(g) СФС режимнің СФС бойынша ДСҰ келісімінің жекелеген ережелерімен сәйкестігі

(g) СФС режимнің СФС бойынша ДСҰ келісімінің жекелеген ережелерімен сәйкестігі

- (i) Халықаралық стандарттармен және нормалармен үйлестіру

650. 
     Кейбір мүшелер КО Комиссиясының № 721 шешіміне сәйкес, егер ДСҰ мүшесі ЕАЭО-ға мүше мемлекеттің бірін ЕАЭО аумағында қолданылатын СФС талабы халықаралық стандартқа қарағанда неғұрлым қатаңдау болып табылатынын ресми хабардар еткен жағдайларда, халықаралық стандарттарға сәйкес тәуекелді бағалау берілгенге дейін халықаралық стандарт қолданылатынына кепілдік беруді сұрайды.
     

650. 
     Қазақстан өкілі Жұмыс тобының мүшелеріне КО-ның 2011 жылғы 7 сәуірде КО Комиссиясының 2011 жылғы 22 маусымдағы және 2012 жылғы 7 наурыздағы №11 шешімдерімен енгізілген өзгерістермен бірге, «КО-ның санитариялық, ветеринариялық және фитосанитариялық шараларды қолдану саласындағы құқықтық актілерін халықаралық стандарттармен үйлестіруді қамтамасыз ету туралы» №625 шешім (бұдан әрі: КО Комиссиясының №625 шешімі) қабылдағаны туралы хабарлады. Осы Шешімге сәйкес, сараптама нәтижелері бойынша халықаралық стандарттармен салыстырғанда неғұрлым шектеулі сипатта деп танылған ЕАЭО СФС шаралары, осындай шектеуді ғылыми негіздеу немесе адамның өмірі мен денсаулығына, жануарларға немесе өсімдіктерге тәуекелі болмаған кезде халықаралық стандарттарға сәйкес келтіруге жатады. Ол шет мемлекеттердің үкіметтері ЕАЭО-ға мүше мемлекеттердің назарын осындай шараларға аудара алады және оларға сараптама жасауға қатыса алады деп атап өтті.
     

650. 
     Бұдан әрі, Қазақстан өкілі Жұмыс тобының мүшелеріне КО Комиссиясының №625 шешімін іске асыруға байланысты, ЕЭК Алқасының 2012 жылғы 6 қарашадағы №212 шешімімен «Кеден одағының санитариялық, ветеринариялық және фитосанитариялық шараларды қолдану саласындағы құқықтық актілеріне сараптама жүргізудің бірыңғай рәсімі туралы ереженің» бекітілгенін хабарлады, ол Комиссияның 2011 жылғы 23 қыркүйектегі №801 шешімін ауыстырып отыр. Жұмыс тобының кейбір мүшелері қолдану рәсімі шамадан тыс ауыртпалықты және ұзақ болатынына алаңдаушылық білдірді.
     

650. 
     Қазақстан өкілі, ЕАЭO хлороталонил, клофентезин, ципродинил, крезоксим-метил, ипродион, промокарб, примикарб, тиабендазол, карбендазим, фамоксадон, мыс пен лямбда цихалотрин қоспасы үшін БЖД-ні Санитариялық және фитосанитариялық шараларды қолдану жөніндегі ДСҰ келісіміне сәйкес халықаралық стандарттарға сәйкес, Қазақстанның ДСҰ-ға кірген күнінен кешіктірмей қолданатынын және осы БЖД ЕАЭO-ның актілерінде жазылатынын растады. Жұмыс тобы осы міндеттемені назарға алды.
     

650. 
     Жұмыс тобы Мүшелерінің бірі ветеринариялық препараттардың БЖД-ін үйлестіру процесі, егер препараттарға Қазақстанда/ ЕАЭO-да экспорттаушы елдердегіге ұқсас жағдайларда рұқсат берілсе, атап айтқанда ағзадан шығу кезеңі бірдей болса, тамақ өнімдеріндегі ветеринариялық препараттардың нөлдік деңгейін немесе құрамында өте төмен жол берілетін деңгейін болғызбауды көздеуге тиіс екенін айтып өтті. Мүше одан әрі Қазақстанда ағзадан шығу деңгейі қалай белгіленетінін, ағзадан шығудың осы кезеңі кейбір антимикробтық препараттарға қолданылатын өте қатаң БЖД қол жеткізуге қалай мүмкіндік беретінін түсіндіруді өтінді және ЕАЭО талап ететін құрамында тетрациклин бар препараттар үшін БЖД-ге қол жеткізуге мүмкіндік беретін осы ағзадан шығу кезеңі сұрау салған Мүшелерге хабарлана ма деп сұрады. Мүше маркетингтік рұқсаттар үшін ХЭБ ұсынымдары ескерілетінін және Қазақстандық ветеринариялық орган маркетингке рұқсат берген кезде ұсынылған зерттеулерде пайдаланылған БЖД ЕАЭО нормаларында жуырда белгіленген БЖД сияқты болып табылатынын растауды өтінді.
     

650. 
     Қазақстан өкілі тағамдағы ветеринариялық препараттар қалдықтарының нөлдік деңгейі немесе төменгі жол берілген деңгейі тәуекелдерді бағалау негізінде белгіленген деп жауап берді. Қазақстанда осындай втеринариялық препараттарды пайдалануға рұқсат беру осы ветеринариялық препараттар үшін белгіленген БЖД сақталмауы мүмкін дегенді білдірмейді. Қазақстан аумағында ветеринариялық препараттарды пайдалануға рұқсат беру препараттардың жануарлар ағзасынан шығу кезеңі ескеріліп белгіленген. Бұған қоса, қалдық деңгейлердің ең төменгі болуы рұқсат етілетін ерекшелікті органдар мен тіндерде осы препараттардың шоғырлануы да назарға алынады. Ветеринариялық препараттар мен жемшөп қоспаларын тіркеу үшін өтініш беруші ұсынған құжаттар топтамасында сол уақыт ішінде препарат организмнен толық шығарлатын немесе ЕАЭО заңнамасында белгіленген тиісті БЖД-ден төмен болатын кезең туралы ақпарат қамтылған. Бұл ақпарат ғылыми негіздемемен расталады. Препараттың организмнен шығу кезеңі құзыретті орган жүргізген зерттеулерді сынамалаумен тексерілген. Қазақстан өкілі бұдан әрі құрамында терациклин бар препараттар үшін ЕАЭО талап ететін БЖД-ге қол жеткізуге мүмкіндік беретін ағзадан шығу кезеңі 7 күннен 15 күнге дейінгі аралықта құбылатынын атап айтты. Қазақстан белгілі бір ветеринариялық препаратпен қоса берілетін нұсқамаға сәйкес қана жемшөпте антибиотиктерді пайдалануға мүмкіндік береді. Бұдан әрі ол Қазақстан маркетингтік рұқсаттарда ХЭБ ұсынымдарын сақтайтынын растады.
     

650. 
     Қазақстан өкілі кейбір ветеринариялық препараттардың белгілі бір стандарттары КО Комиссиясының 2011 жылғы 9 желтоқсандағы №889 шешімімен халықаралық стандарттарға сәйкес келтірілгенін растады. Бүгінгі таңда, тәуекелдерді алдыңғы бағалау нәтижелері қалған ветеринариялық препараттар үшін БЖД-ні үйлестіру жөніндегі жұмыс шеңберінде қайта қаралуда. ЕАЭО-ға мүше мемлекеттердің бір жүргізетін тәуекелдерді бағалау нәтижелері ұлттық құзыретті органдардың ресми веб-сайттарында жарияланады. Бүгінгі таңда, ветеринариялық препараттар үшін қалған БЖД-ні үйлестіру процесс үстінде және Қазақстан ДСҰ-ға кірген күнге дейін аяқталатын болады, бұған халықаралық стандартта негізделмеген БЖД-ні қолдану Санитариялық және фитосанитариялық шараларды қолдану туралы ДСҰ келісіміне сәйкес негізделген жағдайлар қосылмайды. Жұмыс тобы осы міндеттемені назарға алды.
     

650. 
     Ластаушылардың барынша жоғары деңгейіне келер болсақ, Қазақстан өкілі Мүшелерге сүтшөп салатындағы нитраттар мен көкнәр тұқымындағы кадмийдің барынша жоғары деңгейі қаралғанын және халықаралық ұсынымдарға сәйкес қайта қаралғанын және КО Комиссиясының №299 шешімімен белгіленген Бірыңғай санитариялық-эпидемиологиялық талаптарға түзетулерде белгіленгенін хабарлады.
     

650. 
     Бұдан басқа, Қазақстан өкілі, Қазақстанның ДСҰ-ға кіретін күні, нитраттардың барынша жоғары деңгейі халықаралық стандарттарға, ұсынымдар мен нұсқаулықтарға сәйкес қайта қаралатынын растады. Жұмыс тобы осы міндеттемені назарға алды.
     

650. 
     Қазақстан өкілі, радионуклидті деңгейлер мен микробиологиялық стандарттар халықаралық стандарттарға сәйкес қайта қаралғанын мәлімдеді. Бұл ұсыныстар Қазақстан ДСҰ-ға кіретін күні халықаралық стандарттарға сәйкессіздікті болғызбау үшін белгіленген тәртіппен ЕЭК-ке беріледі.
     

650. 
     Кейбір мүшелер халықаралық стандарттарға қарағанда, тетрациклиндер үшін неғұрлым шектейтін сипаты бар және шектеу сипатының халықаралық стандарттар мен ұсынымдарға сәйкес тәуекелді бағалау түріндегі негіздемесі мен ғылыми негіздемесі жоқ ЕАЭО-ның БЖД-ге қатысты алаңдаушылық білдірді. Осы мүшелер Қазақстан мен ЕАЭО-ға басқа мүше мемлекеттерге тетрациклиндер үшін Кодекстің БЖД- стандарттарын қолдануға өтініш білдірді. Осы мүшелер тәуекелді бағалаудың кейбір нысаны http://fcrisk.ru/node/652 сайтында жарияланғанын айтып өтті және Мүшелер мерзімі және тәртібі бойынша алаңдаушылық білдірді және осы бағалаудың халықаралық стандарттарға сай жүргізілмегеніне алаңдаушылық білдіріп өздерінің ескертулерін ұсынды. Жұмыс тобының Мүшелері, БЖД-ны үйлестіру процесі, егер бұл препараттарға экспорттаушы елдердегіге ұқсас жағдайларда ЕАЭО рұқсат берсе, тамақ өнімдерінде ветеринариялық препараттардың болуына тыйым салуды немесе өте төмен жол берілетін деңгейін болғызбауды көздеуге тиіс екенін атап өтті. Қорытындылай келгенде, осы мүшелер КО Комиссиясының «Кеден одағының санитариялық, ветеринариялық және фитосанитариялық шараларын қолдану саласындағы құқықтық актілерін халықаралық стандарттармен үйлестіруді қамтамасыз ету туралы» 2011 жылғы 7 сәуірдегі № 625 шешімін және КО Комиссиясының 2011 жылғы 22 маусымдағы № 721 шешімін толықтай бекіту және қолдану туралы өтінумен жүгінді.
     

650. 
     Қазақстан өкілі, Қазақстан ДСҰ-ға кірген күнге дейін кез келген мүдделі тұлғаға Алиментариус Кодексімен айқындалған ғылыми бағалау әдістеріне сәйкес жүргізілген, Кодекстің тиісті стандарттарында көзделгенге қарағанда неғұрлым қатаңдау БЖД қолдануды негіздеуге жеткілікті, тетрациклин антибиотиктерінің қалдықтарымен байланысты ғылыми негіздеме мен тәуекелді бағалауды ұсынатынын растады. Егер мұндай ғылыми негіздеме мен тәуекелді бағалау неғұрлым қатаңдау БЖД бойынша ұсынылмаса, тетрациклин үшін БЖД Санитариялық және фитосанитариялық шараларды қолдану жөніндегі ДСҰ келісімінің ережелеріне сәйкес Қазақстан Республикасы ДСҰ-ға кірген күні Кодекстің стандарттарына сай ұлттық актілер мен ЕАЭО актілерінде қайта қаралатын болады. Жұмыс тобы осы міндеттемені назарға алды.
     

650. 
     Мүшенің сұрағына жауап ретінде, Қазақстан өкілі Қазақстанның тетрациклиннің БЖД тәуекелін бағалауды халықаралық стандарттарға сәйкес жүргізгенін айтты. Қорытындысы http://www.npc-ses.kz/index.php?option=com_content&view=article&id=940%3Amaterials-for-human-health-risk-assessment-of-tetracycline-intake-with-food&catid=35% 3A2010-11-19-10-11-22&lang=ru жарияланды.
     

650. 
     Мүшелердің бірі Қазақстанның, СФС жөніндегі ДСҰ келісімінің 3.1-бабын қолдану кезінде, Қазақстан ДСҰ-ға кірген кезеде халықаралық стандарттарға, нұсқаулықтар мен ұсынымдарға негізделуі үшін барлық қолданыстағы санитариялық және фитосанитариялық шараларды қайта қарауды немесе егер Қазақстан не ЕАЭО халықаралық стандарттар тиісті қорғау деңгейіне сай келмейді деп санаған жағдайда, мұндай шаралар СФС жөніндегі ДСҰ келісімінің 3.3-бабына сәйкес ғылыми негізделуге тиіс екенін растауын өтінді. Мүшелер егер тиісті ғылыми негіздеме жеткіліксіз болса, Қазақстан СФС жөніндегі ДСҰ келісімінің 5.7-бабын сақтайтынын растауды өтінді.
     

650. 
     Қазақстан өкілі ДСҰ-ға кірген күннен бастап, Санитариялық және фитосанитариялық шараларды қолдану жөніндегі ДСҰ келісімінің 3.1-тармағын қолдану кезінде, Қазақстанның немесе ЕАЭО-ның құзыретті органдары қабылдаған барлық санитариялық және фитосанитариялық шаралар ДСҰ келісімінде көзделген халықаралық стандарттарға, нұсқаулықтарға немесе ұсынымдарға негізделетінін айтты. Қазақстан өкілі, міндетті ветеринариялық немесе фитосанитариялық немесе санитариялық-эпидемиологиялық және гигиеналық талаптар ЕАЭО деңгейінде немесе Қазақстанның ұлттық деңгейінде белгіленбеген болса, Қазақстанның ХЭБ, ӨҚХК және Кодекстің тиісті стандарттарын, нұсқаулықтарын немесе ұсынымдарын қолданатынын растады. Бұған қоса, Қазақстан өкілі халықаралық стандарттарда, нұсқаулықтар мен ұсынымдарда бар болса да, оларға негізделмеген шаралар, Санитариялық және фитосанитариялық шараларды қолдану жөніндегі ДСҰ келісіміне, оның ішінде 3.3-бабына сәйкес осы шаралардың ғылыми негіздемесі мүшелерге ұсынылмаса, Қазақстанда қолданылмайтынын растады. Тиісті ғылыми негіздеме жеткіліксіз болған жағдайларда, Қазақстан немесе ЕАЭО құзыретті органдары қабылдаған кез келген шара Санитариялық және фитосанитариялық шараларды қолдану жөніндегі ДСҰ келісіміне, атап айтқанда осы Келісімнің 5.7-бабына сәйкес болатынын ол растады. Егер халықаралық стандарттар тиісті қорғаныс деңгейіне сай келмесе, Қазақстан Санитариялық және фитосанитариялық шараларды қолдану жөніндегі ДСҰ келісімінің 5.8-бабына сәйкес, Қазақстанда қолданылатын шаралардың ғылым негіздемесін қамтамасыз ететін болады. Қазақстан өкілі, қазіргі таңда осы міндеттеменің ЕАЭО заңнамалық базасына енгізілгенін және Қазақстан бұдан әрі осы міндеттемелер болашақта ЕАЭО заңнамалық базасының міндетті бөлігі болып қала беруін қамтамасыз ететінін растады. Жұмыс тобы осы міндеттемелерді назарға алды.