Қай кезде вакцина салдыруға болмайды

Денсаулық сақтау вице-министрі Ажар Ғиният баспасөз мәжілісінде қандай жағдайда вакцина салуға болмайтынына тоқталды. Оның сөзінше, вакцина тек мұндай шараға қарсы көрсетілімдері жоқ азаматтарға салынады.

«Вакцина салмастан бұрын азаматтың денсаулығы тексеріледі, мәселен, дене қызуы өлшенеді. Егер дене қызуы 37 градустан асса, вакцина салуға болмайды. Қазіргі вакцинациялау аурудың таралуын тоқтатып, азайту ең тиімді құрал екенін айту керек. Бұл қайтыс болатындардың санын төмендетуге мүмкіндік береді», - деді ол.

Еске салайық, коронавирустың алдын алу бойынша, соынмен бірге емдеу үшін бірқатар шараларды ұстанған жөн.

1. Гигиенаны сақтау, саламатты өмiр салтын ұстану, таза ауада жиi серуендеу. 

2. Жоғары тыныс алу жолдарының инфекция симптомы байқалған кезде өз бетiнше жаттығулармен айналысуға болмайды. 

3. Жоғары температура, әлсiздiк, жөтел болған кезде «103» нөмiрiне хабарласу керек.

Бас снитар дәрігер Ерлан Қиясов бұған дейін жанама әсерелеріне тоқталды. Оның сөзінше, жанама әсер болған жағдайда арнайы сараптамалық топ құрылып, толықтай зерттеледі.

«Вакцинадан жағымсыз әсер болса, барлық қатысушы жауап бередi: өндiрушiден бастап, тiкелей медициналық мекемелерге дейiн. Сонымен қатар, өңiрлердегi Қоғамдық денсаулық сақтау басқармаларының жанынан сараптамалық топтар құрылды, олардың құрамына бейiндi мамандар кiрдi. Қолайсыз салдарлар пайда болған жағдайда, аталған комиссиялар тергеу жүргiзедi және одан әрi ҚР заңнамасына сәйкес шаралар қабылдайды», - дедi ол.