Дипломатиялық және мемлекеттік құжаттарды рәсімдеу
жүктеу/скачать 2.02 Mb. Pdf көрінісі
|
|
44-тапсырма. Пресс-релиз үлгісін оқыңыз. Пресс-релиз 2009 жылдың 20 қарашасында әл-Фараби атындағы Қазақ ұлттық университеті халықаралық қатынастар факультетінде «Тілдерді шет тілі ретінде деңгейлеп оқыту тәжірибесі» атты тақырыпта республикалық ғылыми- әдістемелік конференция өтеді. Конференцияда қарастырылатын мәселе тілдерді шет тілі ретінде оқытудағы өзекті тақырып болып табылады, өйткені еліміздегі жоғары оқу орындарында шет тілдерін оқыту сапасын көтеру, оларды деңгейлеп оқытудағы мәселелерді талқылау өте маңызды. Қазақстан тәуелсіздігін жариялап, әлемдік қауымдастықтың тең құқылы мүшесіне айналғалы бері елімізде шет тілдерін, сондай-ақ мемлекеттік тіліміз – қазақ тілін оқыту мәселесі кезек күттірмейтін шаралардың біріне айналды. Өйткені Қазақстан Республикасының өкілі ретінде шет мемлекеттерге қызметке баратын мамандар ең алдымен, мемлекеттік тілімізді, оған қоса барған елдің тілін жетік меңгеруі тиіс. Сондықтан конференцияда талқыға ұсынғалы отырған деңгейлеп оқыту мәселесі тілдерді сапалы оқытудағы аса маңызды аспектілердің бірі болып табылады. Конференция мақсаты – республикамыздың жоғары оқу орындарының тәжірибелі оқытушыларын, ғылыми-зерттеу институттарының білікті мамандарын қатыстыра отырып, тілдерді шет тілі ретінде оқытудың тиімді де озық әдістерін талқылау, тілдерді деңгейлеп оқытудың ерекшеліктері мен өзекті мәселелерін ортаға салу, тілдерді оқытудың, әсіресе мемлекеттік тіліміз – қазақ тілін оқытудың тиімділігін арттыру. Конференцияның бағдарламасында пленарлық және секциялық мәжілістер өткізіледі. Конференция жұмысына Қазақстанның белгілі ғалымдары қатысады. Конференцияның ашылуы сағат 10.00-де әл-Фараби атындағы Қазақ ұлттық университетінің халықаралық қатынастар факультетінің Г.Ш. Жамбатырова атындағы мәжіліс залында (508) өтеді. Конференция жұмысы келесі екі бағыт бойынша ұйымдастырылған: 1-секция: Тілдерді деңгейлеп оқытудың әлемдік және қазақстандық тәжірибесі. (13.30. 508 дәрісхана) Конференция жұмысының бірінші бағыты 63 бойынша шет тілдерін оқытудың әлемде қалыптасқан стандарттары, тілдерді шет тілі ретінде деңгейлеп оқытудағы мультимедиалық технологиялар, тілдерді деңгейлеп оқытудағы қиындықтар, сондай-ақ жалпы шет тілдерін оқыту үдерісіндегі маңызды мәселелер қарастырылады. 2-секция: Қазақ тілін шет тілі ретінде деңгейлеп оқыту тәжірибесі. (13.30. 702 дәрісхана) Екінші бағыт бойынша мемлекеттік тілді деңгейлеп оқытудың өзекті мәселелері, қазақ тілінің халықаралық стандартқа сай оқытылу деңгейі, мемлекеттік тілді деңгейлеп оқытудың жаңа әдістерін дамыту және тағы басқа мәселелер қарастырылады. Ұйымдастыру комитеті жүктеу/скачать 2.02 Mb. Достарыңызбен бөлісу:
|