Этика және этикет дегеніміз не?

Дауыс интонациясын бақылаңыз. Тілдесіп отырған адам сіздің қандай екеніңізді даусыңызға қарап бағалайды. 

Амандасу

Қоңырау шалғанда не телефонды көтергенде бірден амандасыңыз. Аманның артығы жоқ, кез-келген адамға сәлемдесу жақсы әсер тудырады.

«Алло» деп диалог бастаудан аулақ болыңыз. Бұл сөзді негізінен дауыстың естіліп-естілмей тұрғанын анықтау үшін айтатын болған. Ендеше сіздің жай сәлемдесуіңізге жауап қайтарғаннан-ақ дауысыңыз естіліп тұрғаны белгілі.

• Таныстыру

Амандасқаннан соң өзіңізді таныстырыңыз. Есіміңізді және қай жұмыс орнынан не қай компания атынан хабарласып тұрғаныңызды және хабарласқан себебін айтыңыз.

Қоштасу

Қоштасу

Әңгіме аяқталғаннан кейін қоштасыңыз. Ешқашан телефон үнсіздікпен аяқталмауы керек. Тіпті клиент ештеңеге тапсырыс бермесе де, «Сау болыңыз!» деген тіркеспен әңгімені аяқтайсыз. Ал клиент белгілі бір тапсырыс беріп не сұқбаттасушыңыздан қалаған жауабыңызды алсаңыз, алғыс білдіріңіз. «Тапсырысыңызға рақмет!», «Уақытыңызды бөлгеніңізге алғыс айтамын!», т.б.

Телефон қоңыраулары іскерлік байланыстың ажырамас бөлігі болып табылады. Серіктестермен, лауазымды тұлғалармен және клиенттермен ресми байланыстардың едәуір бөлігі дәл телефон арқылы жүзеге асырылады. Телефон мүмкіндіктерін дұрыс пайдалану құнды уақытты үнемдеуде өте тиімді. Алайда, телефон этикетін білмеу іскери адамның беделі мен имиджіне түзетілмейтін зиян келтіреді.