірмейік, - келесі жеңгелеріміз өз өнерлерін көрсетеді.
Өлеңдер оқылады. 1-2-класс
1-жүргізуші: «Салт-дәстүрім – таусылмайтын байлығым» демекші келесі кезекті салт-дәстүрге берейік.
Би: «Қара жорға» 2 «А» класс
2-жүргізуші: «Ас-адамның арқауы» демекші ендігі бөлім ұлттық тағамдарға арналады.
Ұлттық ойын: «Арқан тартыс»
1-жүргізуші: Көрсетті өнерлерін жаңа ғана,
Сыналып үлкендерден үлгі алуға.
Салты бар өнерлі осы ортада,
Берер деп әділ-қазы әділ баға – деп, әділ – қазыларға сөз кезегін береміз.
Қыдыр ата балаларға сыйлықтарын беріп, қоштасып кетеді.
2-жүргізуші: Құрметті ата - аналар және көрермендер, мерекелеріңізбен!
«Ұлыстың ұлы күні құтты болсын»
«Наурызға ақ жол»
«Жыл басы наурыз»
Мол болсын дәм - тұз»
Құттықтау сөзі директордың оқу-тәрбие жөніндегі орынбасарына, ата-аналарға беріледі.
ҚҰСТАР – БІЗДІҢ ДОСЫМЫЗ.
Мақсаты: оқушыларға табиғатымыздың сәні болып келетін құстар жайлы тереңірек мағлұмат беру; балаларды табиғатымызды аялауға, құстарға қамқор болуға, адамгершілікке тәрбиелеу.
Тәрбие сағатының барысы:
Мұғалім: Балалар, біз сендермен табиғат деген бізді қоршаған орта - тау, тас, су, ауа, жер, өсімдіктер, жануарлар екенін білеміз. Біз бүгін табиғаттың бір бөлігі – табиғаттың көркі, сәні, бақшаның әні болған құстар тақырыбына тоқталайық деп отырмыз.
Қазақстанда құстардың 480 түрі бар екен. Құстардың жылы жаққа кетуінің басты себебі – жемнің азаюы. Күн салқындап, құрт-құмырсқалар қуысқа тығылып қалады. Құстар топтала ұшып, лек-легімен жылы жаққа кете бастайды.
Көктемде олардың қайта оралу себебі – ол жақ өте ыстық болғандықтан, жұмыртқалары шіріп кетеді де, ұрпақ өрбіте алмайды. Аз күнде біздің «қанатты достарымыз» туған жерге қайта оралады. Сол достарымызға арналған тәрбие сағатын бастайық.
Сұрақ-жауап:
Құстардың қандай пайдасы бар?
Ағаштың қандай пайдасы бар?
Құстар болмаса ағаш, бақ іші қандай болар еді?
Құстар болмаса бақ сәні бола ма?
Достарыңызбен бөлісу: |
