Дүние жүзі тарихы пәні бойынша Талапкерлерді кешенді тестілеуге

2016 жылғы______________

№_______бұйрығымен бекітілді
Дүние жүзі тарихы пәні бойынша Талапкерлерді кешенді тестілеуге

(негізгі орта білім негізінде оқуға түскен техникалық және кәсiптiк бiлiм беру ұйымдарының бiтiрушiлерiне) арналған

тест спецификациясы
(2016 жылдан бастап Талапкерлерді кешенді тестілеуге қолдану үшін бекітілген)
Бұл құжат Жалпы білім беретін пәндер бойынша техникалық және кәсіптік білімнің үлгілік оқу бағдарламасына сай әзірленген. Ұлттық тестілеу орталығының жанындағы жалпы білім беру пәндері бойынша Ғылыми-әдістемелік кеңестің отырысында келісілді.

Мақсаты: Қазақстан Республикасының жоғары оқу орындарына қабылдау мақсатында негізгі орта білім негізінде оқуға түскен техникалық және кәсіптік білім беру ұйымдарын бітірушілердің дүние жүзі тарихы пәні бойынша білім деңгейін анықтау.

Тест мазмұны: Тест тапсырмаларының қиындығы 3 деңгейде беріледі: бірінші деңгейде - 12, екінші деңгейде – 8, үшінші деңгейде – 5 тапсырма.

Тест Техникалық және кәсіптік білім берудің үлгілік оқу бағдарламасына сәйкес дүние жүзі тарихы пәні бойынша мына бағыттағы оқу материалдарынан тұрады:

• 
  ежелгі дүние тарихының негізгі кезеңдерін; тарихтағы жыл санау жүйесін;
  
• 
  ежелгі дүниедегі алғашқы қоғамдық құрылыс мен мемлекеттер тарихының өзіндік ерекшеліктерін; алғашқы өркениет ошақтарын, олардың маңызын;
  
• 
  Қосөзен, Египет, Азияның оңтүстік-батысындағы, Орта жəне Орталық Азиядағы, Оңтүстік жəне Шығыс Азиядағы ежелгі мемлекеттердің, қалыптасу, даму ерекшеліктерін, қоғамдық құрылысын, мəдениеттегі жетістіктерін;
  
• 
  Орта Азия халықтарының грек-македон басқыншыларына қарсы күресін;
  
• 
  ежелгі дүние тарихында болған аса маңызды оқиғаларды;
  
• 
  мəдени-экономикалық дамудағы Ұлы Жібек жолының сауда жолы ретіндегі маңызын;
  
• 
  Ежелгі Грекия мен Римде мемлекеттің пайда болып дамуының өзіндік ерекшеліктерін, мəдени өмірін жəне антика мəдениетінің əлемдік мəдениетке қосқан үлесін;
  
• 
  əр түрлі халықтар мен этностардың мифтерін, аңыздарын жəне шежірелерін;
  
• 
  əлемдік діндер мен философиялық ағымдарды (конфуцийлік, буддизм, христиандық);
  
• 
  орта ғасырдағы дүние жүзі тарихының негізгі кезеңдерін;
  
• 
  ортағасырлық қоғамның негізгі белгілері мен ерекшеліктерін;
  
• 
  феодалдық қатынастардың мəнін;
  
• 
  орта ғасырлардағы қоғамның əлеуметтік құрамын;
  
• 
  орта ғасырлардағы жер иеленудің, салықтың негізгі түрлерін;
  
• 
  орта ғасырлардағы мемлекеттік құрылыс пен билік түрлерін;
  
• 
  V-X ғасырлардағы Батыс жəне Орталық Еуропада, Таяу Шығыста орталықтанған мемлекеттердің құрылуының алғышарттары мен хронологиясын;
  
• 
  VІ-Х ғасырлардағы арабтардың орта ғасырлық тарихын, ислам дүниесіндегі мəдениеттің ерекшеліктерін;
  
• 
  ХІ-ХV ғасырлардағы Еуропа мемлекеттері дамуындағы ерекшеліктерді;
  
• 
  крест жорықтарының нəтижелерін;
  
• 
  ортағасырлардағы Шығыс əлемінің тарихи көрінісін;
  
• 
  ХІ-ХV ғасырлардағы Орта жəне Орталық Азия мемлекеттерінің əлеуметтік дамуын;
  
• 
  моңғол-татар шапқыншылығы қарсаңындағы феодалдық бытыраңқылықты;
  
• 
  орыс жерлерін біріктірудің аяқталуы мен Алтын Орданың құлауын;
  
• 
  орта ғасырдағы тарихи тұлғалар мен ғылымның, мəдениеттің көрнекті қайраткерлерін;
  
• 
  орта ғасырдағы өркениет аймақтары жəне олардың маңызын білуі тиіс;
  
• 
  жаңа замандағы дүниежүзі тарихының хронологиялық шеңберін, негізгі кезеңдерін;
  
• 
  Англиядағы капиталистік өндірістің дамуындағы ерекше белгілерді;
  
• 
  ағартушылық дəуірдің еуропа қоғамының дамуына əсерін;
  
• 
  отарлау саясатының мəнін, отаршылдыққа қарсы қозғалыстарды;
  
• 
  Солтүстік Америкадағы отарлық жүйенің негізгі белгілерін, тəуелсіздік үшін соғыстың тарихи маңызын;
  
• 
  Француз буржуазиялық революциясының себебі мен нəтижесін;
  
• 
  ХVІІІ ғасырдағы Ресейдің даму ерекшеліктерін;
  
• 
  ХVІІ-ХVІІІ ғасырлардағы Үндістан, Осман империясы, Қытай, Иран, араб елдерінің əлеуметтік-экономикалық дамуын;
  
• 
  Азия мен Африка елдеріндегі отарлық езгінің зардаптарын;
  
• 
  ХVІІ-ХІХ ғасырлардағы дүниежүзі мəдениетінің негізгі жетістіктерін, мəдениеттің дамуына үлес қосқан көрнекті тұлғаларды;
  
• 
  ХІХ ғасыр–ХХ ғасырдың басындағы дүние жүзі елдерінің дамуында болған негізгі белгілер мен ерекшеліктерін; капитализмнің пайда болуы мен дамуын;
  
• 
  революциялық жəне эволюциялық жолдармен қоғамдық қатынастардың өзгеру мүмкіндіктерін;
  
• 
  революциялардың себептері мен реформалардың қоғам дамуындағы баламалы жолын;
  
• 
  қоғамдағы жаңа əлеуметтік құрылымды жəне оның реформалардағы қарама қайшылықтарды шешу құралы ретіндегі рөлін;
  
• 
  ХІХ ғ.–ХХ ғасырдың басындағы дүние жүзі елдерінің даму үдерісін жəне негізгі ерекшеліктерді;
  
• 
  халықаралық қатынастардың өзекті мəселелерін;
  
• 
  ХІХғ.-ХХ ғасырдың басындағы мəдениеттің дамуын, əлемдік ғылым мен көркем мəдениеттің маңызды жетістіктерін жəне оның жеке тұлғаның дамуына əсерін білуі тиіс;
  
• 
  шетелдердің қазіргі заман тарихындағы негізгі оқиғалар мен құбылыстарды; ХХ ғ.–ХХІ ғ. басындағы дүние жүзінің саяси картасындағы өзгерістерді;
  
• 
  ақпараттық қоғамға өту үдерісінің динамикасын анықтайтын негізгі факторларды;
  
• 
  ХХ ғ.–ХХІ ғ. басындағы ғылым мен мəдениеттің маңызды жетістіктерін;
  
• 
  ХХ ғ.–ХХІ ғ. басындағы маңызды əлеуметтік жəне ұлттық қозғалыстардың сипаты мен бағыттарын жəне саяси партиялар мен күштердің əлеуметтік негіздерін;
  
• 
  ХХ ғ.–ХХІ ғ. басындағы əлемнің негізгі аймақтары мен елдер топтарының саяси, экономикалық жəне əлеуметтік дамуындағы маңызды бағыттарды;
  
• 
  дүниежүзінің əртүрлі елдеріндегі саяси режимдердің ортақ белгілерін жəне жеке елдердің даму ерекшеліктерін;
  
• 
  дүние жүзінің ірі елдерінің экономикалық дамуының ортақ белгілерін сипаттау жəне жеке елдердің даму ерекшеліктерін;
  
• 
  ХХ ғ.–ХХІ ғ. басындағы халықаралық қатынастар дамуының негізгі бағыттарын білуі тиіс.
  

Тесттің бір тапсырмасын орындап шығуға берілген уақыт – 1,5 минут. Тесттің толық орындалу уақыты – 37,5 минут.

Бір тестте 25 сұрақ. Тест нұсқаларының баламалығы:

- тесттердің спецификацияға сай құрылуымен;

- өзара ауыстыруға келетін тапсырмалардың әр түрлі нұсқаларда бір орында келуімен;

- барлық нұсқаларда қиындық деңгейінің бірдей болып келуімен жүзеге асырылады.

Тапсырма формасы:

Тестте берілген бес жауап нұсқасынан бір дұрыс жауапты таңдау керек.