ДҮниежүзілік сауда ұйымы

(iii) Өңірлерге бөлу

650. 
     Қазақстан өкілі қазақстандық билік шараларды енгізу туралы шешімдерді қабылдаған кезде СФС жөніндегі ДСҰ келісімінде айқындалған түрінде өңірлерге бөлу қағидатын кеңінен қолданылатынын түсіндірді. КО Комиссиясының 2010 жылғы 18 маусымдағы № 317 шешімімен қабылданған Бірыңғай ветеринариялық талаптар (әрбір тарауы) өңірлерге бөлу қағидатын тануды көздейді. Ветеринариялық шараларды қолдану саласында өңірлерге бөлу жүргізу тәртібі ХЭБ Кодексіне (4.3-тарау. ХЭБ, 2011) сәйкес жүзеге асырылады. Өсімдіктер карантині саласындағы қазақстандық заңнама КӨҚХК ережелеріне және фитосанитариялық шаралар жөніндегі халықаралық стандарттарға негізделген. Осылайша, өңірлерге бөлу реттеуге жататын барлық импортталатын өнімге қолданылады. Экспорттаушы елдердегі Өсімдіктерді қорғау жөніндегі ұлттық ресми ұйымдардың агенттіктері берген фитосанитариялық сертификаттар. Өңірлік ерекшеліктер нақты өңірлерде қолдану үшін фитосанитариялық шараларды әзірлеу мәселесінде маңызды фактор болып табылады.
     

650. 
     Қазақстанның өкілі ветеринариялық шараларды қолдану саласында өңірлерге бөлу жүргізу тәртібі ХЭБ кодексіне сәйкес келетіндігін айтты. Ветеринариялық шаралардың ХЭБ стандарттарына сәйкестігіне КО Бірыңғай ветеринариялық талаптарын және «Ветеринария туралы» 2002 жылғы 10 шілдедегі № 339-ІІ Заңды қолдану арқылы қол жеткізілді.
     

650. 
     Сондай-ақ ол өңірлерге бөлу қағидаты КӨҚХК және ФШХС № 1, 4, 10, 14 және 29 ережелеріне толық сәйкестікпен қолданылғанын мәлімдеді. Осы ережелерді сақтау, оның ішінде ветеринариялық және фитосанитариялық сертификаттарды әзірлеу кезінде міндетті болып табылады.
     

(iv) Барабарлық

650. 
     Қазақстан өкілі санитариялық және ветеринариялық шараларға қатысты ЕАЭО және ЕАЭО-ға әрбір мүше мемлекеттің органдары фитосанитариялық шараларға қатысты ұлттық деңгейде жеке-жеке айқындайтын тиісті қорғану деңгейі – ЕАЭО-ға мүше мемлекеттердің және тиісінше ЕАЭО-ға жекелеген мүше мемлекеттердің аумағында өндірілетін өнімдер үшін айқындалған техникалық регламенттерде көрсетілгенін түсіндірді. Бұдан басқа, өкіл КО Комиссиясының «Санитариялық, ветеринариялық және фитосанитариялық шаралардың барабарлығы туралы және тәуекелге бағалау жүргізу туралы» 2011 жылғы 18 қазанда №835 шешімі қабылданғанын (бұдан әрі: КО Комиссиясының № 835 шешімі) еске салды, бұл мыналарға:
     

• 
  егер экспорттаушы ел өзі қолданатын шаралардың ЕАЭО санитариялық немесе ветеринариялық қорғау деңгейіне немесе ЕАЭО-ға жекелеген мүше мемлекеттердің фитосанитариялық қорғаудың тиісті деңгейіне сәйкестігін объективті түрде демонстрациялаған болса, ЕАЭО-ға мүше мемлекеттерге санитариялық шаралардың барабарлығын тануға;
  
• 
  экспорттаушы елмен (елдермен) консультациялар жүргізу тәртібін белгілеуге және оларға өз тарапынан тиісті ақпарат беруге мүмкіндік жасауға;
  
• 
  барабарлықты тану туралы шешімдер шығару тәртібі бойынша бірқатар маңызды талаптар белгілеуге; сондай-ақ
  
• 
  ЕАЭО-ға мүше мемлекеттің сұрау салуы бойынша экспорттаушы елде инспекциялау, тестілеу және аудит жөніндегі мүмкін болатын іс-шараларды өткізуге мүмкіндік береді.
  

650. 
     Бұдан басқа, КО Комиссиясы №835 шешіміне сәйкес ЕАЭО-ға мүше мемлекеттер фитосанитариялық нормалар саласында барабарлықты тану туралы ЕАЭО-ға жекелеген мүше мемлекетке жолданған сұрау салуға жауап ретінде бірыңғай тәртіпті қолдануға міндетті. Сондай-ақ ол КО Комиссиясының №835 шешімі экспорттаушы елдер үшін ЕАЭО-дан немесе оған мүше мемлекеттерден (құзыретіне байланысты) өздерінің бақылау жүйелерінің барабарлығын тану және Кеден одағы нормаларын инспекциялау туралы мүмкіндікті сұрайтындығын көздейді деп атап өтті. Ол КО Комиссиясының №835 шешімі және осы Шешімді қолдану үшін қажетті барлық рәсімдер ЕЭК Алқасының 2014 жылғы 11 ақпандағы №17 шешімімен қабылданғанын түсіндірді. Қазақстан өкілі КО Комиссиясының №835 шешімі мынадай тәртіппен қолдануды болжап отырғандығын мәлімдеді:
     

• 
  ЕАЭО-ға мүше мемлекеттің тиісті органына басқалармен қатар, барабарлық туралы сұратылған келісімнің типі мен талаптары, өнімнің сипаттамасын (өнімнің тобы) туралы ақпаратты, бақылау шараларын немесе жүйелерін (жүйесін) және тиісінше инспекциялауды, экспорттаушы ел нақты қалай  ЕАЭО нормаларына сәйкес келетін санитариялық қорғау деңгейіне қол жетізетінін бағалауды,  сондай-ақ пайдаланылатын шаралардың негізділігі мен тиімділігі туралы ақпаратты қамтитын  шаралардың барабарлығын тану туралы өтінім беру;
  
• 
  ЕАЭО-ға мүше мемлекеттер мен экспорттаушы ел арасында қолданылатын шаралардың барабарлығын айқындау мәселесі бойынша келіссөздер жүргізу;
  
• 
  шаралардың барабарлығы туралы шешім қабылдағанға дейін ЕАЭО-ға мүше мемлекеттің сұрау салуы бойынша, ЕАЭО аумағында немесе осы елде қабылданған қорғау деңгейі жөнінде сұратушы экспорттаушы елге түсініктеме беру; сондай-ақ
  
• 
  Комиссияның немесе ЕАЭО-ға мүше мемлекеттің экспорттаушы елді барабарлықты уақтылы тануға және шараларды барабар емес деп тануды тиісті түсіндіруге қатысты шешімі туралы хабардар ету.
  

650. 
     Бұдан басқа, Қазақстан өкілі Комиссияның №835 шешімінің ережелерін қолдану кезінде ЕАЭО-ға мүше мемлекеттер Алиментариус кодексі Комиссиясы, Эпизоотия жөніндегі халықаралық бюро және басқа да өсімдіктерді қорғау жөніндегі халықаралық конвенция шеңберінде қолданылатын халықаралық және өңірлік ұйымдар сияқты тиісті халықаралық ұйымдар әзірлеген халықаралық стандарттарды, нұсқаулықтар мен ұсынымдарды ұстанатындығын байқады. Мүшелер СФС жөніндегі ДСҰ Комитетінің шешіміне сәйкес (G/SPS/19/Rev.2), импорттаушы елдерге белгілі бір міндеттер жүктелгенін атап көрсетті: қолданылатын санитариялық және фитосанитариялық шаралардың ұтымдылығы пен нысаналылығына негіздеме беру және соған қарсы тиісті шаралар бағытталған тәуекелдерді дәл айқындау. Оның үстіне, импорттаушы-ел қолданылатын санитариялық және фитосанитариялық шараларға сәйкес келетін қорғаудың қажетті деңгейін көрсетуі және соның негізінде тиісті санитариялық немесе фитосанитариялық шаралар енгізілетін тәуекелді бағалаудың көшірмесін ұсынуы тиіс. СФС жөніндегі ДСҰ Комитетінің шешімінде көрсетілгендей, импорттаушы мүше өздеріне қатысты барабарлықты тану туралы сұрау берілген шаралар мәселесі бойынша санитариялық және фитосанитариялық қызметтер алған тиісті ақпарат пен тәжірибені ескеруге міндетті. Қарау кезінде негізгі элемент өнімді экспорттайтын мүшенің құзыретті органына өнімді импорттайтын мүшенің құзыретті органдарының тарихи білімі мен сенімі болып табылады.
     

650. 
     Қазақстан өкілі Қазақстан ДСҰ-ға кірген күннен бастап өз шараларының Санитариялық және фитосанитариялық шараларды қолдану жөніндегі ДСҰ келісімінің 4-бабымен сәйкестігін қамтамасыз ететіндігін растады. Сондай-ақ, ол Санитариялық және фитосанитариялық шараларды қолдану жөніндегі ДСҰ келісімінің 4-бабына сәйкес, ДСҰ-ға басқа мүшелердің санитариялық, ветеринариялық және фитосанитариялық шаралары тіпті олар Қазақстанның немесе ЕАЭО-ның шараларынан ерекшеленген жағдайда, егер экспорттаушы ел қолданылатын шаралардың Қазақстанда қабылданған санитариялық және фитосанитариялық қорғау деңгейіне сай келетінін объективті түрде демонстрацияласа, барабар деп танылатынын растады. Сонымен қатар, Қазақстан өкілі Қазақстан ДСҰ-ға кірген күннен бастап Санитариялық және фитосанитариялық шараларды қолдану жөніндегі ДСҰ келісімінде, оның ішінде көрсетілген келісімнің 4-бабында көзделген және Қазақстанда қолданылатын немесе ЕАЭО құзыретті органдары қолданатын барабарлықты тану және белгілеу рәсімдері - халықаралық стандарттарға, нұсқаулықтар мен ұсынымдарға, атап айтқанда Санитариялық және фитосанитариялық шараларды қолдану жөніндегі ДСҰ Комитетінің шешіміне (G/SPS/19/Rev.2), Кодекстің Тамақ өнімдері сапасын басқару және сертификаттау жүйелерімен байланысты санитариялық шаралардың барабарлығын бағалау жөніндегі ұсынымдарына (CAC/GL 53-2003); Кодекстің Импортталатын және экспортталатын тамақ өнімдерін бақылау және сертификаттау жүйелерінің барабарлығын бағалау бойынша келісімдерді әзірлеу жөніндегі ұсынымдарына (CAC/GL 34-1999); Санитариялық және фитосанитариялық шараларды қолдану жөніндегі ДСҰ келісіміне, сондай-ақ № 24 «Фитосанитариялық шаралардың барабарлығын белгілеу және тану жөніндегі ұсынымдар» фитосанитариялық шаралар жөніндегі халықаралық стандарттарға сәйкес, ХЭБ көздейтін рәсімдер және ХЭБ-тың Жер бетіндегі жануарлардың саулығы кодексінің 5.3-бөліміне негізделетінін растады. Жұмыс тобы осы міндеттемелерді назарға алды.