Есназар асель жаңабергенқызы
жүктеу/скачать 3.69 Mb. Pdf көрінісі
|
| Жүйелілік тұғырды қазіргі ғалымдар құбылысты жүйе ретінде зерттеуді
қамтитын зерттеу бағыты ретінде түсіндіреді. Жүйе - өзара байланысты қарым- қатынаста болатын және белгілі бір тұтастықты, бірлікті туғызатын элементтердің жиынтығы деп қарастыратыны белгілі. Жүйеге кіретін әрбір элемент кіші жүйе, жаңа жүйе ретінде қаралуы мүмкін. Жүйелілік тұғыр - нақты гносеологиялық жағдаяттағы диалектикалық әдістердің көрінісі. Сондықтан, жүйелілік жалпы ғылыми әдіснамалық зерттеудің бір құралы ретінде оқу-тәрбие үдерісін және бір-бірімен байланысты құбылыстарды жүйелі зерттеуге қажет сапалы ғылыми тұғыр болып табылады. Жүйелік тұғыр бұл оқушыларға арналған нұсқаулар немесе элементтер жиынтығы ғана емес, 81 білім беру үдерісіне қатысты ойлау тәсілі. Жүйелілік тұғырдағы білім мақсаты - бастауыш білім беру үдерісіндегі пәнаралық байланысты жүзеге асыру, педагогикалық зерттеу субъектілері - мұғалім, оқушы; компоненттер құрылымына - пәнаралық байланыс, қатысымдық орта, танымдық іс-әрекет, мотив жатады. Жалпы, бастауыш сынып оқушыларының ойлау мен сөйлеу дағдыларын қалыптастыруда жүйелілік тұғырдың алатын орны ерекше. Себебі бұл жерде, біздің ойымызша бірнеше жүйе бар. Атап айтсақ оқушының өзі: физиологиялық, психологиялық т.б. ішкі құрылымдардан тұратын жүйе, ал білім беру де реттілікті, тәртіпті, кезеңділікті сақтауды талап ететін тұтас жүйе. Бұл ретте ішкі жүйе мен тұтас жүйенің бір-бірімен байланысын ретке келтіріп, пәнаралық байланыста ойлау мен сөйлеу дағдыларын қалыптастыруға бағыттау зерттеу нысанасына алып отырған мәселені шешуді нәтижелі ететіндігіне көзіміз жетеді. Жүйелілік тұғыр пәнаралық байланыстарды реттеуде пәнаралық ортақ ұғымдарды біріктіруге, құрылым жағынан сәйкес келетін пәндерді кіріктіруге бағыт береді, ондағы құбылысты келесі интегративті тұғыр байланыста дамытады [158]. жүктеу/скачать 3.69 Mb. Достарыңызбен бөлісу:
|